Makekeng 17:11 - Deduamiti

¹¹ Namma Mose ye maria miackefec naso imohai isracelngic yeni dzikacfu serikecgec nga maria mausoc amalekngic yeneng serigec.

Makekeng 17:11 ပူးပေါင်းရင်းမြစ်များ

Mitiyegec 44:6

Ni tebena mong mi negenserima kecanduae nga dzikacac beannango ebicfunac naric mi mesinuude.

Mitiyegec 56:9

Anutungo nigoc kecde, imoc negenduae. Yeng ni meficnuudeac kpacba imohai ngabafocna dzigenema woragecde.

Makekeng 17:10

Ifi deu Yehosuac ye Mosengo edeec, imoc modacma wasaingicfora kpedzucyunuu yeni amalekngic yenigoc ewema kecgec. Ifi angkecgec Mose nga Aharon amma Hur, yeni ine tiki bumau emma nanggec.

Makekeng 17:12

Anu Mose ye maria ebiriu yeri hoc mong mema nanecfu yombong heimiec matarec. Taru Aharon nga Hur yereng marihora nanggema nanoc, mongngo noboc nga mongngo noboc, ifi nanggeec marihora serima nangkecmanu wenac kiwa kemeec.

Ruka 18:1

Medac yeneng nasosoc modzotitia kpac nunumu ua megecdeac Yesungo yoac mong heima yofi edeyunuec.

1 Timoteo 2:8

Neac negen negeng nga songo yofi anu ngic ngeneac deduae, ngic guruama noboc noboc kecdae, ngeni ngaba nga deendema yoacngina wama maringina kpetiac miacma numubisia.

Yakobo 5:16

Imocac ngeni ngerec ngeree meficgegecdeac kopocsicngina ngenaocngoc deficemema nunumungo meficemebisia. Ngic mong dindingacngo numuude imocngo wiac kuhagoc amma memefihagoc anude.