Makekeng 15:6 - Deduamiti

⁶ Kebu, geac marifoigaac kuc imoc damuyagoc yombong. O, Kebu marifoigango faka kuhagoc mema ngabafocga kpedzameyununec.

Makekeng 15:6 ပူးပေါင်းရင်းမြစ်များ

Mitiyegec 17:7

Geng yoac dedzege amma imoc modackecnec, wiac imoc bibiagoc andeac imoc edzacnuyombonggena. Ngicngac neni ngabafocnina yenearunac meickema sufunideac geac hoannu hani geng ebicfunac mesinununade. Nga ngaba yenearunac gearu hama marifoigau sufunide.

Mitiyegec 2:9

Ngictauyasuga aiengngo memea mekecnec, ge imoc mema ngicngo enang kpedzameandae, ifi isoc yasugango kpedzameyununade.”

Mitiyegec 24:8

Nga kuc nga kibikperagiaac ngictau imoc merac? Ye Kebu kuctoa mingina amma Kebu yennoc dzikacfu firang angkecde.

Mitiyegec 44:3

Yeni yenang dzikacac beangngo firang amma bangec mi megec, kpac. Amma yenang maringinaac kucngo firang mi anggec, kpac. Geng yeneac songo negennec amma marifoigango kucfaka menec, yeni imocac firang amma bangec megec. Geng marigaac kuc nga kicmesugaac kperagingo meficyununec.

Mitiyegec 44:4

O Anutu, ge ngictauna nga Anutuna. Geng yoac dena, Yacakowac arengngo, firang annide.

Mitiyegec 60:5

Ge ngicngacfocga neneac songo negennec, nga ebicfunac mesiyununadeac neni marifoigango dzikacfu meficnununa firang ambisina. Ge nunumuninaac turunga merennemmena.

Mitiyegec 74:11

Ge onggongyunuma marigango mi meyununec amma marifoiga segerekecnec, imoc mi ngereede. Ge mariga monggoc mi mesufuma mariga sinema memanganeyununa kpac ambisia.

Mitiyegec 77:10

Ifi negemma yofi deai, “O Kebu Engenatoa, ge mariga warac angkefec, ifi isoc monggoc mi amma siriha merennecac ubahodunggoc kecduae.”

Mitiyegec 89:14

Ge fakaga dindingac nga ge sing dindingac modacma yoac desiannec, wiac imocngo ngictau tatacgaac sering ande. Geng yoac dedzege amma imoc modackecnec amma ge yoac modac modac Kebu, fakaga imocngo waraigendape.

Mitiyegec 98:1

Kebungo faka kuhagoc nga bibiagoc meu yegec gboria heimibesonga. Ye marifoia nga fuaya kpetiac sinema ngabafora feracyunuma firang anec.

Makekeng 15:11

O Kebu, nemuonga nga anutu hania hania yeneac botucfu ge isoc mong mi kecdae! O, ge isoc mong mi kecdae. Ge engenatoa ngictauac kucgagoc amma ge kpetiac. Ge damu damugagoc amma faka bibiagoc angkecnecac geac heiwayong anggemma yegec heigembesonga.

Makekeng 15:12

Ge marifoiga sinena bangecngo gbokoyunuec.

Makekeng 15:16

Kengectoa nga bibictakpac takpacge ayemmeec. Mariga kuctoayagoc imocngo faka mena yeni hoc isoc kockpaha kpac nammagec habufocga yeni ferecgegec. O Kebu, ge geanggaoc ngichabu bummenununec nenennoc ferecgeding.

Makekeng 18:8

Emma Mose ye Kebungo Isracel yeneac amma Pareco nga Aigitangicngac yenearu faka sasawa meec imocac yoacsiduc yofea ammidarec. Amma sinnu kemmagec ebic hania hania sasawa kucngina memaudeac fingecyemmeu Kebungo ebic imohacnac onggongyunuec imocac siduc momoc ammiec.

Makekeng 3:20

Imocac ni marina sinema aigitangicngac yeneac botucfu ebicfaka hania hania mi hehena Aigita meficgeyemmema yunubade. Imoc amba wisickeu ine yungecngunuu kenggecde.

Makekeng 6:1

Ifi deu Kebungo Mose yofi edeec, “Ni yaguc Parecoaru faka hania hania ammiba hembesena. Ni marina kuctoayagocngo ngombonggeba yeng uaac ebicfunac yungecyunuu kenggecde. O, ye Isracelac kisicfunac ngeni kucgoc yombong kporacngunuudeac ngombonggeba ngeni Aigitabangec wama kenggecde.”

Mataio 6:13

Ge faitobannu mi fainununa nga manganaunac mesinunubesena.’

Yohaneac kpefing 2:27

‘Nga yeng garengyunuma ngictauyasuya aiengngo memea mekecde, imoc mema ngicngo enang kpedzameandae, ifi isoc yasuyango kpedzameyunuude.’ (Myeg 2:9)