Makekeng 13:18 - Deduamiti

¹⁸ Anutu ye ifi negemma ine ngicngac hesicyunuu sing hereau yerecgema bangeckisiu kondung sacsacfugeng kenggec. Anu isracelngic yeni Aigitabangec wama wasaingicac wiacngina sasawa mehei amma mama kenggec.

Makekeng 13:18 ပူးပေါင်းရင်းမြစ်များ

Fingec fingec 50:25

Anu Yosef ye Isracel medacfora yeni Anutuac kicfu yoac imoc deserigecdeac yofi deec, “Foracngoc, Anutungo yugucngunuude naso imohai ngeni neac sicna momoc yeihanac mema kembisia.”

Mitiyegec 107:7

sing wegenacfu wangecngunu kengkecma taong nga amabangec gombunga meficgengemmeu ihai kecgec.

Mitiyegec 136:16

Ye ngicngacfora meyunuma bangec gbangge gbanggea feec, imohai wangecyunuma kenec, ye ubangerec edebesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 68:8

Imohai bangecfu usoc meu Anutu, Sinai bangec gbangge gbanggeac Anutu amma Anutu, Isracelac Anutu, kurumenga kurumenga yeneng geac kicfu kia faigec maec.

Makekeng 12:51

Nga wenac imohai yombong Kebungo Isracelac ngicngacareng habuya habuya Aigitabangecfunac wangecyunuu kenggec.

Makekeng 14:2

“Ge Isracelngicngac yofi edeyununa, ‘Ngeni dzigenema kondung nga Migdol amabangec botucngirau Pi-Hahirot taong wegenahau imocac hoangaubigeng kporucamanginasoc kpedzigec enu guru mema kondung tegiau Bacal-Tsefon kiwaugeng, imohai tacbisia.’

Makekeng 14:9

Aigitangic, imoc Parecoac becosicfora nga keretac amma becosicfu kengkengngicfora nga wasaihabufora hafoangoc yeni Isracel kporacyunuma kemma Bacal-Tsefon tihereema kiwaubigeng dindingac Pi-Hahirot taong wegenahau Isracelngicngac yeni kporucamangina kpedzigec enu guru mema kondung tegiau tacmagec meficyunugec.