Makekeng 17:9 - Deduamiti

⁹ Anu Mosengo Yehosuac yofi edeec, “Ge nenanggac wasaingic meisingyunuma waraiyemmena kemma amelekngic yenigoc ewebisia. Nga ni wereckenu tiki bumau emma Anutuac yasu menambade.”

Makekeng 17:9 ပူးပေါင်းရင်းမြစ်များ

Makekeng 17:13

Ifi anggec Yehosuac ye Amalek ngictau nga wasaifora dzikacac beangngo tinacbiric yunudacma firang anec.

Makekeng 18:21

Nga mong yofi, ge ngicngac sasawa yeneac botucfunac ngic yofia segereyunuma meisingyununa, ngic negen negentegec nga angammemengina gombunga feyemmede amma Anutuac damuyunude. Yoac edeyunugec imoc modacyombonggegecde nga goa yeneng wiac ikoc amma megec yeni imocac modzongina tiande. Ngic ifia meisingyunuma ngicngac yeneac enarafocngina faiyunubesena. Goa yeni ngicngac tauseng dafiguc garengyunubisia, goa yeni handred dafiguc yeneac gareng kecbisia nga goa yeni fifti dafiguc garengyunubisia amma goa yeni ten dafiguc yeneac enara kecbisia.

Makekeng 24:13

Ifi deu Mose ye enactofoc tofohongiha Yehosuac yerahafoc yacma Anutuac tikiu enoc.

Makekeng 33:11

Anu Kebungo Mosegoc ngic mongngo ogeagoc engemma namma yoacyoac angandape, ifi isoc yoacyoac angkefoc. Amma Mose ye monggoc dzigenema hau memefiha sebigborimedac Nun medaha Yehosuac, ye kporucama mana mi wama imohai kefec.

Makekeng 4:17

Nga ge yasu yomoc marigau mema kemma imocngo kucfaka mekecbesena.”

Makekeng 4:2

Ifi deu Kebungo deec, “Marigau noc wiac menannec?” Deu yeng deec, “Yasu.”

Makekeng 4:20

Ifi deu Mose ye enemmedacfora meyunuma donggi witiau faiyunuma Anutuac yasu mariau merickema Aigitabangecfu dzigenema kenggec.

Bangec kisiu 11:28

Ifi deu Nun medaha Yehosuac ye sebigboriaunacngoc Moseac enactofoc tofoho kefec yeng yofi edeec, “O Mose kunenna, ge hama kpae heiyecmebesena.”

Bangec kisiu 13:16

Mosengo ngic imoc sueyunuu yeneng sufu sufuu bangec hennegeng anggecdeac kenggec, yeneac kpacngina ifinoc. Nga ye Nun medaha Hoseac kpara Yehosuac kparec.

Bangec kisiu 13:8

Efrayimac kisicfunac Nun medaha Hoseac.

Bangec kisiu 27:18

Ifi deu Kebungo Mose yofi edeec, “Nun medaha Yehosuac yeac hereu asu femide. Ge ye mema mariga yeac witiau faibesena.

Aposoro 7:45

Kporocwomong imocnoc kisicfocnina Yosuango enara meyemmeu yei bangecareng goa yeneac bangecfu mehama tacdacgec. Tacmagec Anutungo bangecareng kecgecmoc, yeni yunukporac ayemmeu kisicfocnina yeni bangec tigec enu Anutuac kporucwomong imohaingoc torokpeu torokpe mekengkecmagec Dawidi fingerec.”

Hebiraio 4:8

Yosuango kecnegeng bangecfu hesicyunu embacfu Anutungo ngadeu Dawidiac nasou naso monggac naric mi debac.