Haggai 1:1 - Deduamiti

¹ Dareyawesngo Pares bangectoaac ngictau kefu kifaya yohockang nga afo siksac uameme mocgu kemmanu Kebungo Secalticelac medac Dzerubawel Yehuda yeneac gawana nga Yehotsadakac medac Yehosuac womonggarengtoa kefec, yereac yoac profete Haggai edeu yeng kemma yofi dekperagiyecmeec:

Haggai 1:1 ပူးပေါင်းရင်းမြစ်များ

Nehemia 12:1

Womonggareng nga Lewiareng yomoc yeneng Tseatielac medac Dzerubawel nga womonggarengtoa Yosuha yerigoc dzigenegec: Seraia, Yeremia, Edzera,

Nehemia 12:10

Yesuha ye Yoiakimgac mama nga Yoiakim ye Eriatsibiac mama, Eriatsibi ye Yoiadaac mama,

Nehemia 5:14

Amma imocsac kpac, ngictau Atadzeksingo ngictau anecac kifa 20 ammanu ni Yehuda bangecac gawana fainugec kifa 12 kefai. Anu Atadzeksingo ngictau kecmanungoc kifa 32 anecac amma kifa botuc imohai ni uangicfocnagoc neni gawana semeng yemmeandae isoc neni mong mi nemmegec.

Nehemia 7:7

Enara yomoc yeni Dzerubawelngo waraiyemmeu hagec; Yosuha, Nehemia nga Asaria, Ramia, Nahamani, Modekai Biltsan, Misperet, Bigawai, Nehum amma Baana. Nga yomoc ine Isracel ngic enara yeneac kpete.

Nehemia 8:9

Ngicngac yeneng negentegecma wosongina homac heihodungaiu kiac ubahodung anggec, gawana Nehemia, womonggareng nga singyoacac kpoukpou Edzera nga Lewiareng yeneng yofi edeyunugec, “Uameme yomocngo Kebu Anutuninaac kicfu kpetiac andeac amma ngeni kiac ubamangang mi ambisia.”

Makekeng 4:13

Ifi deu Mosengo deec, “O Kebu, yoac deduaeac kopocsicna wana, ge sifu ngic mong me mong suena kenu.”

Haggai 1:12

Anu Secalticelac medac Dzerubawel nga Yehotsadakac medac womonggarengtoa Yehosuac amma yehudangicngac toseanec komoc kpegec yeneng Kebungina Anutu yeac yoara imoc negemma profete Haggaingo yoac deec, imoc modacgec. Nocac Kebungina Anutu yennoc profete Haggai yenearu sueec, ifi negenggec damuyunuu Kebu sesehegec.

Haggai 1:14

Amma Kebungo Secalticelac medac Dzerubawel Yehuda yeneac gawana nga Yehotsadakac medac Yehosuac womonggarengtoa kefec amma yehudangicngac toseanec komoc kpegec yeneac ongaasu midiu yeni negen negengngina kpedzucnema hama hanahema kurumenggac wasaiareng habuya habuya yeneac Kebu Anutungina yeac ama megec.

Haggai 1:15

Dareyawesngo Pares bangectoaac ngictau kefu kifaya yohockang nga afo siksac uameme twentifo kemmanu yeni ua imoc hanahegec.

Haggai 1:2

Kurumenggac wasaiareng habuya habuya yeneac Kebu yeng yofi dede, ‘Ngicngac yomoc yeni yofi deandae, “Kebuac ama menideac naso imoc mi hadacngoc.” ’

Haggai 1:3

Ifi deandaeac Kebungo yoara profete Haggai edeu yofi deec,

Haggai 2:10

Dareyawesngo ngictau kefu kifaya yohockang nga afo nainggac uameme twentifo kemmanu Kebuac yoac profete Haggai yearu yofi hau negenec: Kurumenggac wasaiareng habuya habuya yeneac Kebu yennoc yofi dede,

Haggai 2:20

Kebuac yoac afo imocac uameme twentifo imohai profete Haggaiaru monggoc hau negenu atac yohockang anec,

Haggai 2:21

“Ge yehudangicngac yeneac gawana Dzerubawel Secalticelac medac yofi edena, ‘Ni kurumenga kurumenga nga bangeha bangeha kpemindzaheyunudacba turic turic andacgecde.

Haggai 2:4

Ni Kebungina nennoc deduae: Ni ngenigoc kecduae imocac Secalticelac medac Dzerubawel ge yaguc serima nambesena nga Yehotsadakac medac womonggarengtoa Yehosuac ge serima nambesena amma bangec yomocac ngicngac sasawa ngeni ifingoc serima namma ua mebisia. Kurumenggac wasaiareng habuya habuya yeneac Kebu nennoc deduae.

Dzekarya 1:1

Dareyawesngo Pares bangecac ngictau kefu kifa yohockang nga afo eit kemmanu Kebuac yoac yofi Iddo esea, Berekyaac medac profete Dzekarya yearu hau negenec:

Dzekarya 3:1

Anu Kebungo kpefinnu womonggarengtoa Yehosuac edzacnuec. Ye Kebuac angeroac kicfubigeng nanec. Nammanu Satangngo Yehosuac yoacfu faiudeac marifoiaugeng nanec.

Malecaki 1:8

Ngeni sese ohogecdeac ramaburumaka kicpisic me hanimangang me hafeiagoc ifia faigecdeu imoc sing sege segea ande. Ngeni ramaburumaka ifia gawananginaac faigecdeu ye imocac songo mong mi negenude amma imocac ubangerec mong naric mi dengemmeude.

Ruka 3:27

Yuda ye Yohananggac medac nga Yohanang ye Resaac medac. Resa ye Dzorobabeac medac nga Dzorobabe ye Saratiereac medac. Saratiere ye Neriac medac