Hebiraio 4:3 - Deduamiti

³ Nga ngicngac negensinggema kecdimbe, nenaoc kecnegeng kekecac areng andimbe. Anutungo bangec nga kurumenggac titiseria faiu wisickeu wiac sasawa mesidacma kecnegeng kekecac uameme faiec. (Fing 2:2) Ye ifi faima sifu yofi dede, “Imocac ni herebu amma deserima yofi deai, ‘Yeni neac kecnegeng kekecfu naric mi embesandae.’ ” (Myeg 95:11)

Yoak kekehagocac Dzadzahac gboria nga Mitiyegec

³ Nga ngicngac negensinggema kecdimbe, nenaoc kecnegeng kekecac areng andimbe. Anutungo bangec nga kurumenggac kpesinga faiu wisickeu wiac sasawa mesidacma kecnegeng kekecac uameme faiec. (Fingec fingec 2:2) Ye ifi faima sifu yofi dede, “Imocac ni yeneac herebu negemma ine yofi deseriai, ‘Yeni neac kecnegeng kekecfu naric mi enggecde.’” (Mitiyegec 95:11)

Hebiraio 4:3 ပူးပေါင်းရင်းမြစ်များ

Fingec fingec 1:31

Fingecdaru ye wiac sasawa meficgeec imoc henu gombunga yombong andarec. Anu ama monggoc toforema wereckenu uameme siks anec.

Mitiyegec 95:11

Imocac ni ngaba amma yofi deserima deai, “Yeni neac kecnegeng kekecfu naric mi embesandae.”

Makekeng 20:11

Kebu ye wenac uameme siks ua mema kurumenga kurumenga nga bangec nga kondung amma wiac yeneac manau fekendacdae imoc meficgedarec nga wenac kpete sewen imohai tacnegenec. Imocac Kebungo tacnegenggac wenac kenehema segerema kpetiac annideac desiec.

Mataio 13:35

Profete mongngo yoac yofi deec, “Ni yoac heima deba, imoc enacnaunac maudeac ande nga wiac warac kundunnu sufu sufuya feec nga wiac ngade fingecbesande, imocac yoac debade.” (Myeg 78:2) Yoac imoc fora fingerudeac Yesungo yoac heimasac yoac edeyunukefec.

Mataio 25:34

Ifi amma ngictaungo ngicngac foiugeng yofi edeyunuude, ‘Ngicngac Mannaac kenecgoc, ngeni yei hagec. Ngeni amabangecyombongngina megec, imoc bicngoc bangec hanahema fingerecfunac ngeneac negemma faifaia.

Efeso 1:4

Yennoc bicngoc yombong hanahema bangec kurumeng mi fingecmanu kiwau ebiha kpac nga kpetiac kecnideac Kristoac amma negengising anemmeec.

Hebiraio 3:11

Imocac ni herebu amma deserima yofi deai, ‘Yeni neac kecnegeng kekecfu naric mi embesandae.’ ” (Myeg 95:7-11)

Hebiraio 3:14

Nenang urecfu Kristo seria negensinggema kefing, negen negensinnina siriha imocngo mekecnideu naso wisic wisickeau serima nanni yeng deude, “Ngeni neac ogofocna.”

Hebiraio 9:26

Kristongo ifi kecbac dede ye bangec nga kurumeng hanac hanaheaunacngoc naso homac kpendzeng kpeerekecbacfu imoc naric mi wabac. Nga ye ifi mi anec, kpac. Ye naso wisickebeso ammanu bangectoa bangecfu naso mocgusac fingecma ngicngac kopocsicnina meickeudeac Anutuaru yengena sebia desima faiu sese uaya medarec.

1 Petoro 1:20

Bangec nga kurumeng mi fingecmaec Anutungo Kristo bic meisinggeec. Meisinggeu yeng yaguc naso wisic wisickeau nenanggac amma fingectegerec.