Makekeng 19:18 - Deduamiti

¹⁸ Nanggec Kebungo gerecborang manau Sinai tikiu maecac hosucngo tiki hafoangoc semema hosuckpengkpennu engande, ifi isoc enu tiki hafoangoc kpemindzaeyombonggema feec.

Makekeng 19:18 ပူးပေါင်းရင်းမြစ်များ

Fingec fingec 11:5

Ifi dema bangecngicngac yeni taongtoa nga tauatoa megec nga Kebu ye imoc henudeac maec.

Fingec fingec 15:17

Anu negenggec, wenac kemeu ama toforema kundung yombong anu yofi fingerec stof mong hosuhagoc nga kifa mong gerecboranga kuneng yombong fingerec. Fingeru yang noboha yohockang yohockang yereng yereac botucfu ferecgema kenoc.

Fingec fingec 19:28

Kemma kic fiu Sedom nga Amora taong taroc bangec tumia imohai kemeu henu bangecfunac gerec dubuhegec dzeande hosuctoa siriha ifia yombong ereec.

Nehemia 9:13

Ge kurumenunac Sinai tikiu mama dedeseriyoacga, nonoyoacga nga singyoacga fora nga gombunga amma dederecgeyoac dindingac imoc edeyununec.

Mitiyegec 104:32

Yeng kiwa bangecfu fiu bangecngo dendeng kpeu mariango tiki kpesereyunuu tikingo hosuc kpegecde.

Mitiyegec 114:4

Tiki yeneng rama ngiwango futuckeandae, ifi isoc futuckegec nga fagang yeneng ramamedaha yuma engemmama angandae, ifi isoc sogac sogaigoc yuma engemmama anggec.

Mitiyegec 114:7

O bangec, ge Kebuac kicfu dendeng kpekecbesena. Ge Yacakowac Anutu yeac kicfu gbigbihebesena.

Mitiyegec 144:5

O Kebu, ge kurumenga kurumenga merarangyunuma yacma mama tiki kpesereyununa hosuc kpebisia.

Mitiyegec 18:9

Ye kurumenga kurumenga merarangyunuma hau kundungtoango hania bageau tarec.

Mitiyegec 68:9

O Anutu, geng kia faina bangecfu mau dokuac mi obohoing. Ge bangec gbangge gbanggea soc kpema nemmema kuha mina icngo monggoc kpedzienu bangec imoc kerehagoc anec.

Mitiyegec 77:18

Firang kunengngo amabangec heimerenu imocac manau geac gbururunggac udumengtoa fingerec. Geac piratacngo bangeha bangeha mekperagiyunuu bangecngo kengec amma dendeng kpekecfec.

Mitiyegec 77:19

Geac sing imoc kondungtoa dzongiau kenu singbisicga imoc kondungtoa manau tima kengannec, fora. Nga haniga ongea sifu mi hening.

Makekeng 19:13

Mongngo imoc maringo mi kpeserebisia. Ngic me yangngo imoc kpesereudeu ye hocngo hebucgebeso me tebengo wedecbeso. Yang me ngic imoc ye mi yombong kecbeso. Trampet fifigec arohou negemmaguc ine tikiu naric enggecde.’ ”

Makekeng 19:17

Ifi fingeru Mosengo ngicngac yeni Anutugoc meficemegecdeac kporucamabangecfunac wangecyunuma tiki haniaac wegenahau arengyunuu nanggec.

Makekeng 20:18

Anu ngicngac yeni sasawa ginggbururung, piratac nga trampet udumeng heima feu negemma henggec tiki hosuc kpeu wiac imoc sasawa hennegeng amma kengec kuneng yunuu dzonongngina fedeu monggoc kpesikehema nanggec.

Makekeng 24:17

Anu Kebuac kibikperagingo tiki bumau Isracel medacfora yeneac kicfu gerec isoc dzema feec.

Makekeng 3:2

Anu imohai gerec icbarang monnu borang tima nanu henu Kebuac angerongo gerecborannu fingecmiec. Fingecmiu fima henu icbarang imoc borang tima feec amma sifu mi dzetackeec.

Makekeng 34:2

Nga ge asoacngoc yacma efaima Sinai tikiu erena neng gembadeac tiki bumau nambesena.

Dzekarya 14:5

Tikitoana uranggema kemeude imocac tumiatoaya kengkecma Adzara bangecfu wisickebesande. Ngeni yehudangictau Udziaac nasou usoctoa meu woragec ifi isoc ihai worabesandae. Woragec Kebu Anutuna ye kpetiac arengforagoc hasikebesandae.

Mataio 24:7

Bangec goa yeneng bangec ogofocngina yenigoc ewekpekpe anggecde. Nga ngictau monggac arengngo ngictau monggac areng yenigoc ngaba angemegecde. Nga boditoa bangec goau fingerude nga goau usoctoa mebesande.

2 Tesaronike 1:7

Nga ngeni nga neni kpendzenggoc kecdimbe, imocngo kpendzennina menomaneude. Anu Kebu Yesungo angerofora kucnginagoc, yenigoc kurumennunac mama fingectegecgecde, imohai ifi ambesande.

2 Tesaronike 1:8

Ye gerec borangagoc mama Anutu mi hoanggegec nga Kebunina Yesuac siduc gombunggac yoara mi tofohoandae, yeni kopocsicnginaac turunga kpouyemmeude.

Hebiraio 12:18

Isracel ngicngac yeni tikingina mewegenema henggec gerecborang dzeu kundung kpema medzickeyombonggeec. Nga firang kpeu

Hebiraio 12:26

Moseac nasou Anutuac ubaudumengngo bangec kpemindzaheec nga yofinenggac ine yofi deserima edenunukecde, “Naso monnu monggoc bangec kpemindzahebade, imohai ine bangecsac kpac, kurumenga kurumenga ifingoc kpemindzahebesandua.” (Hag 2:6)

2 Petoro 3:10

Nga Kebuac hahanaso, imoc hamangec ngicngo haandae, ifi isoc haude. Naso imohai sawau wiac sasawa fedacde, imoc gerecngo yonohodarude nga sawango udumengtoagoc aockema kpac andarude. Amma bangec nga wiac sasawa maringo memea imocac witiau fede, imoc monggoc mi feude.

Yohaneac kpefing 15:8

Feu Anutuac kibikperagi nga kuc, imocac hosucngo womong mewakeec. Ngic mongngo womonnu mi engengkecmanu angero 7 yeneac kpendzeng 7 sasawa wisickedarec.

Yohaneac kpefing 9:2

Migec yeng ki imoc mema teng buya kpac mesiec. Mesiu gerecngo ua dzeu hosuc kuneng ereande, hosuc siriha ifia isocngo tennunac ereec. Teng imohacnac hosuc ereu wenac nga sawaac kperagi kucngira maec.