Makekeng 16:6 - Deduamiti

⁶ Ifi deu Mose nga Aharon yeri Isracelngicngac sasawa yofi edeyunuoc, “Kebungo noc Aigitabangecfunac yungecngunuu hagec, ngeni imoc negentegecgecac yeng imoc ama toforebeso ammanu edzacngunuu hentegegecde.

Makekeng 16:6 ပူးပေါင်းရင်းမြစ်များ

Mitiyegec 77:20

Ge ngicngacfocga Mose nga Aharon yereac mariu faiyununa yereng rama isoc heitaiyunuma wangecyunuoc.

Mitiyegec 81:11

“Ngicngacfocna ngeneng ine ubaudumennaac kedzac mong mi kpegec, kpac yombong. Isracel areng ngeni wanuma neac yoac mi tofohogec.

Makekeng 12:51

Nga wenac imohai yombong Kebungo Isracelac ngicngacareng habuya habuya Aigitabangecfunac wangecyunuu kenggec.

Makekeng 16:3

yofi edeyurugec, “Neni Aigitabangecfu kecmina Kebuac maringo nunuu homeni ngereebac. Ihai birikenninau yang ohoma tacma yaka homac fenemmeu negebec amma kefing. Nga ngeri nocac yeac kpebung hafoangoc yomoc neni yakaac homema kecma homedacnideac bangec kisi yomohai wangecnunuec hama kecdimbe.”

Makekeng 16:8

Ifi dema yofi deoc, “Ngeni Kebuac ubakpekpeyoac demigec yeng imoc negendacac ama toforebeso anu wiac fusingina songeagoc ngemmema ama werec wereckenggac icsogong ngemmeu negebec anggecde. Nerinec ngictehec nga ngeni nereac ubakpekpeyoac dema mi anecmedae, ngeni Kebu emmidae.”

Makekeng 32:1

Mose ye tikiu kefu naso hereeu ngicngacareng yeni imoc hemma Aharonggaru kemma kpedzucnema yofi edegec, “Mose ye Aigitabangecfunac menunuma hesicnunuec, imoc yearu noc wiac fingecmiec imoc mi negendimbeac ge bic yacma anutu mong menemmena yeng warainemmema kembeso.”

Makekeng 32:11

Anu Mose ye Kebu Anutuyaac kicfu kpacsambic ammima yofi numumiec, “O Kebu, gennoc ngicngacfocga Aigitabangecfunac kuctoagagoc nga mariserigango meyunuma hesicyunuma hanec. Ge yenearu herebugaac gerecngo yonohoudeac denec, imoc mi ngereede.

Makekeng 32:7

Ifi anggec Kebungo Mose yofi edeec, “Ngicngacfocga Aigitabangecfunac meyunuma hesicyunu hanec yeni kekec nga angammemengina manganeyombonggedeac ge yacma bic kemena.

Makekeng 6:6

Imocac Isracelngicngac yofi edeyununa, ‘Nennoc Kebu, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Makekeng 6:7

Yungecngunuba kenggec ni mengunuba neanna ngicngacareng anggecde nga ni Anutungina amma kecbade. Ngeni aigitangic yeneac bageu wanac kecma faficua ebiria mema kecmagec ni mengunuma imohacnac hesicngunuba kenggecde. Ifi fingeru ngeni yofi negentegecyombonggegecde, ni neannaoc Kebu Anutungina.

Bangec kisiu 16:28

Nanggec Mosengo yofi deec, “Ua sasawa neanna ubanaac mi mekecduae, imoc Kebungo suenuu meanduae. Imocac faka yaguc fingerude, imocngo wiac imoc mekperagingemmeu henggecde.

Bangec kisiu 16:30

Nga Kebungo ine faka furia meu bangecngo enara anggema yeni nga wiacngina sasawa gbokoyunudaru yeni gboringoc tacma homecamau kemegecdeu ngeni yofi negenggecde, ngic imoc yeni Kebu ngadehema kecgecac amma faka ifi fingecyemmede.”