Makekeng 20:11 - Deduamiti

¹¹ Kebu ye wenac uameme siks ua mema kurumenga kurumenga nga bangec nga kondung amma wiac yeneac manau fekendacdae imoc meficgedarec nga wenac kpete sewen imohai tacnegenec. Imocac Kebungo tacnegenggac wenac kenehema segerema kpetiac annideac desiec.

Makekeng 20:11 ပူးပေါင်းရင်းမြစ်များ

Fingec fingec 1:28

Meficyuruma kenecyuruma yofi dema edeyuruec, “Ngeri fingecsahe amma seregurutoa amma kemma bangec sokoma kecma bangec mema henggareng amma kecbisia amma kondunggac yang nga sawaac neng amma yang amma wiac sasawa kekecnginagoc bangecfu kengha amma kecandae yeni garengyunubisia.”

Fingec fingec 1:31

Fingecdaru ye wiac sasawa meficgeec imoc henu gombunga yombong andarec. Anu ama monggoc toforema wereckenu uameme siks anec.

Makekeng 31:17

Amma ni nga Isracelngicngac botucninau kpete imoc faiba feengkecbeso. Nocac Kebungo wenac uameme mocgu kemma siks imohai kurumenga kurumenga nga bangec meyunuec amma wenac kpete sewen imohai ine tacnegenec.’ ”

Makekeng 8:22

Nga ni wenac imohai ngicngacfocna Gosen bangecfu kecdae yeni segereyunuba yenearu mogoc dzacgoc mi fingerude. Kebu neng bangec yomohai kecduae, imoc negentegecnadeac ifinoc ambade.

Makekeng 9:29

Ifi deu Mosengo turunga yofi meremmiec, “Ni taong wama marina sineba Kebuaru enu gbumparandang nga kia aisgbomeagoc tegeckenu yofi negentegecbesena, bangectoa bangec imoc Kebuac.

Aposoro 14:15

“Yei, ngicngac ngeni noc andae? Neri ngic ngeni isoc, ngeneac siric. Ngeni nemungina kucmama kecdae, yeni ngadeyunuma Anutu kekehagoc mewegenegecdeac siduc gombung dekperagingemmekecdipe. Yeng wiac sasawa bangecfu nga kurumennu nga kondunnu fedacde, imoc meficgedarec.

Aposoro 20:7

Anu neni sondau maung nenideac kpedzucneni Paurongo wereckengau kenudeac negemma Anutuac enacyoac edeyunuma kefec.

Aposoro 4:24

Negemma yeni uba mocgu amma Anutu kpacma dengerema yofi degec, “Kuctoa mingina, ge kurumeng nga bangec amma kondung nga imocac iwai hania hania meficyununec.

Hebiraio 4:4

Uameme 7gac yoac fekende imocac yoac mong yofi fede, “Uameme 7 fingeru Anutungo uaya sasawa faidacma tacnegenec.”

Yohaneac kpefing 10:6

yoac deserima yofi deec, “Kebu kecde nga kecengkecma kecbesande nga kurumenga kurumenga nga kondung amma yeneac manau wiac sasawa fede, imoc yeng deu fingecdarec, ni yeac kpac kpacma yoara meserima yofi deduae, ‘Naso wisickede.’