Makekeng 15:13 - Deduamiti

¹³ Ge yoac dedzege amma imoc modackecnec. Ge faka imoc amma ngicngacfocga uaac ebicfunac bummeyunuma hesicyununa kenggec. Ge kucgango wangeckpeteng ayemmema kpetiac amagau faiyununec.

Makekeng 15:13 ပူးပေါင်းရင်းမြစ်များ

Fingec fingec 19:16

Ifi deec ye kenudeac bic mi efaiec. Nga angero yeri ine ye Kebungo onggonggeudeac deecac amma ye nga enema amma naroanghora maringinau meyunuma amaunac wangecyunuma taong oda ngadeau faiyunuoc.

Nehemia 9:12

Hadzinnu hoeng manau tacma waraiyemmenec nga tofocnacfu gerecborang manau tacma sing kenggecde, imohai waraiyemmema edzacyunukecnec.

Mitiyegec 106:9

Yeng kondung sacsac yoac ngabasiric ammiu gbanggeec. Nga yeng dzohong keme kemeausing bangec gbangge gbanggeau kengandae, ifi isoc wangecyunuma nobocgeng enec.

Mitiyegec 74:2

Ge kpebung habufocga warac yombong menununec, imoc negenna febeso. Neni geangga ngicngacareng annideac geng bummenunuma ebicfunac mesinununec. Geng Tsiontikiu tacannec, imoc negenna febeso.

Mitiyegec 77:20

Ge ngicngacfocga Mose nga Aharon yereac mariu faiyununa yereng rama isoc heitaiyunuma wangecyunuoc.

Mitiyegec 78:35

Anutu ye yeneac hoc peperandzi seria nga Anutu Engenatoango bummeyunuma ebicfunac mesiyunuec, yeni imoc negenggec feec.

Mitiyegec 80:1

O Isracelac rama gareng, ge kedzac faima yoacnina negenna. Geng Yosefac areng rama habu isoc wangecyununade. Keruw yeneng miacguma ngictautatacga anggec geng yeneac witiu tacannec, gennoc hama kperagigango nerarannunubesena.

Makekeng 15:16

Kengectoa nga bibictakpac takpacge ayemmeec. Mariga kuctoayagoc imocngo faka mena yeni hoc isoc kockpaha kpac nammagec habufocga yeni ferecgegec. O Kebu, ge geanggaoc ngichabu bummenununec nenennoc ferecgeding.

Makekeng 15:17

Nga ge wangecnunuma kemma geangga tikibangec yombonnu heihomec anemmenade. Ge geanggaoc tacyac annadeac amabangec mengerenec, yainoc geangga marigango ama kpetiac menec.

Makekeng 20:2

“Neng Kebu geac Anutu. Ni Aigitabangecfunac wangecguyai. Aigita yeneng wanac meguma ua ebirau faigugec ama imohacnac wangecguyai.

Makekeng 6:6

Imocac Isracelngicngac yofi edeyununa, ‘Nennoc Kebu, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Efeso 2:4

Nenang Anutuac sing ferahema kecni ongaasunina homemea anec. Anu ye sifu negennemmema wosoefaha engena anemmema heresongogoc hoannunudeac amma Kristogoc homecfunac nenahafoc megborinunuec. Anutungo wosoefaha ngemmema kopocsicac ebicfunac mesingunuu komoc kpegecde.

1 Petoro 1:5

Ngeni negen negensinggoc kecmagec Anutu ye kuhagocngo garengngunuu naso wisic wisickeau komoc kpebesandae. Imoc fingerudeac efaima fede.