Makekeng 2:3 - Deduamiti

³ Mekecma torokpema amau sufuudeac negenu osiu sakac mong papyrusngo memea mema titinga bangecac sopea nga kpadongngo medzickedacma medac ihai faiu kemeu doku tegiau dzamac dzamac manau fau tarec.

Makekeng 2:3 ပူးပေါင်းရင်းမြစ်များ

Fingec fingec 11:3

Imohai kecma yofi denegeng anggec, “Hagec, nenang brik menideac gbaki mema gerecfu ohoni seribeso.” Anu yeni gbaki seria megec brik isoc anec nga bangecac sopo megec imocngo simeng isoc anec.

Fingec fingec 14:10

Nga Siddim tumiau bangecsopeaac teng homac nangkenec. Anu ngaba yeni Sedom nga Amora ngictau wasaifocngiragoc yeni yunukporac ayemmema kisangyunugec worama kemma goa yeni teng imohai kemegec nga tosea yeni kengec amma kemma sifecbangecfubigeng woragec.

Fingec fingec 6:14

Ge ine gofer icngo wagetoa mong buya dabac dabac mema manabisic bisic homac hendzicma mana nga ngadea bangecac sopeango hosodacbesena.

Makekeng 1:22

Ifi anu Parecongo ngicngacfora sasawa dederecge yofi ayemmeec, “Hebiraiongic yeneac medacfocngina fingecgecdesoc ngeni Nilidokuu ukuyunugec kemedacbisia nga naroang yeni ine onggongyunubisia. Yeni naric kecbisia.”

Mataio 2:13

Dzigenema kenggec Kebuac angero mongngo Yosefe gauu fingecmima yofi edeec, “Ge yacma sabac nonggeagoc meyuruma worama Aigita bangecfu kemma kecgec. Kecmagec neng edengunubaguc monggoc habisia, nocac Herodengo sabac hofocma meficgema kpehomeudeac dede.”

Mataio 2:16

Anu negen negengngic yeneng Herodeac yoac wagec, ye ifi hemma herebutoa negenec. Negemma Betreheng nga amabangec imocac wegenacfu tarec, imohai wasaingic sueyunuu yeni ngicngac imoc yeneac medacfocngina kifangina yohockang namma made, yeni sasawa yunuhomedacgec. Imoc negen negengngic yenearunac naso negenec, imocac sirihau anec.

Aposoro 7:19

Anu ngictau yennoc kisicfocnina meenti memati ayemmema memanganeyunudarec. Amma yeng yofi edeyunuec, ‘Ngeni sabacfocngina wayunugec homedacbisia.’ ”