Makekeng 18:4 - Deduamiti

⁴ Amma yofi negemma mong Elicedzer kparec, “Mannaac Anutungo meficnuma Parecoac dzikacbeannunac onggonnuec.”

Makekeng 18:4 ပူးပေါင်းရင်းမြစ်များ

Fingec fingec 49:25

Geac manggaac Anutu Kuc Mingina yeng meficguma yofi kenecguude. Ye wi kurumenggac nga bangec keme kemeaac kenecngo kenecguude. Amma geac arennunac ngac herenginaunac sabac fingecgecde amma namungina ifingoc fingerudeac kenecgoc anggecde.

Mitiyegec 18:1

O Kebu, ge neac kucna, ni geac songo negenduae.

Mitiyegec 18:48

Oc, ye ngabafocna yeneac mariunac mesinuma kicnginau miacnuma kpac kuneng nenec. Ge yarengic kucnginagoc, yeneac mariunac mesinunec.

Mitiyegec 34:4

Ni Kebungo meficnuudeac ye hofocba yeng kengecna meickema ebicfunac mesinuec.

Mitiyegec 46:1

Anutu ye sufu sufuamanina nga kucnina. Ye ebicnasou nenigoc nasosoc kecma meficnunuude.

Makekeng 10:28

Nga Parecongo Mose yofi edeec, “Ge neac kicfunac meickena! Ge monggoc nearu hanadeu, wenac imohai homebanggac neac kicfu monggoc mi dzigene habesena.”

Makekeng 2:15

Anu Parecongo siduc imoc ifingoc negemma Mose kpehomeudeac negenec. Ifi anu ye ine Parecoarunac worama Midyanbangecfu kemma ihai kefec. Anu kecma uameme monnu dokuteng monggac tegiau hama matarec.

Makekeng 2:22

Miu ye medac kpenanggema meu Mosengo yofi deec, “Ni bangec furiau kuric kecduae.” Ifi dema kpara Geresom kparec.

Makekeng 4:20

Ifi deu Mose ye enemmedacfora meyunuma donggi witiau faiyunuma Anutuac yasu mariau merickema Aigitabangecfu dzigenema kenggec.

Danicel 6:22

Ni yeac kicfu kopocsicna kpac nga ngictau ge mong mi memanganeguaiac Anutunango imoc hemma angeroya sueu yeng laion yeneac enacngina medzickeu mong mi memanganenudau.”

Aposoro 12:11

Ifi anu Petoro ye negen negenga sariu yofi deec, “Yaguc negentegecduae, Kebungo angeroya sueu Herodeac mariunac nga yudangic yeneac herebuunac mesinude.”

Aposoro 7:29

Ifi deu Mosengo yoac imoc negemma imohaingoc worama Midiang bangecfu kemma kuric kefec. Ihai kecma ngac mema medac yohockang kpeficyuruec.”

2 Timoteo 4:17

Ni siduc gombung bangec monnunac ngicngac Anutu mi negemmidae, yenearu dekperagima mesibadeac Kebungo nigoc namma kuc nemma laionggac enacfunac onggonnuma mesinuec.

Hebiraio 11:34

Yeni gerecyada kucngina menomanegec. Nga ngabafocngina yeneng wasaibeangngo yunuhomebeso anggec woragec. Yeni kucmama kecgec Anutungo kuc yemmeec. Yeni dzikac kucgoc kpema kuric wasaingic homac kporacyunugec.

Hebiraio 13:6

Imocac serima kengeha kpac kecma yofi naric denide, “Kebu ye neac memeficna nga ngic mongngo wiac mong anenu imocac naric mi kengecnuude.” (Myeg 118:6-7)