Haggai 2:15 - Deduamiti

¹⁵ Ngeni yaguc hanahema nang enggecdeu noc faka fingecngemmeude, imoc hengising ambisia. Amma warac hoc mongngo monggac witiau mi himagecngoc, naso imohai faka dafi fingecngemmeec, imoc negensibisia.

Haggai 2:15 ပူးပေါင်းရင်းမြစ်များ

Mitiyegec 107:43

Mong ye negen negentegecgoc kecde, yeng wiac yomoc hensima negentegecbeso. Kebu ye yoac dedzege amma imoc modarude, bangecfu ngicngac yeneng imoc negenghomebisia.

Haggai 1:5

Imocac kurumenggac wasaiareng habuya habuya yeneac Kebu yeng yofi dede, “Ngeni negen negentegecgoc kekecngina dafi kecdae imoc gombunga isinggebisia.

Haggai 1:7

Imocac amma ngeni negen negentegecgoc kekecngina dafi kecandae imoc gombunga isinggebisia.

Haggai 2:16

Ngeni naso imohai fora seberagoc hennegeng amma toru twentiacsoc naric ambac ifi negensigec nga imohacnac sebera meickedacgec toru tengacsocsac angkefec. Nga waing tidzoc tidzohou kemma waing kirung fifti naric fingecbac ifi hennegeng anggec. Ammanu kirung twentisac fingeckefec.

Haggai 2:18

Anu ngeni afo nainggac uameme twentifo, naso imohaingoc Kebuac womonggac hoc hanahema arenggema heigec, ngeni naso imoc gombunga negensibisia. Naso imohacnac nang enggecde imohai faka dafi fingecngemmeude imoc hengising ambisia.

Dzekarya 8:10

Amma womonggac hoc hikenggec naso imocac bageau keceregec imohai ngicngac yeni nga donggi burumakafocngina uaac fora megecdeac sengerang heima ua esa mekecgec amma sifu uanginaac fora efeanecsac fingeckefec. Amma bangec imohai kecgec yeneng ngaba anggecac amma kenghaac singngina imoc ebihagoc anec. Amma yeni yenaocngoc ngaba angemegecdeac ni neanaoc doc sineai.

Dzekarya 8:11

Nga ni yaguc yehudahabu toseanec komoc kpema kecdae, yeni warac ngaba ayemmeai isoc monggoc ngaba mi ayemmebesandua.

Roma 6:21

Ngeni imohai kopocsicac fora mekecgec imocngo kekecngina memanganeec amma ngeni yofinenggac imoc negemma gamengunuande. Faka nga angammeme ifianoc homec heficgeude.

1 Korinti 11:31

Nga nenang tembuc tembuc hanianina faka forau hengising annideu kopocsicac turunga nenannu mi habac.