Makekeng 23:1 - Deduamiti

¹ Ge enacfu faifai nga sebiu faifai mi ambesena. Nga ge godzungicac maria mema ye nanggema hepucyoac ikoha mi debesena.

Makekeng 23:1 ပူးပေါင်းရင်းမြစ်များ

Fingec fingec 39:17

Hau siduc imocngoc ammima deec, “Hebiraio bangecfunac enac tofoc tofohongic nenearu wangecma hanec yeng nearu erema kerec anemma faka mangana ambadeac dedac.

Mitiyegec 101:5

Mong ye ogea wegenac kecma yeac ngadeyoac sufu sufuu deude, ni ngic ifia memanganeba kpac ambeso. Ngic mong ye yengenaac negenu wiac engena anu ngic ogofora yenemma yeneac negenu mamea angande nga hereau ubakpekpe faka meande, yeac modzona tiude.

Mitiyegec 120:3

Nedzarang ge ngicngac tobangyununadeac yoacgoc kecnec, ge yoacna negenna. Ge noc wiac anggembesonga? Amma geac turunga noc wiac gembesonga?

Mitiyegec 15:3

Ngic mong ye nedzarangango ngadeyoac mi deude nga ogea mi memanganeude nga mong ye ogofora yeac wegenac kecandae, yeni game kpekpeuu naric mi faiyunuude, yeng ihai naric kefude.

Mitiyegec 27:12

Ngic goa yeni enacnginaunac yareasu ereande, yeni yoacfu yacma neac yoac ikoha degecde. Ge yeneac songo mi modacna nga yeneac mariu mi fainuna.

Mitiyegec 35:11

Ngic yeni mangana arenggema yacma yoacfu nearu hama faka goa mi negenduae, imocac dekpesi anendae.

Makekeng 20:16

Ge ngic me ngac gegoc wegenac kecde ye enacfu faifai mi ammibesena.

Makekeng 23:7

Amma ge garengga mema ikoc amma yoacfu faifaifaka, imohacnac meickema herau yombong kecbesena. Ngic kopocsiha kpac nga ngic dindingac yeri homecfu mi faiyurubesena. Imoc yofiac, ni godzucngic ye dindingac mi demibade.

Mataio 19:18

Ifi deu deec, “Dedeseriyoac damoc tofohobadeac denec?” ifi deu Yesungo yofi deec, “Ge ngicngac mi yunuhomebesena nga kaiserofaka mi ambesena nga hamangec mi mebesena amma enacfu faifai mi ambesena.

Ruka 19:8

Ifi degec Sakaiongo ine ihai namma Kebuac deec, “Kebu negenna, finacna mekecduae, imocac noboha ngicngac makpekpea yemmebade nga goa ikoc ayemmema wiac meai, yeneac turung atac fo meemma monggoc yemmebade.”

Ruka 3:14

Nga wasaingic goa yeneng ifingoc kpesimigec, “Anu neni dafi annide?” Ifi degec deec, “Ngeni godzufaka me ikocfu amma degbedicfu monggarunac hiedzo mi mebisia. Ngeni uanginaac bummekecdae, hiedzo imocsac fengemmebeso.”

Roma 3:8

Goa yeni enacfu faifai anemmema deandae, “Wiac gombunga fingerudeac nenang angammeme goa mangana ambisina.” Nga goa yeneng neneac deandae, “Imocnoc kpounemmeandae.” Ngicngac yoac ifia deandae, yeni Anutungo kopocsicnginaac turunga, imocac sirihau yemmeude.

Efeso 4:25

Amma nenang sebi mocguac oruc kickedzac nga hanimaria kecma meficemema kecdimbeac ngeni sasawa faka ikoha wadacma yoac fora tosofocngina yenigoc denegeng amma kecbisia.

2 Timoteo 3:3

Nga yeni ngicngac tosofocngina heresongogoc mi hoangyunugecde amma ngicngac yeneac kopocsic wawa mi anggecde. Yeni enacfu faifai amma angammemengina mi garenggema ubagori faka mekecma faka gombunga ubango wagecde.

1 Petoro 3:16

Ngeni ine kpesi kpesiac turunga herebuya kpac, yumea nga eweheiheigoc amma here negen negeng kpataningau merembisia. Ngeni ifi anggecdeu, angammemengina gombunga Kristoac amma angkecdae, imocac ngic dedenggbaring angkecdae, yeni gameyunuude.

Yohaneac kpefing 12:10

Nga enacudumengtoa mong kurumennu negemba yofi deec, “Memengerec nga kuc amma eucerereng imocac mingina Anutu. Nga yeac danggunucngic Kristongo yaguc imocac uakibi nga kuc metacde. Ngic tosofocnina yoacfu faiyunukefec, yeng Anutuninaac kicfu hadzing toforec yoacfu faiyunuma kefu yeneng yegoc ewema firang amma ye bic kurumennunac ukugec maec.