Makekeng 12:16 - Deduamiti

¹⁶ Wenac kpete mocgu imohai kpekpedzuc kpetiac mong fingecbeso amma wenac kpete sewen imohai kpekpedzuc kpetiac monggoc ambisia. Nga wenac yohockang dedea imohai ua mong mi mebisia. Ngicngac tembuc tembuc sasawango yaka negecde imocac sirihausac ohomiacke ua mebisia.

Makekeng 12:16 ပူးပေါင်းရင်းမြစ်များ

Makekeng 16:23

Edegec yofi edeyunuec, “Kebungo imocacnoc yofi deec, ‘Wereckenu tacnegennaso, imoc Kebuac tacnegeng kpetiac. Imocac ngeni dzegoc ohobeso dema dzegoc ohogec me dokugoc ohobeso dema ohogec. Nga tosea taru imoc sasawa wereckenuac negemma faigec tacbeso.’ ”

Makekeng 16:29

Negendae, Kebu nennoc tacnegennaso meficgengemmedua, imocac wenac uameme kpete siks ihai icsogong wenac yohockanggacsoc faingemmeduae. Faingemmeba wenac kpete sewen ihai ngicngac tembuc tembuc sasawa ngeni amasobengnginausac tacbisia, imohai mongngo amasobenga wama monnu mi kembeso.

Makekeng 16:5

Nga wenac kpete siks imohai yaka mekpedzuc amma imoc ohomengere anggec imocngo wenacsoc meandae, imocac siriha ferahama uameme yohockanggacsoc anude.”

Makekeng 20:10

Nga wenac kpete sewen imoc Kebu Anutuga yeac tacnegennaso. Ge nga naroangmedacfocga nga enactofoc tofohofocga ngic me ngac yeni nga burumakafocga amma ngic kuricngo amagau kecdae ngeni naso imohai ua mong mi mebisia.

Makekeng 34:18

Ge icsogong aenga kpac imocac nasotoa kecma wenac sewen icsogongga aenga kpac, ifiasac nekecbesena. Afo awiw imohainoc Aigitabangec wama hanec. Hanec imohai icsogong aenga kpac negecdeac dederecge anggenai, naso imoc modacma tacbesena.

Bangec kisiu 28:18

Nga wenac kpete mocgu imohai kpekpedzuc kpetiac amma wenacsoc ua mong mi mebisia.

Bangec kisiu 28:25

Nga wenac sewen, imohai ine kpekpedzuc kpetiac amma tacbisia. Wenac imohai ua mong mi mebisia.

Bangec kisiu 28:26

Nga ngeni neneyaka hania hania buma heigecdeac me witgbomea gboriaunac sese dema wenac imohai kebuaru mehagecde, wenac imocngo ngeneac kpekpedzuc kpetiac anu tacbisia. Wenac imohai ua mong mi mebisia.

Bangec kisiu 29:1

Nga afo kpete sewenggac wenac kpete mocgu imohai kpekpedzuc kpetiac tacbisia. Anu wenac imohai ua mong mi mebisia. Ngeni wenac imohai trampet fifigec udumeng meficgebeso.

Bangec kisiu 29:12

Anu afo kpete sewen imocac wenac kpete fiftin ngeni imohai wenac sewenggacsoc Kebuac negensima nasotoa tacma kpekpedzuc kpetiac tacbisia. Anu wenac imohai ua mong mi mebisia.

Yohane 19:31

Uameme imoc makekenggac efac kpefacac naso anec. Nga yudangic yeneng ngic mariponnu yunugec, yeneac farengngina sabata nasou mariponnu mi nambeso negenggec. (Sabata naso imocngo hombang kuneng yombong.) Imocac amma wasaingic yeneng mariponnu ngic haningina kpetackema mesiyunugecdeac Pirato kpesimigec.