Makekeng 13:3 - Deduamiti

³ Ifi deu Mosengo ngicngac yofi edeyunuec, “Kebunina ye mariseriango Aigitaac wanac uaac manaunac wangecngunuu magec, wenac imoc negenggec fekecbeso. Imocac wiac aengagoc naso imohai mi nekecbisia.

Makekeng 13:3 ပူးပေါင်းရင်းမြစ်များ

Fingec fingec 15:16

Amma amoringicngac yeni kopocsicnginaac kpete hafoangoc mi mesidauac yeni kecmagec fingecsahe andenga 4 ammanu monggoc dzigenema yei habesandae.”

Nehemia 1:10

Isracel yeni geac uangicfocga nga ngicngacfocganoc. Ge kuctoaga engena nga mariserigango mesiyununec.

Nehemia 9:10

Amma Aigitangic yeneng ngicngacfocga wicgiric ayemmegec geng yeni memayununec. Amma Pareco nga uangicfora amma bangec imocac ngicngac yenearu faka morora nga bibiagoc menec. Imoc ge geanggaoc kpac kunengga mekperagiemenec, imocngo yaguc fedengoc.

Mitiyegec 105:5

Yeng ua bibiagoc amma kucfaka bibiagoc mekecma desi desiyoac enarango dekefec, ngeni imoc negenggec febeso.

Mitiyegec 114:1

Isracelngo Aigita bangec wama erema kenec. O, Yacakowac areng yeni ngicngac kuricyoac dekecgec, yeni wayunuma kenggec.

Mitiyegec 136:11

Ye Isracel areng yeneac botucfunac hesicyunuu kenggec, ye ubangerec edebesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 136:12

Ye mariseria nga kuctoayagoc amma maria sinema ua imoc meec. Yeng yoac dedzege amma imoc modackecde, faka imocngo fefeseri feengkefude.

Mitiyegec 89:14

Ge fakaga dindingac nga ge sing dindingac modacma yoac desiannec, wiac imocngo ngictau tatacgaac sering ande. Geng yoac dedzege amma imoc modackecnec amma ge yoac modac modac Kebu, fakaga imocngo waraigendape.

Makekeng 12:15

Nga ngeni icsogong aenga kpac nema kecmagec wenac kpete sewen wisickebeso. Wenac uameme kpete mocgu imohaingoc uha dokugoc yerec yerecgea aengagoc imoc amanginaunac meickebisia. Imoc yofiac, tembuc tembuc sasawa ngenearunac mongngo wenac kpete mocgunac kemma wenac kpete sewen imohai wiac aengagoc neudeu ye isracelhabuunac meickegec ngadeau kemebeso. Yoac imocngo dederecgengina amma feengkecbeso.

Makekeng 12:17

Ni wenac imohainoc Isracelngicngac habufocngina Aigitabangecfunac hesicyunuba kenggecde. Ifiac amma icsogong aenga kpacac nasotoa negentofoho ambisia. Ngeni fingecsahengina feengkefudesoc wenac imocac negensima faka imoc negentofoc ambisia. Imoc singseringina wisic wisickea kpac feengkecbeso.

Makekeng 12:19

Nga amanginau uha dokugoc yerec yerecgea aengagoc mong mi tacmanu wenac kpete sewen ambeso. Ngicngac tembuc tembuc sasawa ngenearunac kuric me bangec mingina mongngo wiac aengagoc neudeu ye meickegec Isracelkpebung ngeneac ngadeau kemebeso.

Makekeng 12:2

“Ngeni kalendanginau afo yomocac negenggec kifa hanac hanaheaac afo ambeso. Imocngo afo goa sasawa waraiyemmebeso.”

Makekeng 12:41

Nga kifa 430 wisickeu wenac imohai yombong Kebu yengena habu sasawa yeni Aigitabangec wama kenggec.

Makekeng 12:42

Kebungo Isracelngicngac Aigitabangecfunac wangecyunuu kenggec, tofocnac imohai ye garengyunuma kefec. Ifi anecac Isracelac ngicngacareng yeni fingecsahengina feengkefudesoc tofocnac imohainoc Kebuac gaugbori naso andeac gareng kecbisia.

Makekeng 12:8

Nga yeni fusia imoc tofocnac imohaingoc hafoangoc gerecfu faigec dzebeso nga icsogong aenga kpac nga mondzang hodungagoc imocgoc nebisia.

