Makekeng 23:32 - Deduamiti

³² Nga ge yenigoc dzadzahac mi mebesena nga ge nemuonga nga anutufocngina hania hania yenigoc ifingoc dzadzahac mi mebesena.

Makekeng 23:32 ပူးပေါင်းရင်းမြစ်များ

Mitiyegec 106:35

Yeneng ine bangeha bangeha ngicngacareng yenigoc kengha amma yeneac faka arenggema imoc modacgec.

Makekeng 23:13

Ngeni sasawa gombunga garengemema yoac edengunuai imoc mekecma sasawa modacdacbisia. Nemuonga nga anutu hania hania yeneac kpac mi kpacma debisia nga yeneac kpacngina mong enacnginaunac mi erebeso.

Makekeng 23:24

Nga ge yeneac nemuonga nga anutufocngina hania hania fafoc mi heiyemmema afeheyunuma numuyemmebesena. Ge yeneac enactofoc tofoho ua mi mebesena. Nga angammemenginaac siricfu wiac mong mi ambesena, kpahac. Ge nemuonga nga anutufocngina hania hania kpetotieyunuma yeneac hocwotung nemuonganginagoc kpetiac dema eweheiyemmeandae, imoc hedzac kpedzamedacbesena.

Makekeng 34:12

Nga ge kennade bangec imohai ngicngac kecdae yenigoc dzadzahac mema botucnginau botac mebanggac garengga meemema dzadzahac mong yenigoc mi mebesena.

Makekeng 34:15

Bangec imoc kecdae yeni singtoangac isoc nemufocngina nga anutufocngina hania hania hoangyunuma yeneac sese dema wiac kpema faiandae nga goa yeni heitaigugec ge seseyakangina imoc nebanggac. Imocac amma ge ngicngac bangec imohai kecdaemoc yenigoc dzadzahac mi mebesena.

2 Korinti 6:15

Kristongo Beriagoc uba mocgu naric mi anude. Nga ngicngac negen negensinggoc yeni ngicngac negen negensingngina kpac, yenigoc negen negengngina mocgungoc naric mi anggecde.