Makekeng 12:14 - Deduamiti

¹⁴ Anu wenac imocngo ngeneac nasotoangina angkecbeso, imoc kifasoc tacbisia. Nga tacgecdesoc Kebungo faka meec imocac negensima kecbisia. Imoc fingecsahengina feengkefudesoc imoc meserima mekecgec singngina seria amma feengkecbeso.

Makekeng 12:14 ပူးပေါင်းရင်းမြစ်များ

Mitiyegec 111:4

Ye uaya bibiagoc meec, imoc yeng negemmanu negenggec fekefude. Kebungo neneac ubea manganeu ubangerec anemmeude.

Mitiyegec 135:13

O Kebu, geac kpac kuneng imoc nasoya nasoya feengkefu ngicngac esamedacfocngina fingecsahe anggecde, yeneng geac kpac kuneng negenggec febesande.

Makekeng 12:17

Ni wenac imohainoc Isracelngicngac habufocngina Aigitabangecfunac hesicyunuba kenggecde. Ifiac amma icsogong aenga kpacac nasotoa negentofoho ambisia. Ngeni fingecsahengina feengkefudesoc wenac imocac negensima faka imoc negentofoc ambisia. Imoc singseringina wisic wisickea kpac feengkecbeso.

Makekeng 12:24

Ngeni ngenang nga nambaracfocngina faka imoc negentofoho amma kecbisia nga imocngo singseringina amma feengkecbeso.

Makekeng 12:43

Anu Kebungo Mose nga Aharon yofi edeyuruec, “Onggoc onggongge nasotoaac singseria yofi fede, bangec monnunac ngicngo makekenggac ramamedaha imoc mi nebeso.

Makekeng 12:6

Meisinggema garenggema kecmagec afo yomocac wenac kpete fotin ammanu ama marai anu Isracelkpebung sasawa yeni ramanoningmedaha bic meisinggegec imoc kpebucyunubisia.

Makekeng 23:15

Ge icsogong aenga kpacac nasotoa imoc tacbesena. Ge imohai neng dederecge anggenai imocac siricfu icsogong aenga kpac nema kecmana wenac sewen wisickebeso. Anu afo awiwac nasoya faifaia imohai ifi ambesena, nocac ge afo imohainoc Aigitabangec wama manec. Nga mongngo neac kicfu habeso negende ye neac wiac mong mariau mema habeso.

Makekeng 27:21

Anu Kebugoc ewacemeemeac kporucamau Kebungo wiac heigboringemmekecduaeac wiac mana kpetiac nga kpataning yombonggac kpoructoaac ngadeau, imohai Aharon nga medacfora yeni tofocnacfunac kecma asoac Kebu neac kicfu kifa imoc garenggekecbisia. Singseringina imocngo Isracelac fingecsahe feengkefudesoc ngenearu feengkecbeso.

Makekeng 5:1

Ifi fingeru Mose nga Aharon yeri Parecoaru kemma yoac yofi dema edeoc, “Negennec, Kebu Isracel neneac Anutungo yofi dede, ‘Ge ngicngacfocna uaac ebicfunac yungecyununa yeni bangeckisiu kemma eweheihei anemma neac nasotoaac tacbisia.’ ”

Dzekarya 6:14

Anu ngicngac yeneng ira imoc hemma Helem, Tobiya nga Yedacya amma Tsefanyaac medac Hen yeni negensiyunukecgecdeac Kebuac womonnu faigec tacbesande.

Bangec kisiu 10:8

Anu womonggareng, imoc Aharon medacfora, yenengsac trampet imoc fifikecbisia. Nga imocac singseria imoc ngeneac fingecsahengina feengkefudesoc ngenearu fefeseri fekecbeso.

Bangec kisiu 15:15

Imoc kpebungnginau nga kuricngic ngenigoc kecandae botucnginau ngeneac singseria mocgungoc ambeso. Imoc fingecsahengina feengkefudesoc ngeni nga kuricngic yeneac ifingoc ambesande. Ngeni nga kuricngic yeni Kebuac kicfu siric mocgungoc angkecbisia.

Bangec kisiu 16:40

Anu Isracelngicngac yeni faka imoc hemma yofi negensima kecgecdeac ifi anggec, kuricngic mong me ngic mong ye Aharonggac fingecsaheunac mi anudeu ye hosuc homungkereng mehama Kebuac kicfu mi ohobeso. Ngic mongngo Kora nga yeac habu isoc ambacac, ifi anggec. Anu Elecadzar ye Kebungo Mose edeec ifi isoc yombong andarec.

Bangec kisiu 18:8

Anu Kebungo torokpema Aharon yofi edeec, “Ni neannaoc Isracelngicngac sese nenggecde imoc garenggenadeac faiguai. Yeneng sese kpetiac nenggecde imoc garenggegecdeac ua imoc ngeneac wiac anudeac ngemmeduae imoc ngeni nga nambaracfocngina yeneac ua nasoya nasoya feengkecbeso.

Mataio 26:13

Foracngoc, ngic yeni siduc gombung yomoc bangeha bangeha kemma dekperagigecde, imohai yeng ifi anec, imoc ifingoc degec negenggec febesande.”

Ruka 22:19

Ifi dema ic sogong mong mema Anutu dangge edema mendzicma yemmema yofi deec, “Yomoc fusina, imoc ngeneac amma faifaia. Ngeni neac negensima imoc negec.”