Makekeng 15:11 - Deduamiti

¹¹ O Kebu, nemuonga nga anutu hania hania yeneac botucfu ge isoc mong mi kecdae! O, ge isoc mong mi kecdae. Ge engenatoa ngictauac kucgagoc amma ge kpetiac. Ge damu damugagoc amma faka bibiagoc angkecnecac geac heiwayong anggemma yegec heigembesonga.

Makekeng 15:11 ပူးပေါင်းရင်းမြစ်များ

Mitiyegec 113:5

Kebu Anutunina kecde, ye isoc mongngo mi kecde, kpac yombong. Ye wi tatahau tacma

Mitiyegec 119:120

Ni geac kengec amba sebinango gbigbihekecde nga geng yoacna isinggema desinade, imoc negemma negengfagunggoc kecduae.

Mitiyegec 136:4

Kebu kucfaka bibiagoc mekecde, ye ubangerecyoac memibesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 145:17

Kebungo fakaya dindingac modacma wiac sasawa meande, imoc ubangerecgoc anemmeude.

Mitiyegec 22:23

Ngicngac Kebu ewea heiandae, ngeni ye eriendzong memibisia. Nga Yacakowac gboricfora sasawa, ngeni ye afehebisia. Nga Isracelac gboricfora sasawa, ngeni hemma yeac negenggec engena andeac kicngina yearu fima afehema nambisia.

Mitiyegec 35:10

Sicna sasawango degecde, “O Kebu, ge isoc mong mi kecde. Ngic kucnginagoc yeni kucmama feracyunugec geng yeneac mariunac mesiyununade. Ge ngic kucmama nga makpekpea godzungic yeneac maringinaunac mesiyunuannec.”

Mitiyegec 60:2

Ge bangec kpemindzahena usoc meu titing kuneng fingeru goroc goroc andeac geng titinga monggoc mengerena.

Mitiyegec 66:5

Ngeni hama Anutungo ua meec, imoc hembisia. Ye bangecngicngac nenanggoc kecma ua bibiagoc meude.

Mitiyegec 77:11

Kebungo faka warac meec, imoc negensibade. Oc, geng warac kucfaka bibiagoc menec, imoc negen negennau faiba fekefude.

Mitiyegec 77:14

Anutu ge mocgungo kucfaka bibiagoc mekecnec. Ge kucuaga ngicngacareng botucnginau mena yeneng imoc bic henggec.

Mitiyegec 77:19

Geac sing imoc kondungtoa dzongiau kenu singbisicga imoc kondungtoa manau tima kengannec, fora. Nga haniga ongea sifu mi hening.

Mitiyegec 86:10

Ge mocgungo Engenatoa kecma faka bibiagoc mekecnec amma geng Anutu.

Mitiyegec 86:8

O Kebu, anutu hania hania kecdae, yeneac botucfu mongngo ge isoc mi kecde. Anu geng ua mekecnec, ua ifi isoc mongngo mi mekecde, kpac.

Mitiyegec 89:18

Ngictau ye kasonina nga Kebu ye kasoninaac mingina. Ye Isracelac kpetiac ngic amma yeng neneac ngictau, yeac mingina.

Mitiyegec 90:11

Ngic mongngo geac ngabagaac kuc mi negensiude, kpac. Kengecgoc geac eweheihei kuneng anggembesonga nga heregerecga kuneng imoc ifingoc imocacsoc ande.

Makekeng 18:11

Ni yaguc negenduae, Kebu ye engenatoa, ye nemuonga nga anutu hania hania feracyunude. Imoc yofiac, Aigita yeni sebiengeng amma ngicngacareng yomoc faka mangana yombong ayemmegec yeng yeneac mariunac yungecyunuu kenggec.”

Makekeng 20:3

Ge ni hoannukecma nemuonga nga anutu hania hania mi hoangyunukecbesena.

Makekeng 3:20

Imocac ni marina sinema aigitangicngac yeneac botucfu ebicfaka hania hania mi hehena Aigita meficgeyemmema yunubade. Imoc amba wisickeu ine yungecngunuu kenggecde.

Makekeng 8:10

Deu edeec, “Wereckenu.” Ifi deu Mosengo deec, “Denec isoc, ifi fingecbeso. Fingeru ine ge yofi negentegecbesena, Kebu Anutunina ye isoc mong mi kecde.

Makekeng 8:6

Ifi deu Aharon ye maria Aigitabangecac dokuugeng sineu sepengtoatoa yeneng erema Aigitabangec sokodacgec.

Makekeng 9:14

Bangectoa bangec yomohai ni isoc ifia mong mi kecdae, imoc negennadeac naso yomohai ge nga enactofoc tofohofocga amma ngicngacfocga ngeni yombong ngunuma kpendzenggac ebic sasawa imoc sueba witinginau haudeac negenduae.

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Ruka 12:5

Ngeni ine Kebu monggacsac damungunubeso. Yeng ngunuhomema gerechofeu ukungunuu kemegecdeac uayoac nga kuc mekecde. O, yofi deduae, ngeni yeac ine damungunubeso.

Yohaneac kpefing 13:4

Modacma sekactoa numumigec nga sekactoa yeng wasaipusingo garengyunuudeac uayoac nga kuc miecac amma yeni wasaipusi numumima yofi degec, “Mongngo ye isoc amma yegoc naric mi eweude.”

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yohaneac kpefing 4:8

Wiac kekecnginagoc 4 yeni tembuc tembuc kpegangngina 6. Nga sebingina imoc kicngo sasawa soko sokoya amma kpegangngina bageau, imoc ifingoc kiwagoc anec. Amma yeni wenac nga tofocnasoc kecnegenga kpac yofi dema kecgec, “Kebu Anutu Kuctoa mingina ye kpetiac, kpetiac nga kpetiac. Ye kefec nga kecde amma kecma habesande.”