Garata 5:17 - Deduamiti

¹⁷ Uba eseango Asuac kekec kpeude nga Asungo uba eseaac kekec kpeude. Yeri ngaba angemeandape, imocac ngeni wiac gombunga ambesonga negengkecdae, imoc waandae.

Yoak kekehagocac Dzadzahac gboria nga Mitiyegec

¹⁷ Uba eseango Asuac kekec kpeude nga Asungo uba eseaac kekec kpeude. Yeri ngaba angemeandape, imocac ngeni wiac gombunga ambesonga negengkecdae, imoc waandae.

Garata 5:17 ပူးပေါင်းရင်းမြစ်များ

Fingec fingec 6:3

Ifi anggec Kebungo yofi deec, “Ngicngac yeni sebifusingina bangectehecngo memea imocac amma neac asu yenearu fefeseri mi febeso. Yeni bangecfu kekecnginaac kifanaso 120sac ambeso.”

Mitiyegec 119:133

Faka manganango kekecna garenggeu ngicngac ogofocna memanganeyunubaiac singtitina meserina. Ge yoac deserima denec, imoc modacbesare.

Mitiyegec 119:159

Kebu, ni geac dederecgeyoacac songotoa negenduaeac geng imoc negensikecna. Geng yoac dedzege amma imoc modackecnec, imocac kekecna onggonggena.

Mitiyegec 119:176

Rama sufu sufuyango sing segema kengande, ni ifi isoc sing segema kenai. Ni, kingang ngicgango geac nonoyoac mi nigecnuudeac hama meficnuna.

Mitiyegec 119:20

Ubaonganango nasosoc geac dederecgeyoac negembeso ammiu kuha kpac ambeso ande.

Mitiyegec 119:32

Ge negen negentegecna meyadikecna geac nonoyoacgaac sinnu nedzikecbade.

Mitiyegec 119:35

Nonoyoacgaac ubangerec negenduaeac sing imohai hesicnuna.

Mitiyegec 119:40

Ge fakaga dindingac imocac amma kekecna megborima kekec monggoc nenna. Negenna, ni geac dederecgeyoac negembadeac anende.

Mitiyegec 130:3

O Kebu, ge kopocsicnina kicgau arenggema negenna febacfu ngic mongngo serima naric mi kecbac.

Mitiyegec 65:3

Neni ngicngac ogofocnina memanganeyunuinggac ebic imocngo memanunuu geng singyoac kpeinggac kopocsicnina wanec.

Mataio 12:30

“Ifi anu yofi edengunuba negenggec, ngic mong ye mi nanggenude ye ngadenuude. Nga mongngo nigoc mekpedzuc ua mi meude, yeng neac wiac megigi anu sinsararang kpeudeac ua meude.

Mataio 16:17

Ifi deu Yesungo yofi edeec, “Simong, Yonaac medac, yoac imoc ngic dedeunac mi dedang, imocac ge kenecgagoc. Manna kurumennu kecde, yennoc imoc mekperagima edeguu dedang.

Mataio 16:23

Ifi deu Yesungo dzigenema Petoro yofi edeec, “Satang, ngadenau hakenna, ni memanunadeac negennec. Ge wiac negennec, imoc Anutuarunac kpac, imocngo ine ngicac negen negeng ande.”

Mataio 26:41

Ngeni faitobannu embauac ubagbori kecma numugec. Foracngoc, ongaasungo efaiande nga sebingo ine ebiriude.”

Mataio 5:6

Ngicngac yaka nga dokuac homeandae, ifi isoc dindingac kekecac homeandae, yeni kenecnginagoc, Anutungo yeni imoc gumecyunuu gebecyunuude.

Ruka 22:33

Ifi deu Petorongo merenec, “Kebu, ni gegoc witicamau kembade amma homebadeac bic efaidua.”

Ruka 22:46

yofi edeyunuec, “Ngeni nocac gau fedae? Ngeni faitobannu embauac yacma numugec.”

Yohane 3:6

Nga ngicfunac fingec fingera, yeng ngic siricngoc nga Asuunac fingec fingera, ye Asu siricngoc.

Roma 8:13

Ngeni uba eseaac songo nga negen negeng modacma kecgecdeu homecac areng anggecde. Nga Asuac kucfu uba eseaac angammeme kpebucgegecdeu kechereema kecbesandae.

Garata 3:21

Anutungo Abrahanggoc yoac dzegeec, imoc dedeseriyoacngo mi kpede, imoc kpac yombong. Anutungo dedeseriyoac nemmeec, imocngo kekecseri meficgenemmebac dede ye dedeseriyoacac amma ngicngac dindingac denemmebac, amma ifi mi fingerec.

Yakobo 3:2

Nenang sasawa naso homac kopocsicfu manunuude. Amma ngic mong ye yengenaac yoac segema kopocsic mi meficgeudeu ye ngic hafoangoc gombunga amma yeng sebia ifingoc garenggeudeac mi obohoude.