Haggai 2:22 - Deduamiti

²² Amma bangec noboc noboc yeneac ngictaufocngina yeneac tatac hetutuckema bangec noboc noboc gawamangnginaac kuc meickeba kuha kpac andarude. Amma keretac nga keretac kisang kisangngic yeni hetutucyunubade. Amma becosic kisang kisangngic yeni becocsicnginau tacma dzikacac beangngo yenaocngoc ewema kpebucemema becosicnginagoc todinggema mayunuude.’

Haggai 2:22 ပူးပေါင်းရင်းမြစ်များ

Mitiyegec 46:9

Yeng bangec tegia noboc noboc dzikac menomanema tebe pokong sasawa kpetackedacma dzikacac kasongina gerecfu faiu dzeude.

Mitiyegec 76:6

O Yacakowac Anutu, ge yoac seria ngabasiricfu edeyununa becosi nga ngic witiau tacma kisangyunuandae, yeni mayunuu homema fegec.

Makekeng 14:17

Nga ni aigitangic ubaseri meyunuba yeni modacngunugecde. Pareco nga wasaihabufora sasawa keretacnginagoc amma becosicfu kekengngicfora yeni ifi anggec neng firang amba eweheihei fingecnenude.

Makekeng 14:28

Imoc keretac nga becosicfu kekengngic nga Parecoac wasaihabu hafoangoc yeni Isracelngicngac modacyunuma kondunnu hagec kondungngo dzigenema hafoangoc semeyunudarec. Yenearunac mongngo mong mi woraec.

Makekeng 15:19

Kondunnu sing fingeru Parecoac becosic nga keretac amma wasaingicfora becosic witiau kenggec yeni sasawango imohai hagec, imohai Kebungo kondung deu dzigenema witinginau emma semeyunuec. Isracelngicngac neni ine kondung dzongiau bangec kerengau ferecgeing.”

Makekeng 15:4

Ye Parecoac keretac nga wasaingicfora habuya habuya kondunnu ukuyunudarec. Parecoac dzikacngic enarafora meisingyunuyunuya yeni Kondung sacsacfu kemedacgec.

Danicel 8:25

Ye wiac memanganeudeac negen negentegehagoc yombong anudeac ikocfakayango kicngina mesufuyombonggeude. Anu yeac ubahereau nendefeyoac monggoc yombong yadiude. Amma ngicngac ebic mong mi fingecyemmeudeac negemma kecgec yeng ngicngacareng homac kpetotieyunudarude. Amma ye ngictau yeneac Ngictau emmiude. Ifi anu ngicngo faka mong mi meu eng hetackegec kpac ambesande.

Amosi 2:15

Anu tebengic yeneng serima naric mi nanggecde nga ngic sing gereagoc tiandae yeneng naric mi woragecde amma becosi kisang-kisangngic yeneng kekecngina naric mi onggonggegecde.

Mika 5:10

Kebungo yofi dede, “Naso imohai, Ni ngenearunac becosi nga keretacfocngina memanganeyunubade.

Mika 5:15

Anu bangeha bangeha ngicngac damocngo eweheihei mi anendae, yeni herebu nga heregerecfu turunga kpouyemmebade.”

Mika 5:8

Anu bangeha bangeha yenearunac Yacakowareng tosea yeneng ngiha ngiha yeneac botucfu kateac wasaiyang yenearunac laiong isoc nga ramahabu yenearunac laiong medaha mong kuchagocngo mesariyunuma mereckperecge meyunumanu mongngo naric mi kasokpeude.

Mika 5:9

Ge mariga negengyohoa kpac ngabafocga yeneac witiu miacna kucga imocngo sasawa memanganeyunudarude.

Mika 7:16

Anu bangeha bangeha yeneng imoc hemma kerectegec amma gameyunuu ubangina kuhamaude. Ifi amma yoacngina dugungkpeu kedzacngina kpefonggegecde.

Tsefanya 3:8

Kebungo yofi dede, “Ngeni neac tomai kecbisia nga naso mong hasikebesande, naso imohai ni yacma namma fakangina henai imocac sirihau yoacngina desibesandua. Amma bangeha bangehaac ngicngac ngictaufocnginagoc yeni heitaiyunuma kpedzucyunubesandua, ni imoc bic deseriai. Amma ngabanaac gerec imoc hetinggeba witinginau embesande. Nga herebunaac gerecngo bangeha bangeha borang tima dzedacbesande.”

Dzekarya 10:11

Efrayimngic yeni kondungdoku ebihagoc ferecgema siritembong menomanebesandae. Ammanu dokutoa dzohonga keme kemea yombong imoc dzikebesande. Naso imohai Assurac nendefefakayaac kuha mabesande amma Aigita ngictauac ngictauyasuya imoc meickebesande.

Dzekarya 10:5

Amma yeni yenahafocngoc gareng uangina mebesandae. Ngic kuctoanginagoc amma dzikac kpema ngabafocngina gotennu tirusueyunuandae, yeni kuc ifia mekecbesandae. Kebungo yenigoc kecdeac amma yeni dzikacfu firang amma ngabafocngina becosicfu kengkeng game kpekpeu faiyunubesandae.

Dzekarya 12:9

Kecma nasoya hasikebesande, imohai neng bangeha bangeha yeneng Yerusalaim imohai hama Yerusalaim ngaba ammiandae, yeni memanganeyunudacbesandua.

Dzekarya 14:3

Ifi fingecmanu Kebungo yacma warac dzikac kpekefec ifi isoc kpema ngic habuya habuya yenigoc ewekpekpe ambesande.

Dzekarya 4:6

Ifi dema monggoc torokpema edenuec, “Ge Kebuac yoac yomoc Dzerubawel edena, ‘Ge ngic seseriac sinnu me ngic kucac sinnu ua mi mebesena ge neac Asunaac kucfu ua mebesena.’ ”

Dzekarya 9:10

Amma Efrayimgac dzikacac keretac nga Yerusalaimgac becosic imoc meicyunudacbesandua amma dzikacac tebegbobingina imoc tuema ukudacbesandua. Anu bangeha bangeha yenearu ruaetoa fingerudeac ngictaungina gboriango deseribesande. Anu yeac ngictau uayango kondung nobocnac kemma kondung noboc amma dokutoaunac kengkecma bangec wisic wisickeau kpesidacbesande.

Mataio 24:7

Bangec goa yeneng bangec ogofocngina yenigoc ewekpekpe anggecde. Nga ngictau monggac arengngo ngictau monggac areng yenigoc ngaba angemegecde. Nga boditoa bangec goau fingerude nga goau usoctoa mebesande.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”