Makekeng 18:21 - Deduamiti

²¹ Nga mong yofi, ge ngicngac sasawa yeneac botucfunac ngic yofia segereyunuma meisingyununa, ngic negen negentegec nga angammemengina gombunga feyemmede amma Anutuac damuyunude. Yoac edeyunugec imoc modacyombonggegecde nga goa yeneng wiac ikoc amma megec yeni imocac modzongina tiande. Ngic ifia meisingyunuma ngicngac yeneac enarafocngina faiyunubesena. Goa yeni ngicngac tauseng dafiguc garengyunubisia, goa yeni handred dafiguc yeneac gareng kecbisia nga goa yeni fifti dafiguc garengyunubisia amma goa yeni ten dafiguc yeneac enara kecbisia.

Makekeng 18:21 ပူးပေါင်းရင်းမြစ်များ

Fingec fingec 22:12

Ifi deu yofi meremmiec, “Ge medacgaaru mariga mi sinena nga wiac mong mi ammina. Ge medacga mocgu ye mi segerenendanggac amma ge Anutuac yoac modacma eweheihei ammiannec imoc yaguc negengguduae.”

Fingec fingec 42:18

Anu uameme harebec ammanu Yosefngo yofi dema edeyunuec, “Ni Anutu eweheimianduae imocac ngeni kekecngina onggonggegecdeac yofi ambisia.

Fingec fingec 47:6

ge Aigita bangec sasawa henna. Hemma bangec damocngo gombunga yombong ande imohai faiyunubesena. Naric, Gosen bangec imoc desiyemmena imohai kecbisia. Amma ge yeneac botucnginaunac ngic goa ua negengyombonggedae yeni negengyununecfu yeni neac ramaburumaka garengyombong kecgecdeac faiyunubesena.”

Nehemia 5:9

Ifi anggec yofi torokpeyemmeai, “Ngeni faka andau, imocngo naric yombong mi ande nga mikicfocnina yeneng deendema mi anemmegecdeac ngeni Anutuninaac kicfu eweheiheigoc naric kecbau me?

Nehemia 7:2

Amma ni Yerusalaim taong garenggeecdeac ngic yohockang, neanna munana Hanani nga wasaingic yeneac kpekpeturang amatoa monggac dederecgengic Hanania yeri faiyuruyai. Nga ngicngac homac yenearunac Hanania ye Anutuac kicfu memaemema kengecgoc kekec, fakaya imocngo ngic goa homac feracyunnuec.

Mitiyegec 15:1

O Kebu, geac kporucwomongga kpetiacfu merang naric tarude? Nga merang tikiga kpetiacfu naric kefude?

Mitiyegec 15:5

Ngic goa yeneng ngic mong yearu turung angkecdae amma kpougecde, imohai yeng profit dema dzo monggoc torokpema mi meude. Amma ngicngac goa kopocsicngina kpac kecdae, yeng yeni yoacfu memayunuudeac moneng naric mi meude, ngic ifia yeng Kebuac tiki kpetiacfu naric kefude. Ngic mong ye faka imoc angkecde, ye wiac mongngo meu goroc goroc naric mi anude.

Makekeng 17:9

Anu Mosengo Yehosuac yofi edeec, “Ge nenanggac wasaingic meisingyunuma waraiyemmena kemma amelekngic yenigoc ewebisia. Nga ni wereckenu tiki bumau emma Anutuac yasu menambade.”

Makekeng 18:25

Ye Isracel hafoangoc yenearunac ngic ua megecdeac negen negeng gombunga feyemmeec ngic imoc segereyunuma meisingyunuma uayoac yemmema ngicngac yeneac enara faiyunuec, goa ngic tauseng dafiguc yeneac enara, goa ngic handred dafiguc yeneac enara, nga goa ngic fifti dafiguc amma yeni goa ngic ten dafiguc yeneac enara faiyunudarec.

Dzekarya 7:9

“Kurumenggac wasaiareng habuya habuya yeneac Kebu yeng yofi dede, ‘Ngeni demengereac sing imoc gombunga modacma ubamangang angemema wosoefacgoc kecbisia.

Dzekarya 8:16

Imocac ngeni faka yofi ambisia, yoac forau edeemebisia nga yoacfu faiemegecdeu ruaeac sinnu ising ising forasac mebisia.

Bangec kisiu 1:16

Kebungo ngic imoc ngichabu yenearunac meisingyunuec. Yeni kisicfocngina yeneac fingecsaheac enarafocngina kecgec, isracelngic fingecsahengina yeneac engenafocngina.

Bangec kisiu 1:4

Nga Isracelac kisicfunac kisic twelf, imoc yeneac ngicenara mocgu mocgu, imoc kisicnginasoc amaarengnginaac ngicenara yombong, yeni ngerearu torokpema tacbisia.

Bangec kisiu 10:4

Nga trampet mocgungosac yoha yoha arohoude naso imohai Isracel kisicfunac yeneac ngicenarafocngina sasawa tembuc tembuc yeni gearu hama kpedzucnedacbisia.

Ruka 18:2

“Yoac isic isingge ngic mong ye taong monnu kefec. Ye Anutuac kengec mi angkefec nga ngicngac yeneac eweheihei mong mi angkefec.

Ruka 18:4

Ngac ye ifi dekefu yoac isic isinggengo meficgeudeac mi negenec. Amma ngade ngac imocac modzea tiu yengenaocngoc ine yofi negenec, ‘Ni Anutuac kengec mi anduae nga ngic yeneac eweheihei mong mi negenduae.

Aposoro 20:33

Anu ni ngenigoc kecma hiedzoac dewaidzoc mi angemmema

Aposoro 6:3

Negen negensinggoc tosofocna, ngeni imocac amma ngic 7 ngenang botucfunac meisingyunubisia. Ngic Asungo ubangina wakeu negen negeng nga fakangina gombunga yenengkecdae, ngic fakangina ifia meisingyunubisia. Nga neneng ua imoc yemmeni mebisia.

1 Timoteo 3:3

Ye waing doku nema ubasufu ngic mi kecbeso amma ye herebungic kecdeu mi ngereeude. Ye ngic yumea amma ruaegoc kecbeso nga hiedzoac songou negen negenga mi febeso.