Makekeng 23:18 - Deduamiti

¹⁸ Ge neac seseyang kpema houma sawa neac aratau fainade, imohai wiac aengagoc mi faibesena. Amma neac nasotoaac seseac kerec imocac tosea wana tacmanu ama mi wereckembeso.

Makekeng 23:18 ပူးပေါင်းရင်းမြစ်များ

Makekeng 12:10

Nema fusia mong mi wagec tacmanu ama wereckembeso. Nga ama wereckenu mong tarudeu imoc gerecfu faigec dzedacbeso.

Makekeng 12:15

Nga ngeni icsogong aenga kpac nema kecmagec wenac kpete sewen wisickebeso. Wenac uameme kpete mocgu imohaingoc uha dokugoc yerec yerecgea aengagoc imoc amanginaunac meickebisia. Imoc yofiac, tembuc tembuc sasawa ngenearunac mongngo wenac kpete mocgunac kemma wenac kpete sewen imohai wiac aengagoc neudeu ye isracelhabuunac meickegec ngadeau kemebeso. Yoac imocngo dederecgengina amma feengkecbeso.

Makekeng 12:8

Nga yeni fusia imoc tofocnac imohaingoc hafoangoc gerecfu faigec dzebeso nga icsogong aenga kpac nga mondzang hodungagoc imocgoc nebisia.

Makekeng 16:19

Anu Mosengo yofi edeyunuec, “Mongngo wereckenu asoacac negemma mong mi fau tacbeso.”

Makekeng 29:34

Nga womonggareng yeneac desi desiac fusia noboha me icsogong noboha wagec takecfu asoac anudeu imoc wiac kpetiac andeac mi nebisia, imoc sasawangoc gerecfu faina dzedacbeso.

Makekeng 34:25

Nga ge neac sese dema seseac yang houma ohogecdeac yanggac sawa imoc wiac aengagoc imocgoc mi kpeturangyurubesena. Amma ge onggo onggongge nasotoaac seseyang kpema houma ohomigec imocac tosea faina tacmanu ama mi wereckembeso.