Makekeng 15:24 - Deduamiti

²⁴ Amma ngicngac yeni Moseac ubakpekpeyoac homac demima yofi edegec, “Neni doku dahacnac nenide?”

Makekeng 15:24 ပူးပေါင်းရင်းမြစ်များ

Mitiyegec 106:13

Nga yeni ine bic yombong ye uaya mekefec, imoc nigecyunuu yoac dederecge ayemmeudeac tomai mong mi anggec.

Makekeng 14:11

Amma Mose yofi edegec, “Aigitabangecfu kicsere homac fedenoc. Nga ge ine yei bangeckisiu homenideac hesicnununa hading, imoc naric mi ande. Ge nocac ifi amma Aigitabangecfunac wangecnunu hadang.

Makekeng 16:2

Anu Isracelkpebung hafoangoc yeni bangeckisiu Mose nga Aharon yereac ubakpekpeyoac homac deyecmema

Makekeng 5:21

yofi degec, “Ngerennoc dzikacac beang Pareco nga enactofoc tofohongicfora yeneac maringinau faiec yeneng ngereac amma neneac modzongina homac yombong tiu kpebucnunugecdeac negendae. Imocac amma Kebungo angammemengira hemma isingnguruma turunga kpoungecmebeso.”

Bangec kisiu 14:22

Ngic sasawango neac kibikperagina henggec amma Aigitabangecfu nga bangeckisiu negensinggegecdeac faka morora mema edzacngunuba imoc hengkecgec, yenennoc faitobannu fainuma ubaudumennaac kedzac mi kpegec, imoc naso ten ande.

Bangec kisiu 16:11

Imocac amma ge nga habufocga sasawa ngeni kpeturanggema Kebuac yoac kpema Aharon ubakpekpeyoac homac demidae, faka imoc dindingac mi ande!”

Bangec kisiu 16:41

Anu ama wereckenu Isracelkpebung hafoangoc yeni Mose nga Aharon yereac modzotitiyoac homac dema yofi edeyurugec, “Ngerennoc Kebuac ngicngacfora yunuhomedaoc.”

Bangec kisiu 17:10

Anu Kebungo Mose yofi edeec, “Ge Aharonggac yasu monggoc meemma imoc Kebungo wiac heigboringemmekecde, wiac imocac hoannu faibesena. Imocngo yoackpekpe kpeboronggac nambaracfora yeneac ma ambeso. Ammanu yasu imocngo kpetariyemmeu modzotitiyoacngina imoc kpac anude nga mi homegecde.”

Bangec kisiu 21:5

Modzongina tiu Anutu nga Mose yereac ubakpekpeyoac yofi deyecmegec, “Ngeri nocac Aigitabangecfunac bangeckisiu homenideac wangecnunu hadape? Yomohai nenedoku mong mi fede nga yaka neandimbe imocac modzonina tiyombonggede.”

Mataio 6:25

Imocac amma yofi edengunuduae, ngeni nenedokuac dema kekecnginaac defagung amma yofi mi debisia, ‘Neni noc yaka nema kecnide?’ Me sebinginaac negemma, ‘Noc wamba heima kecnide?’ Negenggec, kekecngo yaka feraheude nga sebingo ine ngakpikporuc feraheude.

1 Korinti 10:10

Nga ngicngac goa yeneng modzotitiac yoac degec ngickpekpe angerongo hama kpebucyunuec. Nenang siriha imocngoc modzotitiac yoac mi debisina.

Firipi 2:14

Ngemmekefu ngeni dehesi nga negengyohoha kpac kecma ua sasawa mebisia.

Yuda 1:16

Yeni yoac homac osoma negeung nga ubakpekpe amma ubasebinginaac songo modacandae. Ifi modacma ngicngac yeni gombunga ayemmegecdeac, yeni sebingina meemma dekerec ayemmeandae.