Makekeng 16:3 - Deduamiti

³ yofi edeyurugec, “Neni Aigitabangecfu kecmina Kebuac maringo nunuu homeni ngereebac. Ihai birikenninau yang ohoma tacma yaka homac fenemmeu negebec amma kefing. Nga ngeri nocac yeac kpebung hafoangoc yomoc neni yakaac homema kecma homedacnideac bangec kisi yomohai wangecnunuec hama kecdimbe.”

Makekeng 16:3 ပူးပေါင်းရင်းမြစ်များ

Mitiyegec 107:5

yakaac nga dokuac homema ubaongangina herenginau homeec.

Mitiyegec 78:19

yoara kpema degec, “Anutungo bangec gbangge gbanggea yomohai yaka meficgenemmeudeacsoc mi ande, kpac.

Mitiyegec 78:25

yaka efea kpac faiu mau nema kecgec. Bangecngicngo angero yeneac yaka nekecgec.

Makekeng 14:11

Amma Mose yofi edegec, “Aigitabangecfu kicsere homac fedenoc. Nga ge ine yei bangeckisiu homenideac hesicnununa hading, imoc naric mi ande. Ge nocac ifi amma Aigitabangecfunac wangecnunu hadang.

Makekeng 17:3

Nga ngicngac yeni imohai dokuac homac ayemmeecac Mose ubakpekpeyoac demima edegec, “Ge Aigitabangecfunac meicnunuma neni nga naroangmedacfocnina nga ramaburumakafocnina momoc sasawa wangecnunu hana yei dokuac homebeso andimbe, imoc mi ngereede.”

Makekeng 2:23

Anu ye kifa homac ihai kecmanu Aigita ngictau homeec. Anu Isracelngicngac yeni ine wanacngic kecma uangina kpendzenggoc mema kecma kiacubamangang amma Anutungo meficyunuma kpendzengnginaunac yungecyunuudeac kpacsambic ammima kecmagec kpakpacnginango yearu enec.

Makekeng 5:21

yofi degec, “Ngerennoc dzikacac beang Pareco nga enactofoc tofohongicfora yeneac maringinau faiec yeneng ngereac amma neneac modzongina homac yombong tiu kpebucnunugecdeac negendae. Imocac amma Kebungo angammemengira hemma isingnguruma turunga kpoungecmebeso.”

Bangec kisiu 11:15

Ni ifi ambadeac negensinecfu yofinenggacngoc homecfu fainubesena, me neac negenna ngereedeu ebic yomoc meickena kpac anu imoc monggoc mi hembade.”

Bangec kisiu 11:20

Ngeni imoc nema kecmagec afo mong wisickeu becngasi hesigecde. Makefu yanggac modzongina tiu urumbeso angemmeude. Imoc yofiac, Kebungo botucnginau kecde ngeni ye ubango wama yeac kicfu yofi dema kiacgec, “Neni nocac Aigitabangec wama haing?” ’ ”

Bangec kisiu 14:2

Nga Isracelngicngac sasawa nga ngichabu hafoangoc yeni Mose nga Aharon yereac ubakpekpeyoac yofi deyecmegec, “Neni Aigitabangecfu kecma homebing imoc ngereebac! Me bangec kisi yomohai homebing imocngo naric ambac!

Bangec kisiu 14:3

Nga Kebungo nocac neni hesicnunuma kenu bangec yomohai dzikacac beangngo nunugec homenide nga enemmedacfocnina wangecnunuma meyunuma kenggecde. Imocac neni Aigitabangecfu dzigenema kennide, imocngo negenni naric anude.”

Bangec kisiu 16:13

Ge bangec namu nga hanifosoc wake wakea imohacnac hesicnunuma bangec kisi yomohai homenideac menunuma hanec. Nga imoc negenna wiac mamea anu geng enaratatac mema enaranina yombong annadeac denec.

Bangec kisiu 16:41

Anu ama wereckenu Isracelkpebung hafoangoc yeni Mose nga Aharon yereac modzotitiyoac homac dema yofi edeyurugec, “Ngerennoc Kebuac ngicngacfora yunuhomedaoc.”

Bangec kisiu 21:5

Modzongina tiu Anutu nga Mose yereac ubakpekpeyoac yofi deyecmegec, “Ngeri nocac Aigitabangecfunac bangeckisiu homenideac wangecnunu hadape? Yomohai nenedoku mong mi fede nga yaka neandimbe imocac modzonina tiyombonggede.”

Aposoro 26:29

Ifi deu Paurongo deec, “Naso herea me wegenac, imoc mi debade. Ge nga ngic goa yaguc yoac yomoc deba negendae, ngeni ni isoc anggecdeac numuduae. Senggoc tacduae, imocgoc anggecdeac ine mi deduae.”

1 Korinti 4:8

Ngeni bic gebecngunuu finactoanginagoc anggec amma ngeni nenia kpac ngictau andae. Nga forangoc, ngeni ngictau fora kecbau debac songona kuneng ambac. Nga ngeni ngictau ambau isoc neneng ngenigoc kecma ngictau momoc ambing.

2 Korinti 11:1

Ni yoac mong mereng kpereng deba modzongina mi tibeso.