Makekeng 19:9 - Deduamiti

⁹ Anu Kebungo Mose yofi edeec, “Negennec, gegoc yoac denegeng ammira ngicngac yeni imoc negenggecdeac, ni hoeng kundung dzicnambac manau gearu habeso anduae. Ifi amba yeni ifingoc nasoya kpac yoacga negensinggema kecgecde.” Ifi deu Mose ye ngicngac yeneng yoac degec, imoc Kebu edeec.

Makekeng 19:9 ပူးပေါင်းရင်းမြစ်များ

Mitiyegec 97:2

Hoeng nga kundung kunengngo ye oronggema fedape. Faka dindingac nga sing dindingac, imocngo yeac ngictautatahaac sering seria.

Mitiyegec 99:7

Kebungo hoeng mong hereatoaac manau tacma yoac edeyunuu yeni yeac dedekperagiyoac nga singyoac tofohoma kecgec.

Makekeng 14:31

Anu Kebu kuctoayagocngo aigitangic faka ayemmeu Isracelngicngac yeni imoc henggec. Hemma damuyunuu Kebu negensinggegec nga enactofoc tofohongiha Mose ye ifingoc negensinggegec.

Makekeng 19:16

Anu wenac uameme kpete harebecac asoacfu piratac heiu ginggbururung heima femanu hoeng kundung dzicnambacngo mama tiki hedzidzickema feu trampettoa mong kunengngoc yombong arohou ngicngac sasawa kporucamabangecfu kecgec, yeni kengec anggec dzonongngina fedeec.

Makekeng 20:21

Ifi deu ngicngac yeni tihereema nammagec Anutungo hoeng kundung dzicnambac imocac manau taru Mose ye imohai kenec.

Makekeng 34:5

Enu Kebungo hoeng manau mama yegoc imohai namma yengena kpara Kebu imoc dekperagiec.

Makekeng 4:31

Meu yeni negensinggegec amma “Kebu ye Isracelngicngac nenanggac dzoickpendzeng hennegeng anec,” yeniifi negemma fafoc heimima kicmesungina bangecfu hetutuckemanumumigec.

Makekeng 4:5

Ifi anu edeec, “Ifi anna yeni yofi negensinggegecde, ‘Fora, Kebu kisicfocninaac Anutungo fingecmiec, imoc Awraham, Itsak nga Yacakow yeneac Anutu.’ ”

Bangec kisiu 12:5

Kenggec Kebungo hoeng manau mama kporucama naguyau namma Aharon nga Miryam wegenac kenecdeac kpacyuruu yeri kenoc.

Mataio 17:5

Anu Petorongo ifi denammanungoc hoeng mong kperagiagocngo mama semeyunumanu hoeng manaunac yoacudumeng mong yofi kpacma deec, “Yomoc neac Songomedacna, ye hensongo ammiduae. Ngeni yeac yoac negembisia.”

Mareko 9:7

Ifi nammagec hoeng mongngo hama semeyunumanu hoeng manaunac yoacudumeng mong yofi fingerec, “Yomoc neac Songomedacna, ngeni yeac yoac negembisia!”

Ruka 10:16

Ngic mong ye kedzaha ngenearu faide, yeng kedzaha nearu faide. Nga ngeni ngadengunuude, yeng ni ngadenuude nga Kebu suenuec, ye ifingoc ngadeheude.”

Yohaneac kpefing 1:7

Henggec, ye hoenggoc hau ngicngac sasawa yeneng kicnginango hendacbesandae nga sebiau nenesari ammigec, yeni kicnginango ye ifingoc henggecde. Nga bangeha bangehaac areng sasawa yeni ye hemma fagung madzacgoc kiacbesandae. O, imoc fora.