Makekeng 16:15 - Deduamiti

¹⁵ Nga Isracelngicngac yeni hemma imoc noc wiacngo ande, imocac obohoma yenaocngoc yofi dekpesi angemegec, “Imoc noc wiac?” Ifi anggec Mosengo yofi edeyunuec, “Imoc icsogong, Kebungo imoc negecdeac faidac.

Makekeng 16:15 ပူးပေါင်းရင်းမြစ်များ

Nehemia 9:15

Amma yeni yakaac homegec geng kurumennunac yaka yemmenec nga dokuac ayemmeu geng hocfunac doku gumecyununa negec amma bangec yemmenadeac deserinec, imoc kemma megec.

Nehemia 9:20

Ge Asuga gombunga yemmena dederecge ayemmeec. Nga mana yakaga mi segereyemmenec amma ubangina gbanggeu doku yemmenec.

Mitiyegec 105:40

Yeni kpesimigec yeng neng negecdeac yemmema kurumenggac yaka efea kpac yemmeu negebec anggec.

Mitiyegec 78:24

uaya meu manna yakango kia isoc witinginau mau ngicngac yeneng negecdeac yemmeec. Ye kurumenggac yaka yemmeu nekecgec

Makekeng 16:31

Anu Isracelngicngac yeni wiac imocac kpara manyaka kpacgec. Imoc koriandergbomea ifia isoc nga kongac kongac amma negec imoc icsogong efea songea hanifosoc, ifi isoc anec.

Makekeng 16:33

Ifi dema Aharon yofi edeec, “Fingecsahengina ngade fingecenggecde yeneng henggecdeac negemma ge enang mong tapeagoc mema ihai omerkpete mocguacsoc manyaka kpakena kemeu imoc Kebuac kicfu faigec tacbeso.”

Makekeng 16:4

Ifi degec Kebungo Mose yofi edeec, “Negennec, neng deba icsogong kurumennunac kiadzimbong isoc makefude. Mau ngicngac yeni wenacsoc yaka neandae, imocacsoc wenaha wenaha kemema mekpedzuc ambisia. Ifi ammagec ni faka imohai yeni singyoac seria edeyunuai, imoc modacma kecdae me kpac, imocac hania hembesare.

Bangec kisiu 21:5

Modzongina tiu Anutu nga Mose yereac ubakpekpeyoac yofi deyecmegec, “Ngeri nocac Aigitabangecfunac bangeckisiu homenideac wangecnunu hadape? Yomohai nenedoku mong mi fede nga yaka neandimbe imocac modzonina tiyombonggede.”

Ruka 12:30

Nga bangeha bangeha ngicngac yeneng imoc megecdeac negen negengngina imohai faigec fekecde. Nga ngeni wiac imocac obohoandae, Mangnginango imoc bic negende.

Yohane 6:49

Kisicfocnina yeneng bangeckisiu mannayaka nema homedacgec.

Yohane 6:58

Yaka yomocngo kurumennunac maec kecde, imoc bangecfocninango yaka nema homegec, ifi isoc kpac. Mongngo yaka yomoc neude, yeng kecma kekecseri meude nga mekecbesande.”

1 Korinti 10:3

Amma yeni sasawango Asuac yaka siriha mocgu nekenggec.

Hebiraio 9:4

Imohai hosuc homuna gombunga oho ohoac arata golngo memea nga dzadzahacac katapa taroc. Dzadzahacac katapa imoc golngo faima mekatahedacgec nga imocac manau enang golngo memea mannayakagoc faigec tarec. Aronggac yasu sera kpekpea nga dzadzahacac tafe ihai ifingoc faigec feec.

Yohaneac kpefing 2:17

“Kedzahagoc yeng Asungo kpebung yoac edeyunude, imoc negembeso. Ngic me ngac firang anude, ni ye mannayaka sufu sufuya, imohacnac mima hoc mong kongac kongac nga kpac gboria mong ihai oho ohoya fede, imoc mibade. Kpac imoc mongngo mi negemmanu ngic hoc nearunac mede, yengsac negembesande.”