Makekeng 12:8 - Deduamiti

⁸ Nga yeni fusia imoc tofocnac imohaingoc hafoangoc gerecfu faigec dzebeso nga icsogong aenga kpac nga mondzang hodungagoc imocgoc nebisia.

Makekeng 12:8 ပူးပေါင်းရင်းမြစ်များ

Mitiyegec 22:14

Ngicngac yeneng doku bokonnunac kpakeandae, yeni ifi isoc ni kpakenugec mama kerengaiba sicna dzuhura sasawa fotockedacdac. Ni ubaherena kendokereha isoc amma herena manau sisingaima doku doku ande.

Makekeng 1:14

Ngombongyunuma yeneng dzoic kpendzenggoc kecgecdeac negemma ua ebirau faiyunugec simeng nga gbakingo amameme hoc megec amma goa Aigita yeneac nenesemeng uau homenec ua megec. Yeni ifi amma ua hania hania megecdeac ngombongyunuma kekecngina meebirigec.

Makekeng 12:9

Amma yang imoc gbori me birikennu dokuu mi ohoma nebisia. Imoc ine oruha nga hanimaria nga keracbawa tacmanungoc gerecfu hafoangoc faigec dzeu nebisia.

Makekeng 13:3

Ifi deu Mosengo ngicngac yofi edeyunuec, “Kebunina ye mariseriango Aigitaac wanac uaac manaunac wangecngunuu magec, wenac imoc negenggec fekecbeso. Imocac wiac aengagoc naso imohai mi nekecbisia.

Makekeng 13:7

Ngeni icsogong aenga kpac nema kecmagec wenac sewen wisickebeso. Imohai geac amau wiac goa aengagoc ngicngac kicnginau mi fingecbeso nga bangectoanginau uha dokugoc yerec yerecgea aengagoc mong mi mekecbisia.

Makekeng 23:18

Ge neac seseyang kpema houma sawa neac aratau fainade, imohai wiac aengagoc mi faibesena. Amma neac nasotoaac seseac kerec imocac tosea wana tacmanu ama mi wereckembeso.

Makekeng 34:25

Nga ge neac sese dema seseac yang houma ohogecdeac yanggac sawa imoc wiac aengagoc imocgoc mi kpeturangyurubesena. Amma ge onggo onggongge nasotoaac seseyang kpema houma ohomigec imocac tosea faina tacmanu ama mi wereckembeso.

Amosi 4:5

Anu ngeni ubangerecac sese imoc icsogong yisagoc ohobisia, nga wosoefacnginaac sese imoc faima kpackuneng emema sebiengeng ambisia, Isracelareng, ngeni faka ifianoc ambesonga songo homac negengandae.” Kebu Kpembibiagocngo ifi dekperagide.

Dzekarya 12:10

Anu neng Dawidac kisic nga Yerusalaimgac ngicngac yenearu danggunuc nga nunumuac asu kpakeyemmebesandua. Anu nembaracnugec, ngic imoc yeni kicnginango nembesandae. Nemma nenggac manggac mong yereac morocmedacngira homeu yeac kiacsonggong angkecdape ifi isoc neac ambesandae. Me nenggac manggac yereng waracmedacngira mong homeu kiacubahodung angkecdape ifi isoc neac kiacubahodungtoa ambesandae.

Mataio 16:12

Ifi edeyunuma yeni ic sogonggac yis garengeme kecgecdeac mi deec, imoc negentegecgec. Yeni farisaio nga sadukaio yeneac kpoukpouyoac, imocac garengemema kecgecdeac ine deec.

Mataio 26:26

Anu yeni yaka nemagec Yesungo ic sogong mong mema Anutuac ubangerec dema mendzicma medacfora yofi dema yemmeec, “Ngeni mema negec, yomoc fusina.”

Garata 5:9

Yis kapianecngo uuha sasawa sokodarude.

1 Tesaronike 1:6

Ngeni kpendzeng homac kpema Anutuac yoac negemma hoanggegec. Hoanggegec Tiri Asungo meefaingunuu sogac sogaigoc kecgec. Ngeni ifi amma fakanina modacma kemma Kebuac faka ifingoc modacma kecdae.