Makekeng 14:4 - Deduamiti

⁴ Nga ni Pareco ye ubaseri yombong meficgemiba kporacyunuude. Kporacyunuu ni yeac wasaihabufora sasawa yenigoc ewema firang amba eweheihei fingecnenude. Ifi fingeru aigitangicngac yeni yofi negentegecgecde, ni Kebu.” Ifi deu Isracelngicngac yeni ifi anggec.

Makekeng 14:4 ပူးပေါင်းရင်းမြစ်များ

Nehemia 9:10

Amma Aigitangic yeneng ngicngacfocga wicgiric ayemmegec geng yeni memayununec. Amma Pareco nga uangicfora amma bangec imocac ngicngac yenearu faka morora nga bibiagoc menec. Imoc ge geanggaoc kpac kunengga mekperagiemenec, imocngo yaguc fedengoc.

Makekeng 10:2

Anu ni Aigita yeni neac kucfakana bibiagoc edzacyunuba kpidohogec imocac siduc esamedacfocga yeneac kedzacfu denade amma ni Kebu, imoc negentegecgecde.”

Makekeng 10:27

Nga Kebungo Parecoac uba mehonggameu uaac segereyunuma ebicfunac yungecyunuudeac mi ammiec.

Makekeng 12:28

Anu Isracelngicngac yeni kemma Kebungo Mose nga Aharon dederecge ayecmeec imocac sirihau yombong medacgec.

Makekeng 14:23

Ferecgegec aigitangic yeni ifingoc ferecgeni dema foro foro amma kporacyunugec Pareco nga yeac becosic sasawa nga keretac amma ngic becosicfu tacgec momoc kondung botuhau kenggec.

Makekeng 14:25

Nga ye deu keretacnginaac wilya merenu yeni kucgoc kenggecdeac ambibiegec. Ifi fingeru aigitangic yeni yofi degec, “Kebu yengenaoc Isracelngicngac meficyunuma nenanggoc ewema kecdeac nenang bic yombong wayunuma worama kenni.”

Makekeng 14:3

Ifi anggec Pareco ye yofi deude, ‘Isracelngicngac yeni sing segema bangec kisi imoc dafi wagecdeac obohoma sing hofocma kecma sicsauc kengkecdae.’

Makekeng 14:5

Anu Isracelngicngac yeni worama kenggec aigitangicngac yeni ngictaungina siduc edegec. Edegec negemma ye yengena nga enactofoc tofohongicngacfora yeni siduc imoc negemma negen negengngina monggoc meremma degec, “Nenang mi negentegecma Isracelngicngac yungecyununi kemma wanac uanina wama monggoc mi megecde, imocngo mi ngereede.”

Makekeng 14:8

Anu Isracelac ngicngacareng hafoangoc yeni kengeha kpac kucgoc kemmagec Kebungo Aigita ngictau Pareco ubaseri meficgemiu kporacyunuma kenec.

Makekeng 18:11

Ni yaguc negenduae, Kebu ye engenatoa, ye nemuonga nga anutu hania hania feracyunude. Imoc yofiac, Aigita yeni sebiengeng amma ngicngacareng yomoc faka mangana yombong ayemmegec yeng yeneac mariunac yungecyunuu kenggec.”

Makekeng 6:7

Yungecngunuba kenggec ni mengunuba neanna ngicngacareng anggecde nga ni Anutungina amma kecbade. Ngeni aigitangic yeneac bageu wanac kecma faficua ebiria mema kecmagec ni mengunuma imohacnac hesicngunuba kenggecde. Ifi fingeru ngeni yofi negentegecyombonggegecde, ni neannaoc Kebu Anutungina.

Makekeng 7:17

Imocac Kebungo yofi dede, yasu marinau meduae, imocngo doku kpeba sac anude. Ifi fingeru nennoc Kebu, imocac hania negentegecnade.

Makekeng 7:3

Nga ni ine Pareco ubaseri meficgemima Aigitabangecfu ebicfaka kuhagoc nga faka mi hehena hania hania monggoc nga monggoc mebade.

Makekeng 7:5

Anu ni marina sinema Aigitangic ebic meficgeyemmema Isracelac ngicngacareng yeneac botucnginaunac wangecyunubade, naso imohai, nennoc Kebu, imocac hania kekecnginau negentegecyombonggegecde.”

Makekeng 9:16

Nga ni ine kucna edzacguba siducna bangectoa bangecfu degec sokodarudeac dema kekecgagoc miacgudua.

Roma 11:8

Imoc yeneac yoac mong yofi oho ohoya fede, “Anutungo faka meu yeni ongaasungina dzingfong anec. Amma kicnginango wiac mong mi hemma kedzacnginango wiac mong mi negenggec. Yeni ifia keceregecngo yaguc kecdaengoc.” (Dser 29:4; Yes 29:10)

Roma 9:17

Mitikibiu yoac oho ohoya fede, imocngo Farao yofi edeec, “Ni gearu kucna bangeha bangeha edzacyunubade nga kpacna dekperagigec kenu negendacgecdeac amma miacguai.” (Mke 9:16)

Roma 9:18

Imoc yofi, Anutungo mong wosoefac ammibesonga negendeu, imoc ammiude. Amma monggac herea dzegebesonga negendeu, imoc dzegeude.