Makekeng 1:14 - Deduamiti

¹⁴ Ngombongyunuma yeneng dzoic kpendzenggoc kecgecdeac negemma ua ebirau faiyunugec simeng nga gbakingo amameme hoc megec amma goa Aigita yeneac nenesemeng uau homenec ua megec. Yeni ifi amma ua hania hania megecdeac ngombongyunuma kekecngina meebirigec.

Makekeng 1:14 ပူးပေါင်းရင်းမြစ်များ

Fingec fingec 15:13

Kengec kpeu Kebungo Awram yofi dema edeec, “Yomoc foracngoc negennec, bangecfocga yeni bangec mong yeneac mi dedea imohai kuric kecma bangec mingina kifa 400 enacngina tofohomagec yeneng ngaba ayemmema ebic hania hania meficgeyemmebesandae.

Mitiyegec 129:1

Isracelngo yofi debeso, “Ni sebigborinaungoc kecbareng ngic yeneng ebic kunennu fainugec.”

Mitiyegec 68:13

Amma dzikacac hepuc amau tacgec yeni neng dzongina silwa nga gol tengging tengging isoc ifiango sebingina soko sokoa feec.”

Mitiyegec 81:6

Negemba yofi deec, “Ni fuanginaunac ebic mesima maringinaunac uaac sakac ebira meickeba

Makekeng 1:11

Ifi deu ua megecdeac keracnatang mangana yeneac bageau faiyunugec yeni kpendzengtoa kpema kecgecdeac negemma ua ebira yombong megecdeac ngombongyunugec. Ngombongyunugec yeneng Parecoac kpounecac taontoa yohockang, Pitom nga Racamses meyurugec.

Makekeng 1:13

Kengecyunuu yeni isracelngic ngabayoac ayemmema wanacngicfocngina amma kecma yeneac ua megecdeac ngombongyunugec.

Makekeng 1:15

Anu Aigita ngictau ye Hebiraio yeneac gadzememengac yohockang, Sifera nga Puca yofi edeyuruec,

Makekeng 2:23

Anu ye kifa homac ihai kecmanu Aigita ngictau homeec. Anu Isracelngicngac yeni ine wanacngic kecma uangina kpendzenggoc mema kecma kiacubamangang amma Anutungo meficyunuma kpendzengnginaunac yungecyunuudeac kpacsambic ammima kecmagec kpakpacnginango yearu enec.

Makekeng 20:2

“Neng Kebu geac Anutu. Ni Aigitabangecfunac wangecguyai. Aigita yeneng wanac meguma ua ebirau faigugec ama imohacnac wangecguyai.

Makekeng 6:9

Mose ye yoac imoc Isracelngicngac edeyunudaru yeni ine ubangina mayombonggeu kecgec nga wanacngic kekec nga faficua kpendzengtoayagoc anecac kedzac mi kpegec.

Mika 3:3

Nga ngicngacfocna yeneac fusi nema sebihodungngina hepotockema neandae nga sicngina hetackema hedzameandae. Ifi amma fusingina ahaparang kpema sebingina enannu dzeande ifi isoc hesisickeandae.”

Nahum 3:14

Ninewe, ngabafocga yeneng hocodaga tidzickegecdeac arenggedae imocac ge dokuac obohobanggac doku fina amagau habeso. Nga ngaba yeneng taonggaac manau erebauac ge taongodaga meserinadeac bangec sacsac mema tina goteng goteng anu brikac boksfu arengyunuma brik mebesena.

Bangec kisiu 20:15

Mangfocnina yeni Aigitabangecfu kemma ihai naso herea kefing. Kecmina aigitangicngac yeneng mangfocnina nga neni ebic hania hania meficgenemmegec.

Aposoro 7:19

Anu ngictau yennoc kisicfocnina meenti memati ayemmema memanganeyunudarec. Amma yeng yofi edeyunuec, ‘Ngeni sabacfocngina wayunugec homedacbisia.’ ”

Aposoro 7:34

Ni ngicfocna Aigita bangecfu sisicyunugec kiacudumeng anggec ereu yenenduae. Amma mesiyunubadeac yaguc maduae. Imocac Aigita bangecfu sueguba bic kembesena.’ ”

Ruti 1:20

Ifi kpesiemegec deec, “Neac Nacomi monggoc mi debisia. Kuc mingina yengenaoc negemmanu nearu ubahodungtoa fingerec, imocac neac kpacna Mara kpacnubisia.