Makekeng 19:16 - Deduamiti

¹⁶ Anu wenac uameme kpete harebecac asoacfu piratac heiu ginggbururung heima femanu hoeng kundung dzicnambacngo mama tiki hedzidzickema feu trampettoa mong kunengngoc yombong arohou ngicngac sasawa kporucamabangecfu kecgec, yeni kengec anggec dzonongngina fedeec.

Makekeng 19:16 ပူးပေါင်းရင်းမြစ်များ

Mitiyegec 50:3

Anutuninango hama naric mi waickeude. Yeac kicfu gerecngo dzema waraimiude nga kiafirang kuhagocngo yearu yerecgeude.

Mitiyegec 77:18

Firang kunengngo amabangec heimerenu imocac manau geac gbururunggac udumengtoa fingerec. Geac piratacngo bangeha bangeha mekperagiyunuu bangecngo kengec amma dendeng kpekecfec.

Mitiyegec 81:8

“O ngicngacfocna, ngeni kedzac faigec goroyoac edengunuba. O Isracel habu, ngeni neac yoac negembisia.

Mitiyegec 97:4

Yeac piratacngo bangectoa bangec mekperagiu bangec ye imoc hemma dendeng kpeude.

Makekeng 19:11

Dzuacma efaima kecmagec wenac uameme harebec ambeso. Imoc yofiac, uameme imohai Kebungo ngicngac sasawa yeneac kicfu Sinai tikiu maude.

Makekeng 19:15

Anu ye ngicngac yofi edeyunuec, “Ngeni uameme harebecac manau efaima kpetiac kecma ngac yeneac wegenacfu mong mi kembisia.”

Makekeng 19:17

Ifi fingeru Mosengo ngicngac yeni Anutugoc meficemegecdeac kporucamabangecfunac wangecyunuma tiki haniaac wegenahau arengyunuu nanggec.

Makekeng 19:9

Anu Kebungo Mose yofi edeec, “Negennec, gegoc yoac denegeng ammira ngicngac yeni imoc negenggecdeac, ni hoeng kundung dzicnambac manau gearu habeso anduae. Ifi amba yeni ifingoc nasoya kpac yoacga negensinggema kecgecde.” Ifi deu Mose ye ngicngac yeneng yoac degec, imoc Kebu edeec.

Makekeng 20:18

Anu ngicngac yeni sasawa ginggbururung, piratac nga trampet udumeng heima feu negemma henggec tiki hosuc kpeu wiac imoc sasawa hennegeng amma kengec kuneng yunuu dzonongngina fedeu monggoc kpesikehema nanggec.

Makekeng 20:21

Ifi deu ngicngac yeni tihereema nammagec Anutungo hoeng kundung dzicnambac imocac manau taru Mose ye imohai kenec.

Makekeng 40:34

Anu hoengngo Kebugoc ewacemeemeac kporucama sememanu Kebuac kibikperagingo kporucwomong mewakeec.

Makekeng 9:23

Ifi deu ye yasuya sawau miaru Kebungo gbumparandang amma aisgbomea nga gerecborang sueyunuu bangecfu magec. Aigitabangectoau aisgbomea heiec imoc yennoc deu fingerec,

Nahum 1:3

Kebu ye herebuya dengecdengec hakecde nga ye kuctoayagoc amma ngicngac kopocsicnginaac turung kpoukpou faka imoc mi waande nga hoengngo hanititiyaac yube angkecde amma firang kuhagoc nga gbungparandanggac manau sing kengande.

Mataio 24:31

Nga trampet udumengtoa kuneng fingecmanu ye angerofora sueyunuu yeneng kurumenga kurumenga noboc noboc amma bangec tegia noboc noboc 4 imohai kemma Kebu yengenaoc ngicngac meisingyunuec, yeni kpedzucyunubesandae.

Hebiraio 12:21

Anu wiac henggec imocac homac yombong kengecyunuu Mosengo yofi deec, “Ni kengecnuu dzononna fedede.” (Dser 9:19)

Yohaneac kpefing 1:10

Kebuac naso kereng monnu Asungo nearu ua meu ngadenau enacudumeng kunengtoa mong trampet udumeng isoc negembare yeng yofi deec,

Yohaneac kpefing 11:19

Anu kurumennu Anutuac womonggac naguya megec yeac dzadzahacac katapa kicnginango henggec. Hemmagec piratac heiu udumengtoa nga gbururungtoa heiec amma usoc meu nomang gbomeatoa maec.

Yohaneac kpefing 4:1

Anu ni nagu mong witi witia kurumennu henai. Amma ubaudumeng warac trampet isoc yoac edenuu negennai, yeng yofi deec, “Ge yei erena. Yomocac ngadeau noc faka fingecbesande, imoc edzacgubade.”

Yohaneac kpefing 4:5

Ifi yenembare piratac nga udumengtoa amma gbumparandang ngictau tatacfunac fingerec. Ngictau tatacac kiwau kifa 7 dzetacgec, imoc Anutuac Asu 7.

Yohaneac kpefing 8:5

Enu angero ye sokohango arataunac gerec fiu wakeu bangecfu ukuec. Ukuu gbumparandang nga udumengtoa amma piratac homac fingeru usoc meec.