Makekeng 15:7 - Deduamiti

⁷ Kebu ge ngictau kucga engenango firang amma ngabafocga yunuhomenec. Ge herebugaac gerecborang mesima faina imocngo kemma kpindzingsiraac hania isoc yonohoec.

Makekeng 15:7 ပူးပေါင်းရင်းမြစ်များ

Mitiyegec 148:13

ngeni sasawango Kebuac kpac kuneng heiwayong memibisia. Ye kpactoayagoc, imocac ye afehebesonga. Yeac kuc kibikperagiagoc kurumeng nga bangec feracyunuma wi fede.

Mitiyegec 59:13

Ge herebugango gbokoyunubesena. Oc, ge gbokoyununa kpac andacbisia. Ifi anna bangectoa bangec tegia fekendaeu ngicngac yeneng yofi negenggecde, “Anutungo Yacakowac areng garengyunukecde.” Selac

Mitiyegec 68:33

Negenggec, yeng kurumenga kurumenga hanahema fingecgec, yeneac witinginau tacma kende. Ye ubaudumenga miacma kunengngoc yombong kpacde.

Mitiyegec 83:13

O Anutuna, geng ngic ifia meyununa sendungngo firannu yerecgeande, ifi isoc yerecgebisia. Ngic yeneng padi seuha firangngo mefiranggeande, ifi isoc mefirangyununa.

Makekeng 14:27

Ifi deu Mose ye maria kondung witiau sineec. Sinemanu ama werec wereckenggac kondungngo monggoc warac fekefec isoc ifi feudeac dzigene haec. Hamanu aigitangic yeni worabeso anggec kondungngo hama yeneac sing tidzickema merucyunuu Kebungo kondung dzongiau kpebucyunuma namma mendzicyunuu singsararang kpema kendacgec.

Makekeng 5:12

Ifi degec ngicngac yeni kpindzingsira megecdeac tipactohoma kemma kpindzing mekpedzuc amma Aigitabangectoau kendacgec.

Makekeng 9:16

Nga ni ine kucna edzacguba siducna bangectoa bangecfu degec sokodarudeac dema kekecgagoc miacgudua.

Mika 4:11

Anu yaguc bangeha bangeha homacngo ge sisicgugecdeac kpedzucnema yofi dedae, “Tsion wagec manganeuu, anu nenang kemma hemma sogaini.”

Dzekarya 14:3

Ifi fingecmanu Kebungo yacma warac dzikac kpekefec ifi isoc kpema ngic habuya habuya yenigoc ewekpekpe ambesande.

Dzekarya 14:8

Naso ihai Yerusalaim imohacnac doku sike sikeango erema tohoma nobohango wenac ere ereaubigeng dzohontoau kemebesande nga noboha wenac keme kemeaubigeng kondunnu kemebesande. Amma doku imocngo wenacnasou nga nomangnasou erema kemma febesande.

Dzekarya 2:8

Kurumenggac wasaiareng habuya habuya yeneac Kebu yeng bangec damoc yeneng yehudangicngac iwaingina dzikacfu hamangec mema woragec yenearu suenuma yeneac yofi dede, “Mongngo yehudangicngac yunumeme ayemmeudeu ye neac kicgbomena kpede, ifi isoc ande.

Malecaki 4:1

Kurumenggac wasaiareng habuya habuya yeneac Kebungo yoac yofi dede, “Negendae, naso hade imoc gerectoayagoc hade. Imocac ngic damoc yeni dehesi nga deengdema amma mangana meandae yeni naso imohai gerec seriango dzema yonohodacbesande. Imoc wiac mong dzuama harandanggeu gerecngo godeagoc sasawa dzemusunggeude ifi isoc yenearu fingecbesande.

Mataio 3:12

Ye meic meicke saraha mariau mehama wit seuhagoc meic meicke sobennu feu imoc fima seuha meickeude. Meickema fora mekpedzuc amma ameau faima seuha wanggema gerec pisic pisickea kpac, imohai ukuu dzeude nga dzebesande.”

Aposoro 9:4

Neraranggeu ye bangecfu todingge kpeu fema yoac mong yofi fingeru negenec, “Sauro, Sauro, ge nocac nukporac anemma kecannec?”

Hebiraio 12:29

Foracngoc, Anutunina ye gerecborang amma wiac sasawa dzeu kpac andarude. (Dser 4:24)