Makekeng 13:14

Anu kecma medacgango yofi kpesigenude, ‘Faka imoc hania dafiac angandae?’ Ifi deu yofi edebesena, ‘Kebu mariseriagocngo Aigita wanac ua manaunac wangecnunu haec.

Makekeng 13:9

Nga ye mariseriango Aigitabangecfunac wangecgu haec, imocac ge kecnadesoc angammeme imoc nigecgubacac marigau nga kicmesugau ma isoc faima Kebuac singyoac seria imoc enacbibicgau febeso.

Makekeng 20:2

“Neng Kebu geac Anutu. Ni Aigitabangecfunac wangecguyai. Aigita yeneng wanac meguma ua ebirau faigugec ama imohacnac wangecguyai.

Makekeng 20:8

Ge tacnegenggac wenac segerema kpetiac mekecna kpetiac anudeac negenna febeso.

Makekeng 23:15

Ge icsogong aenga kpacac nasotoa imoc tacbesena. Ge imohai neng dederecge anggenai imocac siricfu icsogong aenga kpac nema kecmana wenac sewen wisickebeso. Anu afo awiwac nasoya faifaia imohai ifi ambesena, nocac ge afo imohainoc Aigitabangec wama manec. Nga mongngo neac kicfu habeso negende ye neac wiac mong mariau mema habeso.

Makekeng 3:20

Imocac ni marina sinema aigitangicngac yeneac botucfu ebicfaka hania hania mi hehena Aigita meficgeyemmema yunubade. Imoc amba wisickeu ine yungecngunuu kenggecde.

Makekeng 34:18

Ge icsogong aenga kpac imocac nasotoa kecma wenac sewen icsogongga aenga kpac, ifiasac nekecbesena. Afo awiw imohainoc Aigitabangec wama hanec. Hanec imohai icsogong aenga kpac negecdeac dederecge anggenai, naso imoc modacma tacbesena.

Makekeng 6:1

Ifi deu Kebungo Mose yofi edeec, “Ni yaguc Parecoaru faka hania hania ammiba hembesena. Ni marina kuctoayagocngo ngombonggeba yeng uaac ebicfunac yungecyunuu kenggecde. O, ye Isracelac kisicfunac ngeni kucgoc yombong kporacngunuudeac ngombonggeba ngeni Aigitabangec wama kenggecde.”

Makekeng 6:6

Imocac Isracelngicngac yofi edeyununa, ‘Nennoc Kebu, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Makekeng 6:7

Yungecngunuba kenggec ni mengunuba neanna ngicngacareng anggecde nga ni Anutungina amma kecbade. Ngeni aigitangic yeneac bageu wanac kecma faficua ebiria mema kecmagec ni mengunuma imohacnac hesicngunuba kenggecde. Ifi fingeru ngeni yofi negentegecyombonggegecde, ni neannaoc Kebu Anutungina.

Makekeng 7:4

Meba Pareco ye sifu ngereac yoacac kedzac mi kpeude. Anu ni marinango Aigita merandziyunuma yoacngina dema turunga ebiriangoc yemmema habufocna, neac ngicngacareng, imoc Isracelac bangecfora yeni Aigitabangecfunac wangecyunu kembade.

Danicel 9:15

O Kebu Anutunina, ge mariga kuhagocngo Aigitabangecfunac ngicngacfocga hesicnununec imohai kpackunengga meficgenec nga imoc yofinenggac fedengoc. Amma ngicngacfocga neni ine kopocsic meficgema ubahereninau faka mangana arenggema imoc amma kefing.

Mataio 10:12

Ngeni ama imohai emma wenacngerec ruaeyoacgoc debisia.

Ruka 22:19

Ifi dema ic sogong mong mema Anutu dangge edema mendzicma yemmema yofi deec, “Yomoc fusina, imoc ngeneac amma faifaia. Ngeni neac negensima imoc negec.”

1 Korinti 11:24

Anutuac ubangerec dema ic sogong mendzicma yofi deec, “Yomoc fusina, imoc ngeneac amma faifaia. Ngeni imoc nema neac negensima nekecbisia.”

1 Korinti 5:8

Imocac amma nenang uuha esea yisgoc, imocac ngaba nga faka mangana wadacma faka kongaha nga yoac foragoc, imocac ic sogong yisha kpac mekecbisina.

Efeso 1:19

Amma Yesu negensinggedimbe, nenannu yeac kuctoa engenango ua mekecde, imocac hania ifingoc negentegecbisia.