Garata 6:9 - Deduamiti

⁹ Imocac amma faka gombungaac kucmama mi ambisina. Nenang modzotitia kpac kecma faka gombunga amma kecmina nasoyada hau semeng fora gombunga menide.

Yoak kekehagocac Dzadzahac gboria nga Mitiyegec

⁹ Imocac amma faka gombungaac kucmama mi ambisina. Nenang modzotitia kpac kecma faka gombunga amma kecmina nasoyada hau semeng fora gombunga menide.

Garata 6:9 ပူးပေါင်းရင်းမြစ်များ

Fingec fingec 29:7

Anu Yacakow ye yofi deec, “Negendae, wenac nandengoc rama meyunu kenggecdeac naso mi ande. Imocac amma doku gumecyunuma faiyunugec kemma kpindzing monggoc negec.”

Mitiyegec 104:27

Wiac imoc sasawa yeni kicngina gearu figec geng nasoya hau yaka yemmenadeac negeung kecgec

Mitiyegec 126:5

Ngicngac kickumagoc wiac homecandae, ngeni sogac sogaigoc arohoma fora megecde.

Mitiyegec 145:15

Geng nasoya hau yaka yemmenadeac sasawango geac negeung amma kicngina gearu figecde.

Tsefanya 3:16

Naso imohai Yerusalaim yofi edebesandae, “O Tsion, ge mi kengecgubeso amma mariga wana kuha kpac mi ambeso.

Malecaki 1:13

Ifi faima yoac yofi deandae, “Ua imoc gebehagoc ande.” Ifi dema dehesi amma ramaburumaka kateac yangngo kpekpea me hanimangang me hafeiagoc ifiango neac sese dema faikecdae, fakangina ikoha imocac naric mi negeng ngereengemmebade.

Mataio 10:22

Nga neac kpacac amma ngicngac sasawa yeneng ubango ukungunugecde. Nga ngic mong ye seserigoc kecmanu nasotoa haude, yeng komoc kpebesande.

Mataio 24:13

Nga ngic mongngo serima kecmanu naso wisickeude, yeng komoc kpeude.

Mataio 25:17

Nga ngic tarantong dzo yohockang meec, ye ifingoc kemma emekpesi uaya mema yohockang torokpema meficgeec.

Mataio 9:19

Ifi deu Yesungo yacma kenu medacfora ifingoc yenahafoc modacma kenggec.

Mareko 3:3

Hembikecgec Yesungo ngic marimangang yofi edeec, “Ge yacma botucninau nanna.”

Ruka 18:1

Medac yeneng nasosoc modzotitia kpac nunumu ua megecdeac Yesungo yoac mong heima yofi edeyunuec.

Roma 2:7

Mong ye mamangkima faka gombunga mekecma kurumenggac kuc kibikperagiagoc nga eweheihei amma kekecseri meudeac ammiu uatoa mekecde, Anutungo ye kekec wisic wisickea kpac miude nga mibesande.

1 Korinti 15:58

Tosofocna, Kebuac ua meandae, imoc sicsauc mi meandae, ngeni imoc negendae. Ngeni imocac Kebuac ua mi wabisia, kpac. Ngeni nasosoc seria namma imoc mekecbisia.

2 Korinti 4:1

Anutungo wosoefahaac amma ua areng ohoaimoc, imoc nemmeec. Imocac amma kucmama mi angandimbe.

2 Korinti 4:16

Sebininango kucmama meficgema kpac ambeso anu Anutungo sifu ubaherenina wenacsoc heigborinemmekecde, imocac nenang ubanina mi maude.

2 Korinti 9:6

Ngic mong ye yaka efeanec semeng uau homerude, yeng fora efeanecsac meficgeude. Nga mong ye yaka ebira homerude, yeng fora ebirangoc meficgeude, ngeni imoc negensibisia.

Efeso 3:13

Imocac yofi edengunuba negenggec: Ni ngeni meficngunubadeac kpendzeng witiau kecba imocac ubangina kuha mi mabeso, kpac. Imoc memeficngina ambeso.

2 Tesaronike 3:13

Negen negensinggoc tosofocnina, ngeni angammeme gombunga anggecdeac ubango modzotitia kpac kecbisia.

Hebiraio 12:3

Nga ngeni kucmama amma ubangina mabacac yeac negensima kecbisia. Yeng waraima kpendzeng kpemanu kopocsicmeme yeneng yeac deendema ammigec.

Hebiraio 12:5

Nga Kebungo medacfora meseringunuudeac yofi edengunude, ngeni imoc naric mi nigecngunubeso. “Medacna, Kebungo gumeting anggenu ge imoc mi ngadehebesena nga yeng yoac seria deu ubaga mi mabeso.

Hebiraio 3:14

Nenang urecfu Kristo seria negensinggema kefing, negen negensinnina siriha imocngo mekecnideu naso wisic wisickeau serima nanni yeng deude, “Ngeni neac ogofocna.”

Hebiraio 3:6

Mose ye kingangkpepe kecma Anutuac uayoac modackefec nga Kristongo Anutuac Medac kecma uayoac modacma yeac amagareng kecde. Amma nenang kengeha kpac kurumenggac wiac menide, imoc wiac engena negemma serima mekecnideu Anutuac amanoc angkecnide.

Yakobo 5:7

Tosofocna, imocac ngeni modzotitia kpac tomai kecmagec Kebungo habesande. Nga negenggec, semeng ua minginango semenga homeru kia kpeu yeng semenga bangecfunac yadiudeac modzotitia kpac fora nasoac tomai kefude.

1 Petoro 2:15

Ngic yeni negen isingngina kpac wiac mong mi negentegecdae, imoc ngeni angammemengina gombungango enacngina midomebisia, imocngo Anutuac songo ande.

1 Petoro 3:17

Ngic mong ye angammemea gombungaac amma Anutungo negemmiu kpendzeng kpeude, imocngo ngereeude. Nga mong ye fakaya manganaac amma kpendzeng kpeude, ye mi dengerebesonga.

1 Petoro 4:19

Ngicngac Anutungo negengyemmeu kpendzeng kpeandae, yeni angammeme gombunga angkecma ubaongangina hafoangoc Anutu bangec nga kurumeng meficgeec, yeac mariu faibisia, nocac ye dedzegeyoara mi waude, kpac.

Yohaneac kpefing 2:17

“Kedzahagoc yeng Asungo kpebung yoac edeyunude, imoc negembeso. Ngic me ngac firang anude, ni ye mannayaka sufu sufuya, imohacnac mima hoc mong kongac kongac nga kpac gboria mong ihai oho ohoya fede, imoc mibade. Kpac imoc mongngo mi negemmanu ngic hoc nearunac mede, yengsac negembesande.”

Yohaneac kpefing 2:3

Ge modzotitia kpac serima kecannec nga kpacnaac amma ebic homac tofohoma kucga mi maec.’ ”

Yohaneac kpefing 2:7

“Kedzahagoc yeng Asungo kpebung yoac edeyunude, imoc negembeso. Nga firang anude, ye kekecac ic Anutuac eucererennu nande, imohacnac fora naric miba nebesande.”