Makekeng 12:42 - Deduamiti

⁴² Kebungo Isracelngicngac Aigitabangecfunac wangecyunuu kenggec, tofocnac imohai ye garengyunuma kefec. Ifi anecac Isracelac ngicngacareng yeni fingecsahengina feengkefudesoc tofocnac imohainoc Kebuac gaugbori naso andeac gareng kecbisia.

Makekeng 12:42 ပူးပေါင်းရင်းမြစ်များ

Mitiyegec 136:11

Ye Isracel areng yeneac botucfunac hesicyunuu kenggec, ye ubangerec edebesonga. Yeng yoac dedzege amma imoc modackecde, faka imocngo fefeseri feengkefude.

Makekeng 12:14

Anu wenac imocngo ngeneac nasotoangina angkecbeso, imoc kifasoc tacbisia. Nga tacgecdesoc Kebungo faka meec imocac negensima kecbisia. Imoc fingecsahengina feengkefudesoc imoc meserima mekecgec singngina seria amma feengkecbeso.

Makekeng 13:10

Nga singseria imoc kifasoc negentofoho amma kecbesena.

Makekeng 13:3

Ifi deu Mosengo ngicngac yofi edeyunuec, “Kebunina ye mariseriango Aigitaac wanac uaac manaunac wangecngunuu magec, wenac imoc negenggec fekecbeso. Imocac wiac aengagoc naso imohai mi nekecbisia.

Makekeng 34:18

Ge icsogong aenga kpac imocac nasotoa kecma wenac sewen icsogongga aenga kpac, ifiasac nekecbesena. Afo awiw imohainoc Aigitabangec wama hanec. Hanec imohai icsogong aenga kpac negecdeac dederecge anggenai, naso imoc modacma tacbesena.