Makekeng 14:25 - Deduamiti

²⁵ Nga ye deu keretacnginaac wilya merenu yeni kucgoc kenggecdeac ambibiegec. Ifi fingeru aigitangic yeni yofi degec, “Kebu yengenaoc Isracelngicngac meficyunuma nenanggoc ewema kecdeac nenang bic yombong wayunuma worama kenni.”

Makekeng 14:25 ပူးပေါင်းရင်းမြစ်များ

Nehemia 4:14

Faiyunuma hemba ngicngac yeni wosodamugoc nanggec yacma gareng nga ngickiwafocngina amma ngicngac yofi dema edeyunuai, “Ngeni kengec mi anggec, Negendae Kebu ye Kuctoayagoc, imocac ngeni serima namma enengfocngina, naroangfocngina, medacfocngina nga dacmunafocngina amma amagerecngina imocac dzikaha ngenaoc kpebisia.”

Nehemia 6:16

Anu ngabafocnina sasawa nga bangec noboc noboc neneac wegenac tackenggec, yeni Anutuninango meficnunumanu oda medaring yeneng imoc negenggemma damuyunuu kerectegec anggec.

Nehemia 9:11

Geng kucfakaga mena kondungngo tohomanu ngicngacfocga yeni bangec gbange gbanggeau ferecgegec. Ammanu Aigita yeneng ngadenginau kisangyunuma hagec, geng kondung dzongiau merucyununa hocngo dokudzohonnu kemeandae isoc kemegec.

Mitiyegec 35:1

O Kebu, ngic yoackpekpe anendae, yeni yoackpekpe ayemmebesena. Nga ngic nigoc eweandae, ge yenigoc ewema yunubesena.

Mitiyegec 46:9

Yeng bangec tegia noboc noboc dzikac menomanema tebe pokong sasawa kpetackedacma dzikacac kasongina gerecfu faiu dzeude.

Mitiyegec 68:12

degec, “Ngictau yeni wasaingicfocnginagoc bic kemma woradacgec ngicngo dzikacfu firang amma iwai megec ngac yeneng amanginau kecma imoc hendzicma megecde.

Mitiyegec 76:6

O Yacakowac Anutu, ge yoac seria ngabasiricfu edeyununa becosi nga ngic witiau tacma kisangyunuandae, yeni mayunuu homema fegec.

Makekeng 14:14

Kebungo ngeni meficngunuudeac yenigoc eweude. Imocac ngeni wosongina makiu tacbisia.”

Makekeng 14:18

Anu ni Pareco keretacyagoc nga wasaingicfora becosicfu hadae yenigoc ewema firang amba eweheihei fingecnenu Aigitangic yeni yofi negentegecgecde, ninoc Kebu.”

Makekeng 14:4

Nga ni Pareco ye ubaseri yombong meficgemiba kporacyunuude. Kporacyunuu ni yeac wasaihabufora sasawa yenigoc ewema firang amba eweheihei fingecnenude. Ifi fingeru aigitangicngac yeni yofi negentegecgecde, ni Kebu.” Ifi deu Isracelngicngac yeni ifi anggec.

Makekeng 15:3

Kebu ye wasaingic seria, ye kpara Kebunoc.

Amosi 1:14

Imocac Neannaoc Rabaac hocodau gerec sueba amagereha seria dzemusunggeude, imoc dzikac nasoac horianggeandae nga imocngo firangtoa kucgoc kpeande, ifi isoc fingerude.

Amosi 5:19

Naso imohai yofi fingerude, ngic mong ye laionggac kengec woraduae dema beaaru heiude nga mong ye nedzima ameau emma mariango merandzima nannegenduae, demanu boidzocngo kiude.

Amosi 9:1

Kebungo ni kpefinnu wiac mong yofi edzacnuu henai, hemba Kebungo womongaac arataugeng namma yofi deec, “Ge womong bubuyaac kpetingnga imocac witiau kpena titiseria sasawango gorocgoroc amma baracke mama ngicngac hebucyunubeso. Anu damocngo gbori tacgecdeu yeni wasaibeangngo hebucyunubade, imohai mongngonec worama komoc mi kpeude.