Haggai 2:16 - Deduamiti

¹⁶ Ngeni naso imohai fora seberagoc hennegeng amma toru twentiacsoc naric ambac ifi negensigec nga imohacnac sebera meickedacgec toru tengacsocsac angkefec. Nga waing tidzoc tidzohou kemma waing kirung fifti naric fingecbac ifi hennegeng anggec. Ammanu kirung twentisac fingeckefec.

Haggai 2:16 ပူးပေါင်းရင်းမြစ်များ

Haggai 1:6

Ngeni uau semeng homac homecandae amma fora efeanecsac meandae. Nga yaka neandae amma sifu mi gebecngunuande. Nga doku nemagec mi hetucngunuande amma wamba heiandae imocngo mi higereengunukecde. Nga dzoua mema dzo meandae imoc dzoamea titingagocfu barigec maande, ifi isoc angkecde.

Haggai 2:15

Ngeni yaguc hanahema nang enggecdeu noc faka fingecngemmeude, imoc hengising ambisia. Amma warac hoc mongngo monggac witiau mi himagecngoc, naso imohai faka dafi fingecngemmeec, imoc negensibisia.

Haggai 2:17

Anu neng deba maringinango nenesemeng uanginau homecgec nomanggbomea sueba imocngo memanganeec nga semenggac hafeia sueba maria dzeu hafoekefec. Anu ngeni sifu nearu mi dzigenegec.

Malecaki 2:2

“Ngeni neac yoac mi negenggecde amma heregoc neac kpacnaac ewe mi heigecdeu sowecnango ngeneac witiu enu kenecngina ifingoc soweckebade. Ni kenecngina imoc bic soweckeai nocac ngeni heregoc neac ewe mi heinenggec.