Makekeng 16:23 - Deduamiti

²³ Edegec yofi edeyunuec, “Kebungo imocacnoc yofi deec, ‘Wereckenu tacnegennaso, imoc Kebuac tacnegeng kpetiac. Imocac ngeni dzegoc ohobeso dema dzegoc ohogec me dokugoc ohobeso dema ohogec. Nga tosea taru imoc sasawa wereckenuac negemma faigec tacbeso.’ ”

Makekeng 16:23 ပူးပေါင်းရင်းမြစ်များ

Nehemia 9:13

Ge kurumenunac Sinai tikiu mama dedeseriyoacga, nonoyoacga nga singyoacga fora nga gombunga amma dederecgeyoac dindingac imoc edeyununec.

Nehemia 9:14

Ge kpetiac nasoga Sabata, imocac nonoyoac nga singyoac nga dederecgeyoac imoc uangicga Mosearusing yemmenec.

Makekeng 16:19

Anu Mosengo yofi edeyunuec, “Mongngo wereckenu asoacac negemma mong mi fau tacbeso.”

Makekeng 23:12

Ge wenac uameme siks uaga mema kecbesena nga wenac kpete sewen imohai ine tacnegembesena. Imoc yofiac, donggi burumakafocga yeni tacnegenggecdeac nga wanacngacgaac medaha amma kuricngic amagau kecdape, yeri kuc monggoc meecdeac ifi ambesena.

Makekeng 31:15

Ngeni uameme siksfu ua mebisia nga wenac kpete sewen imoc Kebuac tacnegeng fingerudeac tacbisia. Tacnegennaso imoc Kebuac naso kpetiac desi desia. Mocgu mocgu sasawango tacnegennasou ua mong meudeu ye imocac turunga homecfu faibesonga.

Bangec kisiu 11:7

Manyaka imoc koriandergbomea isoc anec amma icsopea kapianec seriec, ifi isoc anec.

Bangec kisiu 11:8

Anu ngicngac yeni imoc kpedzucnema hocfu hedzamema me tontonnu kpepereckegec. Kpepereckema imoc birikennu ohoma negec me icsogong mema negec. Nga icsogong imocac songea imoc icsogongbisic oliwa kerehagoc memea imocac songea isoc anec.

Ruka 23:56

monggoc dzigenema amanginau kemma fareng imocac kerecdoku homuna gombunga memengere amma sabatanasoac singyoac fede, imoc modacma tomai kecma tacnegenggec.

Yohaneac kpefing 1:10

Kebuac naso kereng monnu Asungo nearu ua meu ngadenau enacudumeng kunengtoa mong trampet udumeng isoc negembare yeng yofi deec,