Makekeng 14:22 - Deduamiti

²² Amma kondungngo noboc noboc serima oda isoc amma nammanu Isracelngicngac yeni bangec kerengau tima ferecgegec.

Makekeng 14:22 ပူးပေါင်းရင်းမြစ်များ

Nehemia 9:11

Geng kucfakaga mena kondungngo tohomanu ngicngacfocga yeni bangec gbange gbanggeau ferecgegec. Ammanu Aigita yeneng ngadenginau kisangyunuma hagec, geng kondung dzongiau merucyununa hocngo dokudzohonnu kemeandae isoc kemegec.

Mitiyegec 106:9

Yeng kondung sacsac yoac ngabasiric ammiu gbanggeec. Nga yeng dzohong keme kemeausing bangec gbangge gbanggeau kengandae, ifi isoc wangecyunuma nobocgeng enec.

Mitiyegec 136:13

Kebu kondung sacsac kpendziru yohockang anec, ye ubangerec edebesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 136:14

Ye Isracel areng sing faiyemmeu yeneng imocac dzongiau ferecgegec. Ye ubangerec edebesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 66:6

Yeng kondung heimerenu bangec kerenga anu ngicngac yeni haningo doku imoc ferecgegec. Ye faka imoc meecac amma nenang sogac sogaigoc kefing.

Mitiyegec 74:15

Geng doku kiwa nga doku tunggbaung singngina kpendzicna yeni fingecma hakecdae. Ge doku fefeseri fema hakecgec yeni singngina hedzickena gbanggedacgec.

Mitiyegec 78:13

Ye kondung kperecgeu doku tegecma yohockang amma noboc noboc emma serima nanu yeng sing faiyemmeu yeni botuhau ferecgema kenggec.

Makekeng 14:29

Nga Isracelngicngac yeni ine kondungngo foinginau nga kananginau serima oda isoc amma nanu kondung botuhau bangec kerengau ferecge kenggec.

Makekeng 15:19

Kondunnu sing fingeru Parecoac becosic nga keretac amma wasaingicfora becosic witiau kenggec yeni sasawango imohai hagec, imohai Kebungo kondung deu dzigenema witinginau emma semeyunuec. Isracelngicngac neni ine kondung dzongiau bangec kerengau ferecgeing.”

Makekeng 15:8

Geng samacgango fifina kondungdoku kperecgeu wi emma dindingac amma nanec. Siritembong yeni yacma oda isoc nanggec. Doku dzuamagoc kondung keme kemeau serima nanec.

Dzekarya 2:5

Imocac Kebungo yofi dede, ‘Ni neannaoc gerecborang isoc dzema taongnginaac oda ambesandua amma neanaoc ihai kecma fingectegecma kibikerengngina ambesandua.’ ”

Bangec kisiu 33:8

Anu yeni efaima yacma kporucamangina meickema Hahirot wama kemma kondung botuhau ferecgema kengkecma Etam bangeckisiu kemma kecmagec wenac harebec wisickeu Mara sikema imohai kporucbedzongina kpedzigec enu guru mema tacyac anggec.

1 Korinti 10:1

Tosofocna, ngeni kisicfocnina yeneac yoacsiduc negentegecgecdeac negenduae. Hoengngo kperacyunuu yeni sasawango imocac bageu kengkecma kondung ferecgegec.

Hebiraio 11:29

Nga Isracel ngicngac yeni negen negensinggoc kecma kondung sacsac imohacsing ferecgema bangec kerengaiu kenggec. Kemmagec Aigita areng yeneng ifingoc ferecgeni dema doku nema homedacgec.