Makekeng 13:21 - Deduamiti

²¹ Yeni wenacfu nga tofocnac naric kenggecdeac Kebungo wenacfu sing edzacyunuudeac hoengherec manau waraiyemmekefec nga tofocnac ine kperagiyemmeudeac ine gerecborang mong herea dzema feec, imocac manau kefec.

Makekeng 13:21 ပူးပေါင်းရင်းမြစ်များ

Nehemia 9:12

Hadzinnu hoeng manau tacma waraiyemmenec nga tofocnacfu gerecborang manau tacma sing kenggecde, imohai waraiyemmema edzacyunukecnec.

Nehemia 9:19

Ammanu ge ruaetoaga engenaac amma bangeckisiu mi wayununec, geng ine hadzinnu hoeng manau tacma mi wayununec nga toforecfu, sing kengkengnginau gerecboranggac kperagiau tacma mekperagiyununa kengkecgec.

Mitiyegec 105:39

Anutungo hoeng tiameu imocngo kperacngina amma witinginau feu tofocnac gerec yemmeu imocngo mekperagiyunuec.

Mitiyegec 68:7

O Anutu, geng warac ngicngacfocga waraiyemmema bangeckisiusing wangecyununa kenggec. Selac

Mitiyegec 77:20

Ge ngicngacfocga Mose nga Aharon yereac mariu faiyununa yereng rama isoc heitaiyunuma wangecyunuoc.

Mitiyegec 78:14

Yeni wenacfu hoengngo waraiyemmema hesicyunuec nga tofocnac gerecac kperagingo mekperagiyunudarec.

Mitiyegec 99:7

Kebungo hoeng mong hereatoaac manau tacma yoac edeyunuu yeni yeac dedekperagiyoac nga singyoac tofohoma kecgec.

Makekeng 10:10

Ifi deu yofi edeyuruec “Ni ngeni nga nambaracbisicbisicfocngina naric mi faingunuba kenggecde, imoc kpac yombong. Ifi amba merac Kebungo ngenigoc kecma faka kuneng ifia meficgeude? Ngeni wiac mangana anggecdeac negemma kecdaeac kicmesunginau henduae.

Makekeng 16:10

Anu Aharon ye Isracelkpebung hafoangoc yoac edeyunuma nammanungoc yeni bangec kisiubigeng kic figec kenu Kebuac kuckibikperagia hoeng manau fingeru henggec.

Makekeng 32:1

Mose ye tikiu kefu naso hereeu ngicngacareng yeni imoc hemma Aharonggaru kemma kpedzucnema yofi edegec, “Mose ye Aigitabangecfunac menunuma hesicnunuec, imoc yearu noc wiac fingecmiec imoc mi negendimbeac ge bic yacma anutu mong menemmena yeng warainemmema kembeso.”

Bangec kisiu 10:34

Nga yeni efaima yacma kporucamangina meickema kporucamabangec imoc wama kenggec imohai Kebuac hoengngo wenacfu witinginau sawau kengkefec.

Bangec kisiu 14:14

Amma bangec yomocac mingina yeni imoc edeyunugec kedzacnginango yofi bic negenggec, ‘Kebu ge ngicngac yomoc yeneac botucnginau kecna kicnginango genggec. Ge wenacfu yeneac witinginau hoeng manau waraiyemmema kengkecnec nga tofocnac gerec manau kecma waraiyemmeannec.’