Makekeng 22:29 - Deduamiti

²⁹ Ge naso mi ukuna, ge nenesemeng amma oliwa nga wainguagaunac seseac wiac bic faibesena. Amma waracmedacga neac bung debesena.

Makekeng 22:29 ပူးပေါင်းရင်းမြစ်များ

Makekeng 13:12

imohai ngeni nonggo heremanaunac morocmedacfocngina nga ramaburumaka warac warac fingec fingera ngiwa imoc sasawa Kebuac anggecdeac desiyunubisia.

Makekeng 13:2

“Warac warac fingecgecde sasawa yeni neac anggecdeac segereyunuma meisingyunugec neac kpetiacareng amma kecbisia. Isracelareng ngeneac botucnginau ngic me yang nonggo heremanaunac warac warac fingerude, imoc neac ambeso.”

Makekeng 23:15

Ge icsogong aenga kpacac nasotoa imoc tacbesena. Ge imohai neng dederecge anggenai imocac siricfu icsogong aenga kpac nema kecmana wenac sewen wisickebeso. Anu afo awiwac nasoya faifaia imohai ifi ambesena, nocac ge afo imohainoc Aigitabangec wama manec. Nga mongngo neac kicfu habeso negende ye neac wiac mong mariau mema habeso.

Makekeng 23:16

Ge nenesemenggac desi desinasotoa tacnade imoc uagau nenesemengga heihomec angannec, uaga imocac fora warac warac memeac nasotoa. Anu ge kifa wisic wisickeau uagaac fora uaunac mekpedzuc angannec imohai kpememe nasotoa tacbesena.

Makekeng 23:19

Ge uaunac nenesemenggaac fora warac fingec fingera, imocac desi desi gombunga imoc Kebu Anutugaac womonnu meembesena. Ge noningmedaha nonggeaac namugoc mi ohobesena.

Makekeng 34:19

Nenggac herenginaunac medac warac warac fingec fingera sasawa imoc neac andacbisia. Nga ramaburumakafocngina ngiwa warac warac fingec fingera sasawa yeni desiyununa neac andacbisia.

Makekeng 34:20

Nga donggifocga ngiwa warac warac fingec fingera yeneac turunga imoc ramangiwa faibesena, me ifi mi annadeac negennecfu ubia kpetackebesena. Nga morocmedacfocga yeneac turunga faibesena, ngenearunac mongngo neac kicfu sesea kpac eng mi habeso.

Mika 7:1

Nocngo nearu ebic nga fagung fafic ande! Ni waing uau waing medacgec hofocandae ifi isoc kecduae. Amma waing gbomea gbariagoc nga fig kpaua nebadeac anenu hofocma sifu mong mi henduae.

Bangec kisiu 18:13

Bangecnginaac wiac nenea sasawa warac warac erema kpaueu kebuaru mehagecde imoc ngeneac anude. Ammanu ngicngac tembuc tembuc sasawa amaarengnginau Kebuac hehenu kongaha kecdae, yeni imoc naric nebisia.

Mataio 6:33

Imocac ngeni warac warac yombong Anutuac eucerereng nga yeac faka dindingac meficgegecdeac uatoa mebisia. Ngeni ifi anggec yeng wiac sasawa imocnoc ifingoc torokpeu torokpe ngemmeude.

Roma 8:23

Nga imocsac kpac. Anutungo hanahema Tiri Asu nemmeec. Ifi nemmeu nenang ifingoc sebininagoc bangec yomoc wama medacforaac tatacfu bic ennideac herekiki anemmeu nasoyaac tomai kecdimbe.

Yakobo 1:18

Anutu ye songoya nga negen negenaac amma yoac forau yeac nambaracfora fingering kecdimbe. Yeng deu wiac sasawa bangecfu fingecdarec, imocac buma heihei annideac ifi anec.