Makekeng 20:14 - Deduamiti

¹⁴ Ge eweenengfaka femanu ferahama serofaka mi ambesena.

Makekeng 20:14 ပူးပေါင်းရင်းမြစ်များ

Fingec fingec 39:9

Anu ama yomohai yengena isoc amma kecbadeac fainuec. Ye wiac sasawa desinendarec nga ge ine yeac enema imocac mi desiec. Ni ifi amma Anutu woseau naric mi mebade. Ni faka mangana imoc naric mi ambade.”

Malecaki 2:15

Anu Kebungo ngacgoc meturangnguruu mocgu bic anoc, i. Ye ifi anecac ngeri asu nga sebi mocgu anoc. Amma ngeri yeac nambaracfora kpeficyunuecdeac yeng meturangnguruu mocgu anoc. Imocac asuu garengemema enengga sebigbori kecma menec amma dedeseri denec imoc mi kpebesena.”

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Bangec kisiu 5:12

“Ge Isracelngicngac yoac yofi edeyunubesena, ‘Faka mong yofi fingerude gedang, ngac mongngo memeturanggac sing segema ewea tobanggema serofaka yofi anude.

Mataio 19:18

Ifi deu deec, “Dedeseriyoac damoc tofohobadeac denec?” ifi deu Yesungo yofi deec, “Ge ngicngac mi yunuhomebesena nga kaiserofaka mi ambesena nga hamangec mi mebesena amma enacfu faifai mi ambesena.

Roma 13:9

Dedeseriyoac goa yofi fede, “Ge kaisero mi ambesena, ngicngac mi yunuhomebesena, hamangec mi mebesena, hensongo mi ambesena.” (Mke 20:13-15, 17; Dser 5:17-19, 21) Dedeseriyoac imoc nga dedeseriyoac goa tosea, imoc yoac mocguac manau kpeturanggedacma yofi fede, “Ge geangga anggengande, siriha imocngoc gegoc wegenac kecde, ye heresongogoc hoanggebesena.” (Sese 19:18)

Hebiraio 13:4

Nga eweeneng memeturanggac fakaya imoc eweheiheiagoc ambeso. Nga eweeneng yerahafoc fefengira eweheimiec imocngo wononga kpac febeso. Noac, Anutungo kaisero ngicngac haniangina isinggema turunga yemmeudenoc.

Yakobo 2:11

Anutungo yofi deec, “Ge kaisero mi ambesena.” amma monggoc yofi, “Ge ngicngac mi yunuhomebesena.” (Mke 20:13-14; Dser 5:17-18) Nga kaisero mi amma ngicngac yunuhomenadeu dedeseriyoac kpekpengic bic annec.

Yakobo 4:4

Ngicngac waemeeme faka angandae, ngeni yofi negembisia, mong ye bangectoa bangec yomocac kekec imocac ogea angande, ye Anutu ngadeheude. Imocac mong ye bangecac kekec ogo ammibeso ande, yeng Anutuac ngaba areng anude.

Yohaneac kpefing 21:8

Anu ngic karoha nga negen negensingngina kpac amma fakangina mangana wonongagoc nga ngickpekpe amma serongic nga mosocfaka angandae amma nemu numuyemmeandae nga ikocngic sasawa, yeni ine kondung gerec nga sarafa dzema kecde, imohai torokpegecde. Yomocngo homec kpetea yohockang anude.”