Makekeng 18:11 - Deduamiti

¹¹ Ni yaguc negenduae, Kebu ye engenatoa, ye nemuonga nga anutu hania hania feracyunude. Imoc yofiac, Aigita yeni sebiengeng amma ngicngacareng yomoc faka mangana yombong ayemmegec yeng yeneac mariunac yungecyunuu kenggec.”

Makekeng 18:11 ပူးပေါင်းရင်းမြစ်များ

Nehemia 9:10

Amma Aigitangic yeneng ngicngacfocga wicgiric ayemmegec geng yeni memayununec. Amma Pareco nga uangicfora amma bangec imocac ngicngac yenearu faka morora nga bibiagoc menec. Imoc ge geanggaoc kpac kunengga mekperagiemenec, imocngo yaguc fedengoc.

Nehemia 9:16

Amma esangabofocnina yeneng ine sebiengeng nga ubaseri amma geac dederecgeyoac mi modackecgec.

Nehemia 9:29

Nga ge singyoacga ngadehebauac gorongina kpenec ammanu yeneng ine ubaseri amma dederecgeyoacga mi modacgec. Nga yeni dedeseriyoacga bic dedea feec, imohai kopocsic meficgegec. Amma yeneac botucfunac yoacga modacgec yenengsac kekec gombung meficgegec. Nga ubaseri amma ngadegugec, yeni dzingfong kpema geac yoacac kedzac mi kpegec.

Mitiyegec 119:21

Anutu ge ubakpekpe ngic yoac ngabasiric ayemmeannec, yeni geac nonoyoac wama ngadehema kecgec ge sowecyununec.

Mitiyegec 135:5

Kebu ye kuneng, imoc negenduae. Nenang Kebu yeng anutu hania hania sasawa feracyunudacde.

Mitiyegec 31:23

Kebuac kpetiac ngicngac sasawa, ngeni ye songogoc hoanggebisia. Yeng ngicngac yeac yoac modacandae, yeni onggongyunuude. Ngic yeni yenanggac negenggec wiac engena anu angammeme hania hania angandae, imohai yeng turunga mangana efea kpac merengyemmeude.

Mitiyegec 95:3

Kebu ye Anutu engena yombong, ye anutu sasawa yeneac ngictau engenatoa.

Mitiyegec 97:9

O Kebu, ge Anutu engenatoa yombong nga bangec sasawaac ngic kunenga. Ge anutu hania hania feracyunudacnecac afeguyombonggeni.

Makekeng 1:10

Amma yeni monggoc sahebauac nenang negen negentegecgoc faka ayemmebisina. Anu kecma dzikac mong fingerudeu yeni ngabafocnina yenigoc torokpema nenanggoc ewema bangecnina wama worabauac.”

Makekeng 1:16

“Ngeri hebiraiongac gadze meyemmema henec sabac medac fingerudeu kpebucgebesera nga naroang anudeu ine onggonggebesera.”

Makekeng 1:22

Ifi anu Parecongo ngicngacfora sasawa dederecge yofi ayemmeec, “Hebiraiongic yeneac medacfocngina fingecgecdesoc ngeni Nilidokuu ukuyunugec kemedacbisia nga naroang yeni ine onggongyunubisia. Yeni naric kecbisia.”

Makekeng 10:3

Ifi deu Mose nga Aharon yeri Parecoaru kemma yofi edeoc, “Hebiraiongicngac neneac Kebu Anutunina yeng yofi dede, Ge nasoherec ubaseri annec nga neac kicfu mi memaemema kecnecngoc imoc mi ngereede. Ge fakaga imoc wana! Ngicngacfocna uaac ebicfunac yungecyununa yeni ni eweheinenggecdeac kembisia.

Makekeng 12:12

Ni tofocnac imohaingoc Aigitabangecfu ferecgema warac fingec fingera ngic nga medac amma yang sasawa yunudacbade. Anu Aigita yeneac nemuonga nga anutu hania hania sasawa isingyunuma haniangina desibade. Ni Kebungo.

Makekeng 14:18

Anu ni Pareco keretacyagoc nga wasaingicfora becosicfu hadae yenigoc ewema firang amba eweheihei fingecnenu Aigitangic yeni yofi negentegecgecde, ninoc Kebu.”

Makekeng 14:8

Anu Isracelac ngicngacareng hafoangoc yeni kengeha kpac kucgoc kemmagec Kebungo Aigita ngictau Pareco ubaseri meficgemiu kporacyunuma kenec.

Makekeng 15:11

O Kebu, nemuonga nga anutu hania hania yeneac botucfu ge isoc mong mi kecdae! O, ge isoc mong mi kecdae. Ge engenatoa ngictauac kucgagoc amma ge kpetiac. Ge damu damugagoc amma faka bibiagoc angkecnecac geac heiwayong anggemma yegec heigembesonga.

Makekeng 5:2

Ifi deec Parecongo ine yofi deec, “Kebu ye merac? Ni yoara negentofoho amma Isracel ngeni kenggecdeac naric mi faingunuba kenggecde, kpac yombong. Kebu ye merac, imoc mi negemmiduaeac amma naric mi faiyunuba kenggecde.”

Makekeng 5:7

“Ngeni ngicngac kpindzingsira yemmegec gbakingo amameme hoc meandae, imoc warac anggec, ifi isoc monggoc mi yemmebisia. Yeni yenaoc kemma kpindzingsirangina mekpedzuc ambisia.

Danicel 4:37

Imocac amma Newukadnetsar neng yaguc kurumenggac Ngictau engena dengerema afehema eweheihei ammiduae. Yeng wiac sasawa ande amma mede imoc fora. Amma yeac sing sasawa imoc yoacfu faka dindingac. Anu goa yeni sebiengeng kecdaeu, ye yeni mamea anggecdeac ayemmeudeacsoc ande.

Bangec kisiu 33:4

Kenggec naso imohai Aigita yeni waracmedacfocngina sasawa Kebungo kpebucyunuec, yeni tonggoyunumagec Isracelngicngac yeni ifi angec. Kebungo ifi ayemmema nemufocngina yeneac hania mekperagima desiyunuec.

Ruka 1:51

Nga ngicngac yenang uba negen negengnginaac negenggec engena ande, yenearu kucfakaya mema maria sinema medereyunuu singsararang kpegecde.”

Yakobo 4:6

Anu yeng ferahema wosoefac kuneng anemmeude, imocacnoc mitikibingo yofi dede, “Anutungo ngic sebiengenggoc kecdae, yeni kekecngina memaude nga ubasebingina memama kecdae, yeni wosoefaha yemmeude.” (Yneg 3:34)

1 Petoro 5:5

Sebigbori ngeni ifingoc yadafocngina yeneac bageu memaemema kecbisia. Amma ngeni sasawa fakangina yumeau angemema kecma imoc wamba isoc heigec kemebeso. Imoc yofiac, “Anutungo ngicngac sebiengeng kecdae, yeni wayunuma memayunuude nga memaemema kecdae, yeni danggunuha yemmeude.” (Yneg 3:34)