Makekeng 20:4 - Deduamiti

⁴ Wi kurumennu wiac fekende me imocac bageau bangecfu me dokuu me emu bangec manau wiac fekende imocac nemuonga mong me onga mong geanggaoc mema mi hoanggekecbesena.

Makekeng 20:4 ပူးပေါင်းရင်းမြစ်များ

Mitiyegec 78:58

Yeni nemu yeneac arata hania hania tiki bumau meyunuma Anutu woseau mema ngaba meficgemima nemunginagoc kecma yeac keracmangang meficgemigec.

Mitiyegec 97:7

Ngic yeni nemuongaac kicfu ngonducnema numuyemmeandae nga imocac negenggec wiac engena yombong anu yoac homac osoandae. Nga nemuongangina yeni wiac fora mi meficgeyemmegecde, kpac. Yeni game kpekpeu faiyunugec eng nanggecde. Nga anutu hania hania yeni Kebuac kicfu ngonducnemigecde.

Makekeng 20:23

Ngeni ni hoannukecma anutu dema nemuonga silwa me golngo memea mi meyunuma hoangyunukecbisia. Amma anutu dema nemuonga golngo memea imoc mi mebisia.

Makekeng 32:1

Mose ye tikiu kefu naso hereeu ngicngacareng yeni imoc hemma Aharonggaru kemma kpedzucnema yofi edegec, “Mose ye Aigitabangecfunac menunuma hesicnunuec, imoc yearu noc wiac fingecmiec imoc mi negendimbeac ge bic yacma anutu mong menemmena yeng warainemmema kembeso.”

Makekeng 32:23

Amma ni yofi edenugec, ‘Mose ye Aigitabangecfunac menunuma hesicnunu haec, ngic imoc yearu noc wiac fingecmiec imoc neni mi negendimbe, imocac ge anutu engena mong menemmena yeng warainemmeudeacsoc anu kengkecbisina.’

Makekeng 32:4

Mekenggec yeng imoc mocgu mocgu mema gol gerea hetinggeu patatakeu burumakamedahaac ongea mong meu yeni hemma yofi degec, “Yomoc Isracel geac anutuga engena. Yeng Aigitabangecfunac hesicguma haec.”

Makekeng 32:8

Ni sing modacgecdeac dederecge ayemmeai imoc bic wama sing segema kendau. Kemma gol gerea hetinggegec patatakeu burumakamedahaac onga mong mema yeac kicfu ngonducnema numumima sese faimima yofi dedau, yomoc Isracel geac anutuga engena, yeng Aigitabangecfunac hesicguma meguma hadac.”

Makekeng 34:17

Ge aieng nganoc gerea hetinggena patatakeu imocngo nemuonga nga anutungina hania hania mi meyunubesena.

Bangec kisiu 12:8

Ni yegoc yoac mong sangoyau mi deanduae, kpac. Ni Moseac kicfu fingec fingec mekperagiemeba nengande. Anu ngeri nocac enactofoc tofohongicna Mose desure ammibeso kengec mi andaoc?”

Aposoro 17:29

Anu nenang Anutuarunac, imocac amma ngic yeni ubau negemma gol me silwa me hocngo marikibi meandae, Anutungo ifi isoc ande, imoc mi negensibisia. Anutu ye kuctoa mingina.

Roma 1:23

Nga yeni Anutu homeha kpac, yeac kuc kibikperagiagoc wama ngic homemea, yeneac ongangina nga neng nga yamberec amma sekac ongangina goa imocac Anutu siriha, ifia dema mekecgecde.

Yohaneac kpefing 16:2

Ifi deu angero warac waracngo kemma sokoha bangecfu kpakeec. Kpakeu ngicngac wasaipusiac kibi metacgec nga ongea numumigec, yeni kubecngina gereagoc nga mangana fingecyemmeec.

Yohaneac kpefing 9:20

Anu ngicngac tosea kpendzeng 6 yomocngo mi yunuhomeec, yeneng ine ubangina mi dzigenegec. Amma yeni asu mangana nga nemuonga gol silwa kopa nga hoc amma icngo memea numuyemmegecdeac faka mi wagec nga nemuonga maringinango memea, imoc mi ngadehegec. Nemuonga ifia yeneng wiac mong mi henggecde nga kedzacnginango mong mi negenggecde amma haningnginango naric mi tikenggecde.