Makekeng 20:24 - Deduamiti

²⁴ Nga arata menennade imoc bangecngo mema imocac witiau sesega hafoangoc dzeudeac fainade nga ruaesesega hafoangoc ngenahafoc neandaemoc amma ramaburumakagedangga ohonembesena. Neng amabangec mong ihai me ihai kpacna negensima afenunadeac degembade, imohai gearu hama kenecgubade.

Makekeng 20:24 ပူးပေါင်းရင်းမြစ်များ

Fingec fingec 12:2

Ihai kemma bangecareng kuneng ambesannec nga ni kenecguba kpackunenggagoc amma kecnade. Ifi anna ngicngac geac wegenac kecgecde yeni kenecnginagoc anggecde.

Nehemia 1:9

Amma nearu monggoc dzigenema dederecge yoacna modacgecdeu neng ine Kpacna feengkefudeac amma witicuau ngicngac hereau yombong kecdae, yeneac botucfunac mengunuma neanaoc bangec meisinggeai imohai faingunubade.

Mitiyegec 101:2

Ni kopocsiha kpac kecma sing imohai kengkecbadeac negensima kecduae. O, ge dafinenggac nearu hanade? Ni ngic ogofocna mong mi memanganeyunuma herenau dindingac nga kopocsicna kpac kecma amanau kecbade.

Mitiyegec 122:2

O Yerusalaim, neni hanininango geac naguusing ekemma odaga manau tinandimbe.

Mitiyegec 128:5

Kebungo Tsionnu kecma kenecguu. Yerusalaim ye naric kecma wiac monggac mi obohoude, imoc hembesena.

Mitiyegec 134:3

Kebungo kurumeng nga bangec meficgeec, yeng Tsionnu kecma kenecgubeso.

Mitiyegec 74:7

Yeni womongga faigec dzema bangecfu maec amma geac kpac kunenggac amagerec, yeni imoc heidzadzu kpema kpedzamegec bangecfu mau

Mitiyegec 76:2

Yeac bedzo tatahau faigec Sareng bangecfu tacde nga amagereha Tsionnu faigec

Mitiyegec 78:68

Yehuda areng meisinggeec. Ye Tsiontikiac songo negendeac imoc meisinggema

Makekeng 10:25

Ifi deu Mosengo yofi deec, “Kebu Anutuninaac kicfu sesegerec ammima yang kpehou amma ohominide nga hafoangoc ohomini dzedarudeac ge negennemmema nemmebesena.

Makekeng 18:12

Anu Mose yofea Yitro ye Anutuac sese mong mehau gerecfu hafoangoc dzedarudeac yemmeu seseyang goa houma tosea faigec. Fau Aharon nga Isracel enarafocngina sasawa yeni ifingoc hama Anutuac kicfu Mose yofeagoc yaka negec.

Makekeng 20:25

Nga ge arata mong hocngo menennadeac negemma ine hoc dzake dzakea aiengngo memea imocngo mi mebesena. Ge hoc aiengngo kpeserenadeu ge imoc ammina kpetiac mi anude.

Makekeng 24:4

Ifi degec Mose ye Kebuac yoac sasawa ohodarec. Ohodacma ama werec wereckenggac yacma tiki haniau kemma arata mong mema Isracelac kisicngina twelf yeneac kpete imocacsoc hoc twelfngoc gunungyunuu nanggec.

Makekeng 24:5

Ifi amma Isracel sebigboringic yeni sueyunuu kemma Kebuac sesegerec dema burumakangiwa faigec hafoangoc dzeec amma ruaeac sese yenahafoc neandae imoc momoc faigec.

Makekeng 27:1

Ge arata akasia icngo menade, imoc hereayaac kubit marimong nga odahaac kubit marimongngoc amma tegia sasawa socfungoc ambisia. Amma emuhacnac wi enude imoc kubitkpete harebec ambeso.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Mataio 28:20

Nga neng yoac sasawa dederecge angemmekefai, ngeni imoc hafoangoc modacdacgecdeac kpouyemmebisia. Amma negendae, ni wenaha wenaha ngenigoc kecbare naso wisickebesande.”

1 Timoteo 2:8

Neac negen negeng nga songo yofi anu ngic ngeneac deduae, ngic guruama noboc noboc kecdae, ngeni ngaba nga deendema yoacngina wama maringina kpetiac miacma numubisia.