Makekeng 12:37 - Deduamiti

³⁷ Anu Isracelngicngac yeni efaima yacma kporucamangina meickema mekemma Racamses taong wama Sukkot bangecfu kenggec. Nga ngic imoc yeneac kpetengina 600,000, ngac nambaracfocngina ine mi osoyunuyunuya.

Makekeng 12:37 ပူးပေါင်းရင်းမြစ်များ

Fingec fingec 12:2

Ihai kemma bangecareng kuneng ambesannec nga ni kenecguba kpackunenggagoc amma kecnade. Ifi anna ngicngac geac wegenac kecgecde yeni kenecnginagoc anggecde.

Fingec fingec 15:5

Ifi dema Kebungo bangecfu hesickema kemema yofi edeec, “Ge kicga fina sawau enu asomeng yenenna, naric osoyunudacnadeu bangecfocga ifingoc naric osoyunudacnade.” Ifi dema yofi deec, “Geac bangecga ye ifi isoc fingecsahe ambesande.”

Fingec fingec 46:3

Ifi deu yofi dema edeec, “Ni manggaac Anutu. Ni Aigita bangecfu ge mesaheguba ngicngacareng kuneng ambesannec. Ge imohai kennadeac kengec mi gubeso.

Fingec fingec 47:11

Anu Yosefngo mangdacfora Aigita bangec tosea mong yeni yenang yombong anudeac yemmeu ihai kecgec. Bangec imoc bangec gombunga yombong nga Parecongo deec imocac siricfu Racemeses bangecfu bangec noboha yemmeec.

Makekeng 1:11

Ifi deu ua megecdeac keracnatang mangana yeneac bageau faiyunugec yeni kpendzengtoa kpema kecgecdeac negemma ua ebira yombong megecdeac ngombongyunugec. Ngombongyunugec yeneng Parecoac kpounecac taontoa yohockang, Pitom nga Racamses meyurugec.

Makekeng 10:9

Ifi deu Mosengo yofi meremmiec, “Kebuninaac nasotoa tacnideac neni yada kapia, nambaracfocnina nga amayang habuya habuya imoc momoc wangecyunu kennide.”

Makekeng 13:20

Anu yeni Sukkot amabangecfunac yacma kengkecma Etam amabangecfu, bangec kisicac tegiau kensikema kporucamangina taigec enu guru mema ihai tacgec.

Makekeng 38:26

Anu ngic kifangina twenti namma ende warac osoyunugec tembuc tembuc sasawa yeneac kpetengina 603 550 anec. Ammanu kpetiac amaac ebic feec, imocac sirihau yeni tembuc tembuc beka kpete mocgu, imoc shekelkpete ½ deyec deyemmea, imocacsoc faidacgec.

Bangec kisiu 1:2

“Ngeni isracelngic kpebungngina hafoangoc yenearunac ngic sasawa fingecsahengina nga amaarengnginasoc modacma kpetengina mebisia. Ngeni ngic tembuc tembuc sasawa yeneac kpacnginaac kpete mebisia.

Bangec kisiu 1:46

yeneac kpetengina mema kpeturanggegec imoc 603 550 anec.

Bangec kisiu 11:21

Ifi deu Mose ye yofi deec, “Ngic nigoc haningo sing hadae yeneac kpete imoc 600,000 anu ge yofi denec, ‘Ni wiac fusingina songeagoc meficgeyemmeba nekecmagec afo mong wisickeude.’

Bangec kisiu 2:32

Anu yeni Isracelngic imoc amaarengnginasoc modacma wasaiarengnginau arengyunuma kpetengina megec. Amma kpetememengic yeni ngic sasawa kporucamahabunginausoc kecgec, yeni wasaingichabufocnginasoc modacma kpetengina mema kpete imoc kpeturanggegec imoc ngic 603 550 anec.

Bangec kisiu 26:51

Nga isracelngic wasaihabunginausoc arengyunuma kpetengina megec, imoc kpeturanggema 601 730 anec.

Bangec kisiu 33:3

Yeni afo kpete mocgu imocac wenac kpete fiftin imohai efaima yacma kporucamangina meickema Racamses wama kenggec. Imoc onggoc onggonggeac nasotoa wisickeu aigitangicngac sasawa yenemma nammagec kengecngina kpac kucgoc kenggec.

Bangec kisiu 33:5

Yeni efaima yacma kporucamangina meickema Racamses wama imohacnac kemma Sukkot imohai sikema kporucbedzongina kpedzigec enu guru mema tacyac anggec.