Makekeng 14:21 - Deduamiti

²¹ Ifi anu Mose ye kondung witiau maria sineu Kebungo deu wenac ere ereaunac firangtoango tofocnac hafoangoc kpekecma kondung kpendziru yohockang anu botuhau kondungbuyau bangec mekerengaiu kerengaima feec.

Makekeng 14:21 ပူးပေါင်းရင်းမြစ်များ

Fingec fingec 8:1

Anu Anutungo Noa nga yang sasawa amma ramaburumaka sasawa yegoc wageu kecgec yeneac negensiec. Negensima deu firang bangecfu kpeu doku kpedzima maec.

Nehemia 9:11

Geng kucfakaga mena kondungngo tohomanu ngicngacfocga yeni bangec gbange gbanggeau ferecgegec. Ammanu Aigita yeneng ngadenginau kisangyunuma hagec, geng kondung dzongiau merucyununa hocngo dokudzohonnu kemeandae isoc kemegec.

Mitiyegec 136:13

Kebu kondung sacsac kpendziru yohockang anec, ye ubangerec edebesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 148:8

Piratac nga nomanggbomea amma nomang maande nga nomang bangecfu fingecande amma kia firang, ngeni sasawango yeac enac tofohobisia.

Mitiyegec 66:6

Yeng kondung heimerenu bangec kerenga anu ngicngac yeni haningo doku imoc ferecgegec. Ye faka imoc meecac amma nenang sogac sogaigoc kefing.

Mitiyegec 74:13

Anutu ge kucgango kondung kperecgena yohockang anec nga ge doku dzohonggac wasaiyang orucngina kpedzameyununec.

Mitiyegec 78:13

Ye kondung kperecgeu doku tegecma yohockang amma noboc noboc emma serima nanu yeng sing faiyemmeu yeni botuhau ferecgema kenggec.

Makekeng 14:16

Isracelngicngac yeni kondung botuhau bangec kerengau ferecge kenggecdeac ge yasuga miacma mariga kondunnubigeng sinema kondung herecgena botuhau tegecma yohockang ambeso.

Makekeng 14:20

Ifi amma Aigita yeneac wasaihabu nga isracel yeneac wasaihabu botucnginau kpae isoc amma nanec. Namma tofocnac hafoangoc hoengngo Isracel kperagi yemmekefec nga Aigita ine kundung meficgeyemmeu yeni Isracel mi mewegeneyunumagec ama wereckenec.

Makekeng 15:8

Geng samacgango fifina kondungdoku kperecgeu wi emma dindingac amma nanec. Siritembong yeni yacma oda isoc nanggec. Doku dzuamagoc kondung keme kemeau serima nanec.

Makekeng 7:19

Nga Kebungo Mose yofi edeec, “Aharon yofi edena, ‘Ge yasuga mema Aigitabangectoau doku sasawau sinena dokutoa nga dokukperemeng amma dokuac sing maringo usuusuya nga dokudzohong amma dokutennu doku sasawango sac andarude. Imoc Aigitabangectoa sokodacma sac andaru dokusokoc ic me hocngo memea, ihai momoc fingecdarude.’ ”

Aposoro 7:36

Ifi amma Anutungo Mose sueu kemma hesicyunu haec. Ye Aigita bangecfu nga Kondung sacsacfu nga bangeckisiu faka mi hehena nga negensinggegecdeac faka kuhagoc homac mema kecmanu kifa 40 anec.”