Makekeng 19:5 - Deduamiti

⁵ Imocac amma yoacna negentofoho amma dzadzahacna mema kecgecdeu ngicngacareng yeneac botucfu segerengunuba neac ngicngacfocna yombong anggecde. Bangectoa bangec imoc neac.

Makekeng 19:5 ပူးပေါင်းရင်းမြစ်များ

Fingec fingec 17:9

Ifi dema yofi edeec, “Ge dzadzahac imoc mekecbesena, ge nga bangecfocga fingecenggecde ngeni dzadzahac imoc mekecbisia.

Mitiyegec 135:4

Kebungo Yacakow yengena areng segerema Isracel yengena areng yombong anggecdeac meisingyunuec.

Mitiyegec 24:1

Bangeha bangeha nga wiac sasawa bangecfu fede, imoc Kebuac. Bangectoa bangec nga ngiha ngiha imocac witiau kecdae, yeni sasawa yeac.

Mitiyegec 25:10

Ngicngac Kebuac dzadzahac nga dedekperagiyoac modacandae, yeni Kebu hemma yofi negenggecde, ye yoac modac modac Kebu. Amma ye yoac dedzege amma imoc modackefude.

Makekeng 15:26

Anu yofi deec, “Ge Kebu Anutugaac ubaudumeng negemma kecnadeu nga yeng negenu faka dindingac andacde, imoc angkecnadeu amma yeng dederecgeyoac edeguu ge kedzac kpema faka imoc tofohonadeu amma singseria sasawa tofohonadeu yofi negemma kecbesena, ni Kebu geac memengerec, imocac amma hafei hania hania deba aigitangicngac ayemmeec, hafei imocfia ebihagoc geac witiu faiba mi enude.”

Makekeng 23:22

Nga ge kedzac kpema yeac ubaudumenga negemma kecnade nga ni yoac deduaesoc modacnadeu ni ngabafocga ngaba ayemmebade nga ubango wagudae yeni ubango wayunubade.

Makekeng 24:7

Ifi amma dzadzahac kibi mema ngicngacareng osoyemmeu negemma degec, “Kebungo edegudac yoac imoc sasawa tofohodacma modacdacnide.”

Makekeng 34:9

yofi deec, “O Kebu ge neac negenna ngereeudeu nenigoc botucninau kengkecbesena. Neni ngicngac ubaseri nga fakanina dindingac kpac. Anu geng sifu kopocsicnina wama geangga ngicngac annideac menununa.”

Makekeng 6:7

Yungecngunuba kenggec ni mengunuba neanna ngicngacareng anggecde nga ni Anutungina amma kecbade. Ngeni aigitangic yeneac bageu wanac kecma faficua ebiria mema kecmagec ni mengunuma imohacnac hesicngunuba kenggecde. Ifi fingeru ngeni yofi negentegecyombonggegecde, ni neannaoc Kebu Anutungina.

Makekeng 8:22

Nga ni wenac imohai ngicngacfocna Gosen bangecfu kecdae yeni segereyunuba yenearu mogoc dzacgoc mi fingerude. Kebu neng bangec yomohai kecduae, imoc negentegecnadeac ifinoc ambade.

Makekeng 9:29

Ifi deu Mosengo turunga yofi meremmiec, “Ni taong wama marina sineba Kebuaru enu gbumparandang nga kia aisgbomeagoc tegeckenu yofi negentegecbesena, bangectoa bangec imoc Kebuac.

Amosi 3:2

“Nga bangecfu ngicngac sasawa kecdae, yenearunac ngenisac meisingngunuyai, ifiac amma kopocsicngina sasawa imocac turunga ngunumengere angemmebade.”

Amosi 6:1

Yahec, Tsionnu negenggec soronga anu kecandae, nga Samaria tikiu negengyohoha kpac kecandae, amma Isracel bangecac ngic kpackunengnginagoc, Isracel ngicngac ngeneng yenearunac mefic megecdeac haandae. Ubahodung, ngeni sasawango manganedacgecde.

Malecaki 3:17

“Yeni neac arengfocna anggecde. Nga neanna nasokereng monnu faka mebade naso imohai yeni neanna ngicngacfocna yombong anggecde. Amma manggac monggac medahango mamaac enactofoc tofoho anu wosoefac ammiande ifi isocngoc yeni wosoefac ayemmebade.

1 Korinti 10:26

“Bangeha bangeha nga wiac sasawa bangecfu fede, imoc Kebuac.” (Myeg 24:1)

1 Korinti 10:28

Nga ngic mongngo yofi dekperagingemmeudeu, “Yomoc nemuseseac yang noboha.” imohai ine yaka imoc mi nebisia. Imoc yengena nga here negen negenggac amma yaka imoc wama mi nebisia.

Tito 2:14

Anu Yesu Kristongo singyoac kpekpe arennunac yungecnunuudeac yengenaoc ngabafora maringinau faiemeec. Nga nenang yengena ngicngac amma kpetiac kecma ua gombunga mamangkima menideac faka imoc anec.

Hebiraio 11:8

Anutungo Abrahang kparu yeng yoara negensinggema imoc modacma bangeha wama bangec dahai kenudeac obohoec. Nga bangec Anutungo miudeac deec, ihai tacyac amma kefec.

Hebiraio 8:9

Dzadzahac imoc warac bangecfocngina yenigoc meai, imocfia isoc kpac. Naso imohai neng maringinau mema Aigita bangecfunac hesicyunu hayai. Yeni dzadzahac meai, imoc wama imocgoc mi kecgecac ni ifingoc wayunuma ioc baoc ayemmeai.” Ye ifi dema monggoc torokpeec,

1 Petoro 2:9

Anu ngeni Anutuac faka kuhagoc dekperagigecdeac Anutungo ngeneac areng meisingngunuec. Meisingngunuma ngeni yengena areng ngicngac kpetiac anggecdeac mengunuma ngictauac arennu faingunuu womonggarengua mekecgecde. (Mke 19:5-6; Yes 43:20) Yennoc kundunnunac hagecdeac kpacngunuma kperagiau heitaingunuma yengena kperagi engena nga songea, imohai faingunuec.