Makekeng 12:3 - Deduamiti

³ Nga Isracelkpebung hafoangoc yofi edeyunuec, “Afo yomocac wenac uameme kpete ten imohai ngic tembuc tembuc enemmedacfocnginagoc kecdae, yeng yeneac rama me noningmedaha mocgu mocgu mebeso. Amamana mong ye mocgu, ifi sasawa.

Makekeng 12:3 ပူးပေါင်းရင်းမြစ်များ

Fingec fingec 22:8

Ifi deu Awrahamngo yofi deec, “Medacna, Anutu yengenaoc sesegerecac rama meficgeude.” Ifi deu yerahafoc kenoc.

Fingec fingec 4:4

Anu Hawel ye ifingoc ramafora warac warac fingec fingera yenearunac goa kpema kerecngina tosea Kebuaru mehaec. Mehau Kebungo Hawel yengena nga sesea imoc henu ngereec

Makekeng 12:2

“Ngeni kalendanginau afo yomocac negenggec kifa hanac hanaheaac afo ambeso. Imocngo afo goa sasawa waraiyemmebeso.”

Makekeng 12:21

Ifi deu Mose ye Isracel enarafocngina kpedzucyunudacma yofi edeyunuec, “Ngeni kemma amaarengfocngina yeneacsoc negemma makekenggac ramamedaha meisinggema kpebucgebisia.

Makekeng 12:4

Anu amamana monnu ngicngac naroangmedacfocngina efeanecsac kecma ramamedaha naric mi nedacgecdeu yofi ambisia. Ama yohockang wegenac wegenac tacdape imocac manggac yeri rama me noningmedaha mocgu mema kpeturanggema ngicngac naroangmedacfocnginaac kpetengina negemma tembuc tembuc sasawa yeneac socngina hendzicma nebisia.

Makekeng 12:6

Meisinggema garenggema kecmagec afo yomocac wenac kpete fotin ammanu ama marai anu Isracelkpebung sasawa yeni ramanoningmedaha bic meisinggegec imoc kpebucyunubisia.

Makekeng 14:15

Anu Kebungo Mose yofi edeec, “Geng kpacsambic anennec, imoc wama Isracelngicngac yofi edeyununa, ‘Ngeni monggoc yacma kembisia.’

Makekeng 20:19

Namma Mose yofi edegec, “Geng yoac edenununa negembisina. Kecma homebinggac Anutungo ine yoac mong mi edenunubeso.”

Makekeng 4:30

Kpedzucyunuma Kebungo Mose yoac warac ededarec, imoc Aharongngo edeyunudacma faka kuhagoc imoc ngicngacyeneac kicfu meec.

Makekeng 6:6

Imocac Isracelngicngac yofi edeyununa, ‘Nennoc Kebu, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Bangec kisiu 15:11

Ngeni burumakangiwa nga ramangiwa amma ramamedaha nga noningmedaha tembuc tembuc sasawa faigecde, imohai ifi angkecbisia.

Yohane 1:29

Wereckengau Yohanengo namma henu Yesungo yearu hau ngicngac yofi edeyunuec, “Henggec, imoc Anutuac ramamedaha, yeng bangectoa bangec imocac ngicngac sasawa yeneac kopocsic meickeude.”

Yohane 1:36

Nammagec Yesungo kenu hemma medachora yofi edeyuruec, “Henec, imoc Anutuac ramamedaha.”

Yohane 12:1

Makekenggac hombang imocac wenac 6 femanu Yesungo Radzaroac taonnu Betania, ihai kenec. Yesungo ngic yenoc homecfunac megboriec.

Yohane 12:12

Wereckengau ngicngac habutoango hombanggac Yerusalennu kenggec. Kemma Yesungo Yerusalennu haudeac wegenanec hade, ngicngac yeni ifi negemma

1 Korinti 5:7

Anu nenang ramamedaha Kristo, yeni sese imoc bic kpegec homema dzuacnunuec. Imocac ngeni uuha esea yisgoc meickedacma uuha gboria faibisia.

Yohaneac kpefing 13:8

Ifi migec ngicngac sasawa bangecfu kecdae, yeneng wasaipusi numumigecde amma ramamedaha kpebucgegec, yeac kekecac kibiu ngicngac kpacngina bangec meficmeficgeaunac mi fede, yeneng wasaipusi numumigecde.