Makekeng 20:17 - Deduamiti

¹⁷ Ge yeac ama hemma imoc hensongo mi ambesena. Ge ngic yeac enema hemma ye hensongo mi ammibesena, me yeac enactofoc tofohongiha me enactofoc tofohongaha hensongo mi ammibesena. Amma ge burumakangiwa me donggi me wiara hania hania yenemma imoc hensongo mong mi ambesena.”

Makekeng 20:17 ပူးပေါင်းရင်းမြစ်များ

Fingec fingec 14:23

‘Neng finac sasawa Awram desimidarai,’ ge ifidebanggac ni wambagaac witihanec mong me hanitabe witiha mewiac mong gearunac naric mi mebade.

Fingec fingec 3:6

Ifi deu ngac ye ic imoc henu nenea gombunga amma yeac kicfu siriha gombunga yombong anec. Anu ye yofi negenec, “Ni naric imoc nema negen negentegecgoc ambade.” Ifi negemma ye ic imocac gbomea mong mema nema ewea yegoc nanec ye ifingoc miu neec.

Fingec fingec 34:23

Ifi anni ramaburumakfocngina nga finacngina sasawa imoc nenanggac momoc anude. Imocac negengyemmeni nenanggoc tacyac angkecbisia.”

Mitiyegec 10:3

Ngic Anutu ngadehema mangana meudeac ammiande, ye hereau negensongo mangana fede, imocac negenu engena anu yoac homac osoude. Ye iwaiac kichodung amma wiac homac mekpedzuc amma mekefudeac ammiude amma Kebu ngadehema yeac sowecyoac deude.

Mitiyegec 119:36

Ge herenaunac bangecac songo meickena geac dedekperagiyoacngo seria febeso.

Mika 2:2

Ngeni keracmangang amma ngic yeneac heikpenec nadung nga amagerecngina imoc engsac kucgoc wangecyunuma mingina angandae. Amma ngeni ikocfu kerereyunuma amabangecngina nga maridzomingngina hamangec mema tigec engande.

Mataio 20:15

Ni neanna hiedzongo ifi me ifi ambesonga negemma imoc naric ambai. Amma fakana gombunga anu imocac negen negengga mi manganebeso.’

Mataio 5:28

Neng ine yofi edengunuba, ngic mongngo ngac mong hemma hensongo ammiude, ye hereango serofaka bic andac.

Ruka 12:15

Ifi dema torokpema yeneac yofi deec, “Ngeni dzofinactoaac kichodung ambauac garengngina mebisia. Ngic monggac dzofinactoa, imocngo yengena kekehaac siriha mi heficgeude.”

Ruka 16:14

Yesungo yoac imoc deu farisaio yeni hiedzoac songo kuneng feyemmeecac amma imoc negemma detenic ammigec.

Aposoro 20:33

Anu ni ngenigoc kecma hiedzoac dewaidzoc mi angemmema

Aposoro 5:4

Amabangecga noboha fegembeso dema fegembac me desina dzo kirecgeu imocngo ‘ifi me ifi amba’ dema ambang. Ge ubagango tobangguu ifi andang, imoc naric mi ande. Negennec, ge ikoc annec, imoc ngic neni mi anemmenec, kpac. Ge Anutunoc ikoc ammidang.”

Roma 13:9

Dedeseriyoac goa yofi fede, “Ge kaisero mi ambesena, ngicngac mi yunuhomebesena, hamangec mi mebesena, hensongo mi ambesena.” (Mke 20:13-15, 17; Dser 5:17-19, 21) Dedeseriyoac imoc nga dedeseriyoac goa tosea, imoc yoac mocguac manau kpeturanggedacma yofi fede, “Ge geangga anggengande, siriha imocngoc gegoc wegenac kecde, ye heresongogoc hoanggebesena.” (Sese 19:18)

Roma 7:7

Imocac nenang yofi denide, dedeseriyoac yengenaoc kopocsic mi ande, kpac. Dedeseriyoacngo ine kopocsicac siriha edzacnuu negenghomeduae. Ge hensongo mi ambesena. Dedeseriyoacngo ifi mi debacfu ni hensongoac siriha naric mi negenghomebai.

1 Korinti 6:10

hamangecmeme me ngicngac kichodungnginagoc me doku seria nema ubasufu angandae me enacfu faifai yoac deandae me ikoc amma hiedzo wangecyunuandae, areng ifia yeni sasawango Anutuac eucererenggac mingina naric mi anggecde nga ambesandae.

Efeso 5:3

Amma ngenang botucfu kaiserofaka nga sicsauc kekec wonongagoc hania hania amma kichodung, ngeni faka imoc hafoangoc wama mi yombong debisia, kpac. Ngeni kpetiac kecdaeac faka ifia ngenearu angana mi ande.

Efeso 5:5

Amma kaisero me ngic ubawonongnginagoc areng ifia yeni Kristo nga Anutuac eucerereng manau naric mi enggecde amma imohai mingina naric mi anggecde. Nga kichodunggac faka imoc nemu afec afehe faka. Nga ngicngac faka imoc meandae, yeneng eucerereng manau naric mi enggecde nga embesandae, ngeni imoc negenghomebisia.

Firipi 3:19

Ngic ifia yeni hofeac areng anggecde. Heresebinginaac songo, imocngo kebungina angkecde. Nga fakangina gameagoc, imocngo yeneac ubangerec angkecde amma yeneac negen negensi imoc bangecac kekecfu fekecde.

Kolosai 3:5

Imocac ngeni bangecac songo hania hania herenginau fengemmede, imoc wagec homebeso. Faka imoc yofia, kaisero nga songo ikoha amma faka seuhagoc nga faka mangana amma kichodung. Kichodung imocngonoc nemuac afec afehe faka ande.

Hebiraio 13:5

Anu ngeni hiedzoac tusuc faka mi ambisia, ngeni ine wiac bic fengemmede, imoc soha ande, ngeni ifi negemma kecbisia. Anutu yengenaocngoc yofi bic deec, “Ni ngeni wangunuma me wiacngina segerema naric mi ngadengunubade, imoc kpac.” (Dser 31:6)