Makekeng 18:1 - Deduamiti

¹ Anutungo Mose nga Isracel ngicngacfora meficyunuma yenearu faka sasawa medarec amma Kebungo Isracelngicngac Aigitabangecfunac wangecyunuu magec, imocac siduc Mose yofea, imoc Midyanbangecfunac sesememengic kpara Yitro, yeng negendarec.

Makekeng 18:1 ပူးပေါင်းရင်းမြစ်များ

Mitiyegec 105:43

ngicngacfora sogac sogaigoc wangecyunuec. Ye meisingfora hesicyunuu yeni yegec heima arohoma sogaima kenggec.

Mitiyegec 105:5

Yeng ua bibiagoc amma kucfaka bibiagoc mekecma desi desiyoac enarango dekefec, ngeni imoc negenggec febeso.

Mitiyegec 106:2

Kebungo faka kuhagoc mekecde, ngic mongngo kucfaka ifia naric mi deude nga ye kucfaka imoc dengereudeacsoc kpac.

Mitiyegec 34:2

Ubaonganango Kebuac negenu wiac engena anu ye dengereba. Ngicngac makpekpea yeneng imoc negemma sogaibisia.

Mitiyegec 44:1

O Anutu, ge bicngoc esangabofocnina yeneac nasou kucfaka mekecnec, imoc edenunugec kedzacninango negening.

Mitiyegec 78:4

Neni nambaracfocninango imoc negenggecdeac wiac mong naric mi mesufunide nga fingecsahenina ngade feengkefudesoc, yeni edeyununide. Kebungo kuc nga kibikperagiagoc kecma uatoa meec, imoc edeyununide. Nga yeng kucfaka bibiagoc mekefec, imocac siduc ayemmenide.

Makekeng 2:16

Anu Midyan yeneac sesememengic mong yeac naroangfora sewen kecgec. Imoc yeni naso imohai hama mangnginaac rama nga noning doku gumecyunugecdeac doku fima otou kpakegec

Makekeng 2:18

Anu yeni mangngina Regucel yearu dzigenegec yeng yenemma yofi kpesiyemmeec, “Ngeni yaguc dafi amma bic hadae?”

Makekeng 2:21

Anu Mose ye Regucelgoc kefudeac negenu naric anu kefec. Anu ngic ye naroanga Tsipora Moseac enema anudeac miec.

Makekeng 3:1

Mose ye yofea Yitro, midyanngic yeneac sesememe, yeac ramanoningfora garengyunuma kefec. Anu kecma naso monnu bangec kisi edibigeng wangecyunu kemma Anutuac tiki Horew, ihai kensikeec.

Makekeng 4:18

Anu Mose ye yofea Yitro yearu dzigene kemma yofi edeec, “Ge negenna naric anu ni dzigenema Aigitabangecfu kemma sacarengfocna yeni kecdaengoc me siriha dafi imoc yenembadeac negenduae.” Ifi deu Yitrongo edeec, “Ge ruaegoc kenna!”

Makekeng 6:6

Imocac Isracelngicngac yofi edeyununa, ‘Nennoc Kebu, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Dzekarya 8:23

Kurumenggac wasaiareng habuya habuya yeneac Kebu yeng yofi dede, “Naso imohai ngic ten bangeha bangehaac yoacna yoacga yeneng yehudangic mocguaru hama ngakpia seria mendanggema yofi degecde, ‘Anutungo ngenigoc kecde imoc negening imocac wangecnununa gegoc kenni.’ ”

Bangec kisiu 10:29

Anu Mose ye yofea Recucel midyangngic, yeac medaha Howaw yofi edeec, “Kebungo neneac yofi deec, ni bangec imoc ngeni ngemmebade, imocac amma neni yaguc efaima yacma kporucamanina meickema bangec yomoc wama bangec imohai kembeso andimbe. Ge nenigoc naric kennade. Neni ge gombunga anggennide. Imoc yofiac, Kebungo Isracelngicngac neni gombunga anemmeudeac deserinemmeec.”

Aposoro 14:27

Ihai hasikema kpebung kpedzucyunuma Anutungo nonggo tayecmemanu ua sasawa meoc amma bangec monnunac ngicngac, yenearu ua nagu mong meyecmeu Yesu negensinggegec, imoc edeyunudaroc.

Aposoro 15:12

Ifi deu habutoa yeni engsac negemma tacgec. Nga Anutungo Pauro nga Banaba nonggo tacyemecmanu ua meoc, imocac siduc meyemmeoc. Yeri bangec monnunac ngicngac, yenearu negensinggegecdeac faka kuhagoc nga faka mi hehena homac meoc, imoc edeyunuoc.

Roma 15:18

Kristongo dafiu kuc nenu neng bangec monnunac ngicngac yenearu kemma yeac yoac dema uaya meba yoara modacgec, imoc mi dekperagiyemmebaiu imocngo ebiribac.